post

Luns, 17 de setembro, paro de 24 horas en Atento A Coruña

Tras máis de 3 meses de continuas mobilizacións das traballadoras e traballadores de Atento Coruña en protesta polos despidos, sancións e as nefastas condicións laborais que están a padecer, o pasado martes a empresa reuniuse co comité de empresa para tratar as reivindicacións da plantilla.

 

Atento comunicou o comité de empresa a sua intencións de non rematar cos despidos e as sanción cando e como considere necesario, aínda que non exista motivo real que os xustifique, tamén indicou que non pode facer nada en canto a mellorar as condicións do traballo en temas como que as aplicacións informáticas non fallen a diario ou que @s traballador@s dispoñan de un tempo administrativo entre chamada e chamada para poder cumplimentar os datos das mesmas.

 

Por todo isto, o comité de empresa, del que a CGT forma parte, decidiu proseguir adiante coas mobilizacións convocadas. A próxima será un paro de 24 horas o próximo luns 17 de setembro.

Sección Sindical CGT Atento A Coruña

 

post

Manifestación luns, 10 de setembro: a loita continúa en Atento A Coruña

Dentro da campaña continua de mobilizacións das traballadoras e traballadores da empresa Atento da Coruña, que se veñen sucedendo desde finais do mes de maio, a totalidade do Comité de Empresa, do que forma parte a CGT, convoca unha manifestación o próximo luns, día 10 de setembro, ás 18:00 horas, e que sairá das portas do centro de traballo na rúa Juan Flórez. A saída da manifestación coincidirá co inicio do paro de dúas horas convocado para a tarde. Tamén está convocado outro paro pola mañá e outro pola noite, todos de dúas horas, un por quenda.

Os motivos da manifestación son os que se veñen facendo públicos nos últimos tempos: contra a política antilaboral da empresa que se traduce en despedimentos con causa falsa ou por absentismo xustificado (o último despido, hai dez días, foi a un compañeiro por estar enfermo de máis), acosos permanentes, sancións inxustas, presións, cargas de traballo excesivas, imposicións das quendas de vacacións e total desprezo pola dignidade dos traballadores e traballadoras.

Atento cumpre agora 20 anos de existencia na Coruña. Durante estes 20 anos caracterizouse polos soldos miserentos, por espremer ata a última gota á plantilla, por despedimentos masivos ou individuais permanentes que reduciron o persoal á metade nos últimos anos, e pola utilización de todas as argucias legais para machucar calquera intento de oposición en defensa dos intereses obreiros.

Pero Atento non conseguiu facer calar as voces que se alzan contra a explotación e, nestes 20 anos, atopouse con quen loitou contra o seu voraz instinto depredador. Hoxe, a loita continúa a pesar de todos os seus intentos.

Sección Sindical de CGT Atento – A Coruña

 

 

post

Concentración diante da Mutua Fraternidad

O vindeiro mércores día 27 de xuño, ás 11 horas, terá lugar unha concentración diante da mutua Fraternidad-Muprespa (Avda. do Exército, 12), convocada polo comité de empresa de Atento, do que forma parte a CGT,  en protesta pola miserable actitude da mutua nos últimos tempos, que deixou de prestar servizos sanitarios ás traballadoras e traballadores en situación de baixa médica, para converterse nun instrumento de presión para acelerar as altas médicas sen importarlle a súa saúde.
Esta concentración forma parte das mobilizacións que están a levar a cabo as traballadoras e traballadores de Atento Coruña todos os luns con paros laborais (de 0 a 1, de 12 a 13 e de 18 a 19 horas) e concentracións diante do centro de traballo en Juan Flórez, ás 12 e ás 18 horas, para esixir o cesamento dos abusos da empresa a través de despedimentos, sancións, presións, acoso e outras agresións durante o desempeño do noso traballo.
Sección Sindical da CGT en Atento A Coruña

 

post

A CGT da Coruña apoia a Marcha do Persoal Precario das Administracións

A CGT da Coruña acordou prestar o seu apoio á Marcha do Persoal Precario da Administración Pública, que terá saírá o próximo venres, día 16 de marzo, ás 10:00 horas, do Parlamento de Galicia.

Para a CGT a defensa dos servizos públicos de calidade é un das súas prioridades sindicais; e para que estes servizos públicos non se vexan paulatinamente deteriorados é imprescindible un emprego público estable e de calidade. O persoal que atende agora mesmo estes servizos é, en gran parte, temporal e cunhas condicións de traballo, sen expectativas de consolidación, lamentables. Por iso, a CGT considera que as reivindicacións deste persoal son xustas.

Por iso, a CGT da Coruña convoca a que a súa afiliación, simpatizantes e pobo traballador participe nesta mobilización e se solidarice con estes colectivos maltratados pola Administración.

Comité da CGT da Coruña

 

post

A CGT da Coruña apoia a concentración polas pensións do día 17

A CGT da Coruña acordou manifestar o seu apoio á concentración convocada para o próximo sábado, día 17, ás 12:00 horas, no Obelisco da Coruña, en defensa do sistema público de pensións.

O sistema de pensións ven sendo saqueado polas elites políticas e económicas do país a través das últimas reformas que foron, a do PSOE que retrasou a idade de xubilación, e a do PP que modificou o sistema de cálculo da revalorización, deixándoo nun miserento 0,25% anual. Ao mesmo tempo, os poderes políticos e financeiros promocionan os sistemas privados de pensións metendo medo aos traballadores e intentando convencelos de que o sistema actual non é sostible.

Para a CGT, o mantemento dun sistema xusto, solidario e público cunhas pensións suficientes para levar unha vida digna é posible sen ningunha dificultade. Cando se pode rescatar á banca, cando se lle rebaixan as cotizacións ás empresas, cando se recortan os impostos aos poderosos, cando se saquea a caixa de reservas da Seguridade Social, en realidade o que están facendo é eliminar a financiación do sistema de pensións e fomentar o sistema privado, inxusto, insolidario e de solvencia dubidosa.

Por isto, a CGT da Coruña convoca á súa afiliación, simpatizantes e poboación traballadora en xeral para que apoien esta convocatoria. Por que é xusto e impresdindible.

Comité Local da CGT da Coruña

 

Concentracións para o mes de marzo polo despido de Xurxo de GAINCA

Concentracións diante da Oficina central de Caixanova (Rúa García Barbón nº 1 – 3 . VIGO):

  1. Venres 6. De 11:00 horas a 12:00 horas
  2. Venres 20. De 11:00 horas a 12:00 horas

Concentracións diante do teatro do Centro Cultural Caixanova (Rúa Policarpo Sánz):

  1. Xoves 5. De 19:30 horas a 20:30 horas.
  2. Xoves 12. De 19:30 horas a 20:30 horas.
  3. Xoves 19. De 19:30 horas a 20:30 horas.
  4. Sábado 21. De 19:30 horas a 20:30 horas.
  5. Mércores 25. De 19:30 horas a 20:30 horas.
  6. Xoves 26. De 19:30 horas a 20:30 horas.
  7. Venres 27. De 19:30 horas a 20:30 horas.
  8. Sábado 28. De 19:30 horas a 20:30 horas.
  9. Domingo 29. De 19:30 horas a 20:30 horas.
  10. Martes 31. De 19:30 horas a 20:30 horas.

Manifestacións:

  1. Sábado 7. Ás 11:30 horas en PONTEVEDRA. Dende a Praza da Ferrería ata a sede central de Caixanova.
  2. Sábado 14. Ás 11:30 horas en VIGO. Dende a Vía Norte ata a sede central de Caixanova.