post

Pola recuperación do Parrote e da Maestranza

A CGT da Coruña manifesta o seu rexeitamento ao proceso especulativo que se está a levar a cabo polo Estado cos terreos do Hotel Finisterre e da Solana, da Coruña, así como cos terreos da Maestranza.

Estes terreos son do pobo da Coruña e deben revertir a éste e non server para fins distintos que aqueles polo que se produciron as cesións no seu momento.

A CGT da Coruña apoia as reivindicacións da Comisión Aberta en Defensa do Común, e anima aos seus afiliados e simpatizantes, así como á veciñanza da Coruña, a participar nas mobilizacións que teñan como obxectivo a recuperación do que é de tod@s.

Comité Local da CGT da Coruña

 

post

Convocatoria Asemblea Anual do Sindicato de Oficios Varios Vigo

Asemblea Anual do Sindicato de Oficios Varios

Convócase a todos os afiliados á Asemblea Anual do Sindicato de Oficios Varios de Vigo, que terá lugar o vindeiro mércores día 8 de Febreiro, nos locais do sindicato ás 18:00h.

ORDE DO DÍA

1. Elección de Mesa.

2. Informe das distintas Secretarías do S. Permanente.

3. Informe das xestións realizadas para a adquisición do novo local da F. Local de Sindicatos de Vigo, situado en Navia.

4. Asuntos Varios.

 

post

Segunda Marcha Laranxa de Unipost. Imos a Pontevedra

Segunda Marcha Laranxa de Unipost. Imos a Pontevedra

Venres 3 de Febreiro, ás 19:30, celebrarase a segunda marcha laranxa en Galicia, concretamente na cidade de Pontevedra ( saída do hospital provincial na rúa Loureiro Crespo n.°2).

Aínda que a través da vía xurídica CGT estea a denunciar a falta de pagamentos e inxustizas aos que nos vemos sometidos os traballadores de Unipost, cremos imprescindible seguir facendo público o conflito continuando coas mobilizacións e concentracións e así facer un chamamento á solidariedade do pobo traballador e demostrar á dirección de Unipost que este persoal non é submiso nin pasivo.

O obxectivo é loitar a través da acción sindical e unión dos seus traballadores contra as devanditas inxustizas, polo que desde CGT chamamos á asistencia á marcha de todo o persoal de Unipost Galicia.

Non é momento de escusarse nin acomodarse, é o momento de loitar por un emprego digno tanto para nós como para o dos nosos fillos.

A unión dos traballadores pode facer posible que esta situación se reverta, polo que se pide a todos que acudades o venres día 3 de febreiro a Pontevedra a loitar polos nosos dereitos.

Saúde

CGT Unipost Galicia

 

 

 

post

Máis de cen mil traballadores en todo o Estado, convocados á folga do Telemárquetin este xoves 26 de xaneiro

Máis de cen mil traballadores en todo o Estado, convocados á folga do Telemárquetin este xoves 26 de xaneiro

A Confederación Xeral do Traballo (CXT) informa de que  este xoves 26 de xaneiro haberá unha nova folga sectorial do Telemárquetin en todo o Estado.

Tras máis de dous anos de negociación do novo convenio colectivo a patronal do sector segue mantendo a súa proposta de convenio continuista que pretende perpetuar condicións precarias para os teleoperadores.

Debido a esta folga, veranse bloqueados todos os servizos de atención ao cliente do Ibex 35, é dicir, as grandes empresas bancarias, enerxéticas, de telecomunicacións e mesmo administracións públicas de todo o Estado, xa que este sector é crucial para a prestación de servizos de atención á cidadanía e ao consumidor.

Nas principais cidades do Estado haberá actos públicos de protesta, onde se concentrarán os traballadores en folga. En Galicia:

  • Na Coruña: concentración fronte á tenda de Movistar, Praza de Pontevedra, ás 12: 00 horas.
  • En Vigo: manifestación ás 11:00 horas desde a Praza de España.
  • En Lugo: concentración ás 12:00 ante a empresa de telemárquetin Abante.

Sector do Telemárquetin

 

 

Polo público, polo común

Desde a orixe do capitalismo, o público véuselle usurpando á clase traballadora que o crea e, pola contra, entregándoo aos grandes grupos empresariais e financeiros. Esta usurpación e saqueo puidérona facer grazas á colaboración servil dos diferentes gobernos co poder económico, fose cal fose o seu signo político, en defensa dos intereses dos grandes capitalistas. Desde 2007, coa crise-estafa, os gobernos, xunto as institucións da Unión Europea e do sistema capitalista, FMI, BM, BCE, espoliaron as rendas salariais, empobrecendo a maioría social para beneficio privado duns poucos desalmados, e as conquistas sociais e servizos que ofrecían un mínimo de protección á clase obreira. Sabemos tamén, por reiteradas experiencias, que non é votando como se garanten os dereitos e as liberdades, como se recupera todo aquilo do que nos desposuíron e que era noso, nin se impiden novos atracos sociais. É coa protesta na rúa, coa presión popular, coa loita decidida de todos, goberne quen goberne, como conseguiremos establecer un modelo de sociedade onde podamos vivir con Dignidade.
Non estamos a loitar pola estatalización da vida, estamos a loitar por defender o Común, o que é de todos, e por iso defendemos tamén a necesidade e o dereito á autoorganización, xestión directa e participación na toma de decisións, tanto por parte das persoas usuarias e dos traballadores dos devanditos servizos, como da clase traballadora no seu conxunto. Trátase de exercer a Democracia Directa, a participación real en todo aquilo que nos afecta vitalmente.
Por estas razóns, a CGT de Galicia chama a toda a súa afiliación e a todas as persoas que compartan estes criterios, ao Sindicalismo de clase alternativo, ás Mareas cidadás, aos estudantes, aos colectivos e movementos sociais e á clase traballadora en xeral, a continuar loitando en defensa do que é de todos, detendo este proceso de roubo xeneralizado.
CGT de Galicia

 

post

Pontevedra, 21 xaneiro: Defensa da Sanidade Pública

A CGT de Pontevedra chama ós seus afiliados, simpatizantes e ó conxunto da sociedade pontevedresa a participar activamente este sábado, 21 de xaneiro nunha nova edición da Marea Branca en defensa dunha sanidade pública, universal, gratuita no momento da prestación e de calidade, convocada pola Coordinadora Antiprivatización da Sanidade Pública. A mobilización terá lugar en Pontevedra, Praza da Peregrina, ás 12,30h.

Recortes, situación precaria dos traballadores e traballadoras interinas, peche de camas, incrementos nas listas de espera, colapsos nas urxencias, aposta do goberno por un modelo sanitario privado que beneficia ás multinacionais … sobran os motivos para a mobilización da cidadanía na defensa dunha sanidade pública, universal, gratuita no momento da prestación e de calidade.

Comité Local da CGT de Pontevedra

 

 

post

23 Xaneiro: Asemblea da CGT de Pontevedra

A CGT de Pontevedra convoca Asemblea Xeral para o día 23 de xaneiro, luns, a partir das 19,00h. Os temas a debater son os que figuran na Orde do Día do Pleno de Sindicatos de Galicia, que terá lugar entre os días 28 e 29 de xaneiro na localidade da Coruña, e que son, entre outros, a posición da CGT na situación actual e a organización dos sectores. Asimesmo, tratarase do nomeamento de Secretario Xeral da CGT da Galicia e a designación da sede do Secretariado Permanente. Tamén na Asemblea elixiranse os compañeiros que asistirán ao Pleno en representación da CGT de Pontevedra.

Faise un chamamento á afiliación para que asista á Asemblea e contribúa para que os acordos sexan o mellores posibles.

 

Comité Local da CGT de Pontevedra