post

E xa van 60 «Follas» en Navantia

Efectivamente, vense de publicar o número 60 da Folla da CGT en Navantia-Ferrol e, coma sempre, cun contido de máximo interés:

  • Necesidade de continuar coas mobilizacións por carga de traballo.
  • Sentenza sobre prestamismo laboral.
  • Cambio na presidencia.
  • Chapuza no contrato do mantemento.
  • Os ricos, máis ricos coa pandemia.

Pódese ler ou descargar este número picando nas ligazóns de embaixo.

Sección Sindical Unitaria de CGT en Navantia-Ferrol

 

post

Incidencias nas convocatorias de prazas de Navantia

Prazas operarios-empregados júnior 2019: Se alguén pensou que polo menos o ingreso na factoría se desenvolvería con normalidade, equivocouse. Dúas persoas que superaron o segundo exame non ingresarán. En ambos casos acordouse chamar ós seguintes da respectiva especialidade.  

Nun caso, a persoa non respondeu ás comunicacións de Navantia para o recoñecemento médico. Navantia di que non sabe o motivo; outra posibilidade é que non o queira contar.  

No outro, pasou o recoñecemento médico e incluso apareceu na lista oficial de ingresos publicada por Navantia. Pero co resto da súa especialidade xa dentro, Navantia comunica… que a persoa NON TIÑA A TITULACIÓN REQUIRIDA PARA PRESENTARSE ÁS PRAZAS.  

Dada a limitación de 3 por praza no segundo exame, este erro significou que unha persoa ficou inxustamente sen posibilidade de optar a unha praza. Despois de ano e medio de proceso, este descontrol é de escándalo.  

A CGT pediu explicacións. ¿Esa persoa enganou na inscrición? ¿Navantia equivocouse ó dala por admitida? Se foi este caso, ¿que pasou? ¿Foi neglixencia ou hai outra causa? Como sempre, RRHH de Navantia non responde.  

As persoas poden equivocarse, pero o proceso non pode ter fallos porque estamos falando do futuro de persoas. A CGT esixe que Navantia garanta que isto non volve ocorrer e que a solicitude dos orixinais dos títulos académicos se faga antes da publicación das listas definitivas do primeiro exame.  

Decenas de convocatorias para a antiga Escola de Aprendices facendo todo a man, manexando milleiros de papeis entregados en persoa, e nunca houbo ningún problema. E agora, na Navantia 4.0 e cunha compañía subcontratada, un psicólogo fachendoso, un portal de emprego, medios informáticos, etc., e todo son problemas. Está claro que o verdadeiro problema é que non hai vontade de facer uns procesos obxectivos e transparentes, a pesar de que Navantia debería dar exemplo como empresa pública que é.  

Prazas sénior 2019: Onte houbo reunión empresa-comité. A CGT protestou pola publicación das listas provisorias de admitidos e non admitidos nas prazas de operarios-empregados en plena Semana Santa e tamén porque o prazo de reclamacións violara os criterios usados até agora, posto que empezou o mesmo día da publicación e rematou en festivo (Xoves Santo). A CGT plantexou dúas cousas:  

1) Apertura dun novo prazo de reclamacións, por entender que publicalas en Semana Santa non era axeitado.  

2) Que, como mínimo, se aceptasen tódalas reclamacións recibidas dentro do que sería o prazo de reclamacións se chegan a usarse os criterios que se viñan utilizando até agora (inicio do prazo ó día seguinte da publicación e non incluír nin festivos nin fins de semana).  

Só a CIG apoiou estas propostas. CCOO e MAS posicionáronse coa empresa, para variar. UGT non particpou na xuntanza.  

Respecto ás prazas universitarias,a CGT esixiu a publicación de listaxes de admitidos e non admitidos. Non publicalas é unha total falla de respecto a tódolos aspirantes, que o menos que se merecen é saber canto antes se están dentro ou fóra da convocatoria e ter a posibilidade de reclamar. A empresa rexeitouno argumentando que non se acordara así coa parte social.  

Dado o nivel de non admitidos que hai nas prazas, ¿por que RRHH de Navantia, CCOO e MAS teñen tanto interese en converter os procesos de ingreso en auténticas carreiras de obstáculos para a maioría da xente?  

Sección Sindical Unitaria de CGT-Navantia

 

post

Número 59 da «Folla da CGT» de Navantia

Foi distribuido xa o número 59 da Folla da CGT en Navantia. O contido, como sempre de interés, é o seguinte:

  • Asembleas manipuladas e á carta
  • @s de novo ingreso, atracad@s
  • Continúa o escándalo dos novos ingresos
  • As retribucións variables
  • Horas sindicais de marzo

Quen teña interés, pode abrir ou descargar a Folla picando nas ligazóns de embaixo.

Sección Sindical Unitaria da CGT en Navantia – Ferrol

 

post

Prazas de Navantia: isto é impresentable

Navantia publicou esta mañá as listaxes de admitidos e non admitidos nas prazas de operarios e empregados sénior 2019.

O xoves pasado, nunha xuntanza da Comisión de Emprego, decidiuse pedirlle á empresa que, antes de publicalas, entregase as listaxes ó comité, para poder revisalas e, no seu caso, facer un cribado de comprobación, como se fixo tanto nas prazas júnior coma nas de universitarios sénior.

A empresa negouse. MAS e CCOO aceptaron a negativa. Por que Navantia négase agora a facer o que se fixo noutras convocatorias? Por que MAS e CCOO, no canto de esixir o mesmo ca noutras prazas, aceptaron esa negativa? Por que impediron que todo o comité fixese unha revisión antes da publicación?

A maiores, as listaxes seguen tendo toda unha serie de eivas.

É impresentable que siga sen especificarse os motivos concretos da non admisión. Non abonda con dicir “documentación incompleta”; hai que especificar que documentos faltan.

Máis grave. Despois de que tanto a empresa como CCOO e MAS mantivesen paralizadas as convocatorias durante meses, agora teñen tanta, tanta présa, que o prazo de reclamacións VIOLA AS BASES da convocatoria, que establecen tres días. As listas provisorias de aprobados na 1ª proba das prazas júnior publicáronse o venres 31 de xullo de 2020. Cal foi o período de reclamacións? Das 00:00 h. do luns 3 de agosto ás 23:59 h. do mércores 5.

Agora o prazo comezou hoxe mesmo e rematará ás 11:59 h. do Xoves Santo. Se chega a aplicarse o mesmo criterio, o prazo comezaría ás 00:00 do martes 30 e remataría ás 23:59 h. do martes 6 de abril. Non só dificultan as reclamacións non informando dos motivos concretos e publicando as listaxes no medio da Semana Santa, senón que na práctica reducen, con festividade e alevosía, o prazo para reclamar. Por que queren dificultar as reclamacións?

A CGT esixe:

1) QUE TÓDOLOS SINDICATOS POIDAMOS COMPROBAR O QUE ESTIMEMOS OPORTUNO.

2) PUBLICACIÓN POSTERIOR DUNHAS NOVAS LISTAXES PROVISORIAS QUE INCLÚAN TÓDOLOS MOTIVOS CONCRETOS DA NON ADMISIÓN.

Sección Sindical Unitaria de CGT en Navantia – Ferrol

 

post

Número 58 da Folla da CGT en Navantia

Ven de ser publicado o número 58 da Folla que a CGT distribúe an Navantia de Ferrol. O contido é o seguinte:

  • Novidades informativas sobre novos ingresos
  • A actitude dalgún membro do Comité cos compañeiros retronados do teletraballo
  • A cuestión das vacacións anuais por cambio de devindicación
  • Sobre a carga de traballo e os intereses políticos
  • Necesidade de máis áreas de descanso
  • O escalafón e a Inspeción de Traballo

Pódese ler ou descargar a Folla picando nas ligazóns de embaixo.

Sección Sindical Unitaria da CGT en Navantia-Ferrol

 

post

Balance da Folga Xeral en Ferrolterra

Este é o primeiro contido da Folla da CGT número 57. Este boletín infromativo da CGT de Navantia contén, ademáis, o seguinte:

  • A cuestión do teletraballo en Navantia
  • A necesidade de organización na Industria Auxiliar
  • Novos ingresos. Concentración o xoves, día 18, ás 9:15 diante dos Xulgados de Ferrol
  • Visita da presidenta
  • O ERE anunciado por Gabadi

Pódese ler ou descargar a Folla picando nas ligazóns de embaixo.

Sección Sindical Unitaria de CGT en Navantia-Ferrol

 

post

Navantia: Folla da CGT número 56

Este número 56 presenta o seguinte contido:

  • Fin da folga na UTE de mantemento tras cinco semanas
  • Chamamento á Folga Xeral do 10 de marzo
  • O futuro de Turbinas
  • Mobilización en Correos de Narón
  • Xuízo gañado e cobrado
  • Desigualdade nos anticipos

Pódese ler ou descargar este número da Folla da CGT premento nas ligazóns do final desta entrada.

Sección Sindical Unitaria da CGT en Navantia-Ferrol

 

post

8 de marzo, todas á rúa

Este é o titular do número 55 da Folla da CGT, editao pola Sección Sindical Unitaria en Navantia de Ferrol. Ademáis, este número contén o seguinte:

  • O misterio dos contactos estreitos negativos por Covid na Industria Auxiliar
  • O teletraballo non é cuestión de negociación individual
  • Os novos ingresos
  • O aumento salarial de 2020
  • Habilitación de áreas de descanso
  • Horas dos delegados sindicais de febreiro

Pódese abrir ou descargar a Folla picando nas ligazóns de embaixo.

Sección Sindical Unitaria da CGT en Navantia-Ferrol

 

post

Folga xeral na comarca ferrolá

O 10 de marzo a CGT convoca folga xeral na comarca. Este é o primeiro dos temas incluidos na Folla da CGT de Navantia no seu número 54. O resto das cuestións son as seguintes:

  • O COVID e o teletraballo
  • O despedimento de Cartaxena
  • Cinco semanas de folga indefinida na UTE de mantemento
  • Novidades sobre os novos ingresos
  • Finiquito d@s prexubilad@s

Quen estea interesado en ler ou mesmo descargar este número, pode facelo picando nas ligazóns de embaixo.

Sección Sindical Unitaria da CGT en Navantia-Ferrol

 

post

Xa saíu o número 53 da Folla da CGT de Navantia

Este novo número da Sección Sindical Unitaria da CGT en Navantia Ferrol comeza esixindo a readmisión inmediata dun compañeiro de Cartaxena e o cese dos responsables. Tamén inclúe o seguinte:

  • Reunións cos grupos parlamentarios do Congreso
  • Solidariedade coa loita e mobilizacións do mantemento
  • Brote de Covid-19 na Industria Auxiliar
  • Últimas novidades sobre os novos ingresos

Oas persoas interesadas na Folla poden vela ou descargala picando nas ligazóns de embaixo.

Sección Sindical Unitaria da CGT en Navantia-Ferrol