post

Crónica do Primeiro de Maio na Coruña

Un pouco despois das 12:30, 500 manifestantes, convocados pola CGT e pola CUT saíron da Praza de Pontevedra en conmemoración do Primeiro de Maio. A mobilización foi animada e percorreu as rúas de san Andrés, Real e Panadeiras, para rematar no Campo da Leña. Ao fin do acto, leuse un manifesto conxunto e despois se deixou o micrófono libre. Rematouse cos cantos de «A las barricadas» e do «Grándola».

Texto do manifesto conxunto:

CONTRA A EXPLOTACIÓN E O SAQUEO: SOLIDARIEDADE E LOITA

Compañeiras e compañeiros:

Cando este 1º de maio reflexionamos sobre a nosa situación como clase obreira non podemos deixar de ver as inxustizas que nos rodean: millóns de persoas no paro, a metade delas sen ingresos; milleiros seguen a perder a súas vivendas, a pesar das promesas dos diferentes gobernos; moitas vense obrigadas a migrar, especialmente entre a poboación máis nova; a pobreza e a miseria esténdense e alcanzan cada vez a máis capas da poboación.

A explotación é o noso pan diario: horarios interminables, moitas veces sen pagar; salarios de miseria; contratos á carta para o empresario; convenios que non se aplican; despedimentos practicamente gratuítos; incremento constante dos accidentes de traballo, moitos graves e mesmo mortais; precarización extrema dos traballos feminizados, a maioría relacionados cos coidados -que aínda a día de hoxe seguen sen ter o recoñecemento social que merecen, como sustento do mundo que son-. A explotación no seu significado máis xenuíno aséntase no mundo laboral, onde prima unha lexislación feita soamente para o beneficio empresarial e non para que a clase obreira teña o que merece por xustiza e dignidade, e continúa tamén no ámbito doméstico, onde as mulleres seguen soportando duplas e triplas xornadas laborais sen remuneración algunha.

O saqueo é a outra cara desta situación intolerable: o saqueo das pensións, apetitoso prato para o capitalismo depredador; o saqueo da sanidade pública, cada vez máis deteriorada en beneficio de intereses particulares; o saqueo da educación pública, con subvencións millonarias e inxustificables ao ensino privado; o saqueo enerxético, con políticos que se negan a intervir nos sectores económicos que teñen transcendencia social; o saqueo da natureza, do mar e da terra, entregadas ao lucro privado e abocando ao planeta ao deterioro irreversible e á destrución inminente. O saqueo é o carné de identidade deste capitalismo cobizoso e destrutivo que hoxe é o dono das nosas vidas.

O mediterráneo é un inmenso cemiterio mentres os gobernos europeos miran cara outro lado e impiden o rescate destas persoas. A Lei de Estranxeiría, o racismo e a violencia institucional contra as persoas migrantes condiciona as súas vidas en todos os ámbitos, cun desigual acceso ao mercado de traballo, maior exposición a vivir situacións de escravitude laboral e persecución policial da supervivencia. Non podemos esquecer tampouco a quen sufre cadea, persecución ou represión pola defensa das súas ideas ou polo seu activismo social. A todos e todas elas o noso abrazo solidario.

A explotación e este saqueo impunes só se poden parar coa destrución deste sistema inxusto, o capitalismo, que o único que busca é o beneficio privado e particular dunha mínima parte da humanidade mentres o resto sobrevive sometido ás leis feitas polos lacaios do sistema.

A solidariedade e a loita son o único camiño no que podemos facer fronte a esta situación. Solidariedade e loita como a que, hai 100 anos, en 1919, converteu un despedimento de 8 traballadores na empresa “A Canadense” nunha folga xeral de 44 días que conseguiu que se legalizase a xornada laboral de 8 horas. Solidariedade e loita como a amosada polas mulleres nos últimos oitos de marzo, convocando folgas xerais e mobilizando milleiros de persoas. Solidariedade e loita dos compañeiros e compañeiras de Alcoa, CRTVG, Navantia, Atento, Pescanova, as compañeiras da Limpeza do Hospital Clínico de Santiago de Compostela, o persoal do 061, Ferroatlántica, Correos, Extel, Banco Santander, RTVE en Galicia e tantas outras.

Temos a responsabilidade de tecer redes de resistencia de coidados, de apoio mutuo e de mobilización, crear os espazos de solidariedade e loita que se teñen convertido no sinal de identidade da nosa clase, a clase obreira. Novamente temos que recorrer á loita e á solidariedade para enfrontármonos a este capitalismo ladrón, explotador e parasito. Nese camiño vannos atopar.

Compañeiros e compañeiras, hoxe máis que nunca:

A LOITA É O ÚNICO CAMIÑO!

VIVA A CLASE OBREIRA!

VIVA O PRIMEIRO DE MAIO!

Comité Local da CGT da Coruña

 

post

Primeiro de Maio na Coruña

A CGT, conxuntamente coa CUT, convoca, en conmemoración do asasinato dos Mártires de Chicago, unha manifestación que sairá da Praza de Pontevedra ás 12:30 horas e finalizará no Campo da Leña. O lema da manifestación será «CONTRA A EXPLOTACIÓN E O SAQUEO, SOLIDARIEDADE E LOITA» e, no remate, lerase un manifesto alusivo. O acto rematrá con micrófono libre.

Comité Local da CGT da Coruña

 

post

A CGT da Coruña apoia a manifestación das Marchas da Dignidade contra a estafa eléctrica

A CGT da Coruña acordou facer un chamamento para a participación na mobilización que o venres, día 5, ás 18:00 horas, no Obelisco da Coruña contra a estafa eléctrica, convocada polas Marchas da Dignidade, das que forma parte. Reproducimos a convocatoria:

A luz vai subir en abril. En Galicia, a suba será de ata 16€ por recibo. Din que é para compensar ás eléctricas polo pago de impostos “autonómicos”, pero non din nada de compensarnos polo espolio de recursos naturais ou pola xente que pasa frío no inverno por non poder pagar a luz. Tampouco polos inmensos beneficios das eléctricas.

A suba da electricidade non é máis ca unha nova volta de torca das políticas que levan anos facendo contra a xente. Só buscan o beneficio das grandes empresas aínda que sexa a costa das persoas ou da natureza. Precarizan o traballo, os servizos públicos, as pensións e todo para favorecer intereses particulares. O custe da vida é cada vez máis elevado, e moitas persoas xa nin traballando poden asumilo.

Por iso o venres 5 de abril imos manifestarnos contra estas políticas que simbolizan esta suba da luz. É un abuso, é un insulto, e temos que facer todo o posible para poñer ás eléctricas no seu sitio: ao servizo da sociedade. Ven con nós a amosar o teu rexeitamento a este tipo de políticas antidemocráticas e antisociais, non cales fronte aos abusos. Vémonos o día 5 no Obelisco. Pan, traballo e teito.

Comité Local da CGT da Coruña

 

post

Atento Coruña volve mobilizarse contra a explotación laboral e a represión sindical

El Comité de Empresa (por acuerdo mayoritario de CGT y CIG) convoca nuevos paros de dos horas el lunes 25 de marzo. Los motivos de las constantes protestas y movilizaciones continúan siendo las lamentables condiciones laborales que los trabajadoras y trabajadores de Atento padecemos a diario (ritmo incesante de llamadas, aplicaciones que no funcionan, falta de formación, presiones, amenazas, falta de tiempo entre llamadas…) así como el incumplimiento  por parte de Atento del acuerdo firmado en el AGA el pasado mes de octubre con el Comité de Empresa. Por si esto fuera poco Atento está despidiendo, sin más causa que la mentira y el desprecio, a compañeras y compañeros que con rabia contenida tienen que aceptar que para Atento su puesto de trabajo no vale más que lo que corresponde a una indemnización por despido improcedente. La CGT sostiene que solo con la lucha obrera y la movilización se puede acabar con la destrucción de empleo que Atento acomete salvaje e impunemente.

Los paros serán de 00:00 a 02:00, 12:00 a 14:00 y 18:00 a 20:00. A las 12 horas está convocada una concentración delante de las puertas del centro en la calle Juan Flórez y, ya por la tarde a partir de las 18 horas, está prevista una manifestación desde el lugar de trabajo que transcurrirá por las calles cercanas y más céntricas, en protesta contra la explotación laboral constante y la represión a la que Atento somete a quienes pretendemos erradicar sus tropelías.

Ese mismo día se celebrará el juicio de Yoli, una compañera delegada de la CGT en Madrid que fue despedida como parte de una campaña de represión de Atento contra la CGT (recordamos que Carol, otra compañera también de Madrid, recibió al mismo tiempo una sanción de un mes de empleo y sueldo), y contra la que también llevamos meses protestando y movilizándonos solidariamente a nivel nacional.

Sección Sindical de CGT en Atento Coruña

 

post

Mobilizacións en Atento Coruña contra os despedimentos e 20 anos de explotación laboral e represión sindical

El próximo lunes, 25 de febrero, las y los trabajadores de Atento continuarán su calendario de movilizaciones denunciando la miserable política de destrucción de empleo y explotación laboral y sindical de Atento. Como no puede ser de otra forma, la convocatoria de paros de 0 a 2, 12 a 14 y 18 a 20 horas tendrá repercusión en la calle y se realizará una concentración a las 12 horas ante las puertas del centro de trabajo, mientras por la tarde está prevista una nueva manifestación como la realizada hace un mes. La manifestación saldrá a las 18 horas desde la sede de la empresa en Juan Flórez y transcurrirá por las calles próximas para finalizar de nuevo ante el centro de trabajo.

Los motivos por los que son constantes las movilizaciones son, principalmente, los  injustos e infames despidos de once trabajador@s en el último mes y medio -la mayoría  en situación de baja médica-, la imposición de las vacaciones a la plantilla, la falta de formación profesional, el insoportable ritmo de trabajo, el aumento de las presiones y sus negativas consecuencias para nuestra salud, llevando a l@s trabajador@s a deplorables y cada vez más indignas condiciones laborales.  Atento incumple con desfachatez y chulería el acuerdo alcanzado con los representantes de las trabajadoras el pasado año en una mediación ante la autoridad laboral, hecho que la CGT ha denunciado en la Inspección de Trabajo y de la que reclamamos una respuesta inmediata, directa y contundente en favor de las y los trabajadores.

A todo ello hay que añadir que la CGT se encuentra inmersa en una campaña estatal contra la represión sindical de Atento hacia nuestro sindicato. En los últimos años hemos tenido que hacer frente a despidos y sanciones de hasta dos meses de empleo y sueldo a la afiliación, incluyendo a representantes sindicales. Este es el reciente caso de dos compañeras de Atento en Madrid -Carol y Yoli- que se enfrentan a una sanción de un mes y al despido disciplinario, respectivamente.

Sección Sindical de CGT en Atento-Coruña

 

post

[A Coruña] Luns 28 de xaneiro: paremos Atento

O Comité de Empresa de Atento A Coruña, do que forma parte a CGT, ven de facer público o seguinte comunicado:

«Van xa 8 meses dende que decidimos saír á rúa denunciar a nosa situación. Nese tempo, fixemos paros tódolos luns ata outubro, varias folgas de 24 horas, manifestacións… Finalmente, e grazas ao apoio e esforzo da maioría das compañeiras e compañeiros, o Comité suspendeu as mobilizacións coa sinatura dun acordo no que Atento se comprometía a paliar unha parte importante dos problemas que nos obrigaran a chegar aí.
Tras varias reunións de negociación, a empresa deu por resolto o conflito en decembro, decidindo incumprir o acordó na súa maioría, e anunciando que seguiría por ese camiño. Así que de novo estamos como hai oito meses: coa imposición de períodos de vacacións según o novo protocolo, que está a provocar unha marea de demandas nos xulgados, o anuncio de substituír a formación prometida por autoformación, non cumprir coa eliminación como obxectivo dun mínimo de chamadas recibidas, non baixar a presión sobre as pausas e o tempo entre chamadas, non mellorar os fallos nos sistema informáticos, e seguir xerando conflitos e elevando o nivel de estrés do persoal ata enfermarnos…
E a todo isto súmanse OITO despidos miserentos e inxustificados desde finais de decembro, os últimos deles coñecidos hoxe mesmo. TODOS baseados en mentiras, e seis deles a persoas que estaban de baixa médica.
O Comité de Empresa presentou un conflito colectivo contra a Empresa polo Protocolo de Vacacións e denunciou o incumprimento do acordo. E do mesmo xeito que se decidiu non suspender as mobilizacións o pasado ano ata ter asinado un acordo positivo, decidimos agora retomalas polo incumplimento do mesmo, e polo empeoramento das condicións de traballo. Pero o mais importante, ESTE COMITE DE EMPRESA NON QUEDARÁ SENTADO MENTRES ATENTO VAi EXECUTANDO DESPIDOS INDIVIDUAIS ATA DESMANTELAR O CENTRO DE TRABALLO. Porque sabemos que nada salvo a mobilización masiva poderá impedir que a empresa siga atrevéndose a fulminarnos. Sabemos que hai seccións sindicais que non apoian esta folga, as n1esmas que deixaron de apoiar as mobilizaciós antes de conseguir ningún acordo coa empresa. Pero que non nos enganen: non imos poder evitar mais despidos pola vía administrativa, só coa organización e a unidade de acción, e plantando cara aos abusos.
No Comité de Empresa tomouse a decisión mediante votación, e esta foi a opción maioritaria. As actas dos plenos do comité están expostos e á vosa disposición naa cristaleira.
NON MÁIS DESPIDOS!! NON MÁIS CHANTAXES!!

LUNS 28.01.2019
PARAMOS DE oo:oo A  02:00 H  
PARAMOS DE 12:00 A 14:00 H CONCENTRACIÓN DIANTE DE ATENTO
PARAMOS DE 18:00 A 20:00 H MANIFESTACIÓN

 

post

Navantia, as auxiliares e Alcoa maniféstanse na Coruña

Navantia Ferrol, as súas empresas auxiliares e Alcoa, manifestaránse conxuntamente polas rúas da Coruña o día 31, mércores. A mobilización comezará ás 10:00 horas no edificio sindical e rematará diante da sede da patronal, na praza de Luís Seoane.

A orixe desta protesta parte da negativa da patronal de incluír os acordos asinados no 2001 polas empresas auxiliares de Navantia no convenio provincial do metal se non se aceptan condicións novas non pactadas.

No caso de Alcoa, a protesta é unha das mobilizacións provocadas polo anuncio do peche do centro de traballo coruñés, que deixa na rúa a 600 persoas, entre contratos directos e indirectos.

A CGT da Coruña manifesta o seu apoio á mobilización e fei un chamamento a que a afiliación, simpatizantes e pobo traballador se una á protesta.

NON DEIXES QUE PISEN A@S COMPAÑEIR@S!

ALCOA NON SE PECHA!

NAVANTIA E AS AUXILIARES EN LOITA!

Comité Local da CGT da Coruña

 

post

Manifestación luns, 10 de setembro: a loita continúa en Atento A Coruña

Dentro da campaña continua de mobilizacións das traballadoras e traballadores da empresa Atento da Coruña, que se veñen sucedendo desde finais do mes de maio, a totalidade do Comité de Empresa, do que forma parte a CGT, convoca unha manifestación o próximo luns, día 10 de setembro, ás 18:00 horas, e que sairá das portas do centro de traballo na rúa Juan Flórez. A saída da manifestación coincidirá co inicio do paro de dúas horas convocado para a tarde. Tamén está convocado outro paro pola mañá e outro pola noite, todos de dúas horas, un por quenda.

Os motivos da manifestación son os que se veñen facendo públicos nos últimos tempos: contra a política antilaboral da empresa que se traduce en despedimentos con causa falsa ou por absentismo xustificado (o último despido, hai dez días, foi a un compañeiro por estar enfermo de máis), acosos permanentes, sancións inxustas, presións, cargas de traballo excesivas, imposicións das quendas de vacacións e total desprezo pola dignidade dos traballadores e traballadoras.

Atento cumpre agora 20 anos de existencia na Coruña. Durante estes 20 anos caracterizouse polos soldos miserentos, por espremer ata a última gota á plantilla, por despedimentos masivos ou individuais permanentes que reduciron o persoal á metade nos últimos anos, e pola utilización de todas as argucias legais para machucar calquera intento de oposición en defensa dos intereses obreiros.

Pero Atento non conseguiu facer calar as voces que se alzan contra a explotación e, nestes 20 anos, atopouse con quen loitou contra o seu voraz instinto depredador. Hoxe, a loita continúa a pesar de todos os seus intentos.

Sección Sindical de CGT Atento – A Coruña

 

 

post

A Coruña: manifestación contra a represión dos movementos sociais

A CGT da Coruña apoia a manifestación contra a represión dos movementos sociais cuxo inicio terá lugar na Coruña, na Praza de Vigo, o sábado, día 30, ás 19:00 horas.

A CGT denuncia a persecución irracional contra varios compañeiros da Insumisa, algún deles acusado do disparatado delito de sedición, e esixe o peche das actuacións sen cargos, que é o que corresponde.

Para a CGT estas actuacións son un reflexo das política represiva do Estado contra todos aqueles que non se pregan aos seus estreitos esquemas políticos, sociais e mentais e, polo tanto, merecentes dos escarmentos máis exemplarizantes. Así, temos centos de activistas en todo o Estado que están sendo procesados e encadeados polos temas máis nimios, como piquetes informativos sindicais, resistencia ás detencións, libre creación artística, opinións públicas, etc.

A CGT da Coruña convoca aos seus afiliados e simpatizantes á participación na manifestación, amosando o rexeitamento contra a represión e reclamando a fin desta política.

Comité Local da CGT da Coruña

 

post

A CGT da Coruña apoia o Día do Orgullo

A CGT da Coruña acordou apoiar a manifestación do Día do Orgullo que se celebrará na Coruña o próximo xoves, día 28, e que sairá ás 20:00 horas do Obelisco para rematar na Praza de M.ª Pita, onde se lerá un manifesto.

A CGT da Coruña quere así manifestar o seu apoio ás mobilizacións que vaian contra a discriminación de calquera natureza e fai un chamamento para que os seus simpatizantes e cidadanía en xeral acuda á manifestación.

Comité Local da CGT da Coruña