post

[A Coruña] Emerxencia climática xa: o futuro é agora

As grandes corporacións globais que o capitalismo constituíu desde hai moitas décadas: OMC, OCDE, BM, FMI, G-8, G-20, etc., serven exclusivamente para asegurar un modelo de comercio, un modelo de explotación e un modelo de produción e distribución de mercadorías que aseguren unha taxa de ganancia para as persoas poderosas e ricas deste planeta e xamais para satisfacer as necesidades humanas da inmensa maioría da poboación mundial. Os gobernos non son máis que complices deste capitalismo voraz e cobizoso que destruirá este planeta máis pronto que tarde.

Interromper a lóxica do movemento “progresista”, faise necesario -non soamente urxente pola denominada “emerxencia climática”-, se o que queremos é poñer en valor a vida, o corpo e o territorio e deixar de buscar alternativas falsas (capitalismo verde, transicións xustas as cales non vai permitir o capitalismo…) como as que representa o ecofascismo: garántese a continuidade da vida de certos sectores, pero expúlsase a outros.

As persoas temos que cambiar a lóxica do “progreso” que non é senón a lóxica do capitalismo e, para recompoñer o metabolismo social, hai que redistribuír de maneira radical a riqueza, enfrontármonos ao este consumismo destrutor, rediseñar o noso modo de producir e poñer as obrigacións que temos como corpo humano e como especie, nos coidados de todo o corpo social e a especie.

Trátase de algo máis que a “loita contra o cambio climático», que leva desde o cume de París ou máis recentemente desde o G7, por parte dos gobernos do mundo, sendo só palabrería e retórica baleira de humanidade. Terminar de maneira radical coa acumulación e coa explotación, á vez que esta debe ser global e colectiva, é a única garantía de que a Vida poida ter algún significado positivo. CGT atópase en primeira liña conxuntamente con millóns de persoas que este 27 de Setembro sairán ás rúas do mundo para gritar e esixir a quen é os responsables do desastre global en que nos atopamos, que basta, que o capitalismo e o seu modelo civilizatorio, teñen que desaparecer.

O futuro é agora e é responsabilidade individual e colectiva que exista un mañá, onde as miles de millóns de seres humanos e especies que habitamos este planeta, podamos vivir en equilibrio e ter unha vida digna de ser vivida.

Por iso, a CGT da Coruña apoia os actos destes días e, específicamente, a mobilización que terá lugar o venres, 27 de outubro, ñas 20:00 horas, nos Xardís de Méndez Núñez e fai un chamamento á súa afiliación, simpatizantes e pobo en xeral á participación.

Comité Local da Coruña da CGT

 

post

[A Coruña] Manifestación contra a violencia machista

Este venres, día 20, ás 20:30 horas, está convocada unha manifestación contra a violencia machista que partirá do Obelisco da Coruña e rematará na Delegación do Goberno.

A CGT da Coruña acordou sumarse á manifestación convocada. Para a CGT a situación de violencia e morte que están sufrindo moitas mulleres é intolerable e hai que alzar a voz denunciando esta realidade.

As estatísticas demostran que o número de mulleres asasinadas non está a diminuir de xeito apreciable, a pesar das lexislacións específicas e dos medios que, en teoría, se teñen postos para combatir esta lacra. Para a CGT, non se pode separar o que está acontecendo da existencia dunha sociedade xerarquizada, por moito que se fale de igualdade, na que unhas persoas son consideradas superiores a outras e poden decidir sobre as súas existencias. Por iso, é imprescindible a destrución da sociedade actual, patriarcal, racista, capitalista, xerarquizada e insolidaria, e a súa sustitución por unha sociedade libre, no que o apoio mutuo, a liberdade, a igualdade e a diversidade sexan os alicerces que a conformen.

Comité Local da Coruña da CGT

 

post

[A Coruña] Concentración en apoio ás ONG que se dedican ao rescate

A CGT da Coruña acordou apoiar a concentración convocada polo Foro Galego da Inmigración que mañá, 14 de agosto, terá lugar, a partir das 20:00 horas diante da Subdelegación do Goberno da Coruña, na Avda. da Mariña, 23.

A concentración é en protesta pola actuación da Unión Europea que, incumplindo a lexislación internacional, mantén na mar a máis de 400 persoas rescatadas durante a última semana, sen facilitar portos seguros para o sen desembarque. A falta de humanidade das chamadas «autoridades» é unha vergoña intolerable e esiximos que se desembarquen inmediatamente, coa protección axeitada.

Estas persoas non son máis que unha pequena parte das que fuxen en busca dunha vida mellor para eles e as súas familias e non podemos esquecer que o Mediterráneo é unha inmensa fosa na que xacen os restos de milleiros de persoas que non conseguiron chegar a Europa, entre outras causas, polo abandono que os dirixentes políticos están exercendo día tras día. Uns mirando para outro lado e outros espallando o racismo sen pudor, todos eles son igualmente responsables ante a humanidade e a historia.

Comité Local da CGT da Coruña

 

post

[A Coruña] A CGT apoia o Día do Orgullo

Este 28 de xuño cúmprense 50 anos da rebelión de Stonewell na cidade de New York, onde a as persoas do colectivo lgtbiq+ rebeláronse contra a represión policial. Son 50 anos de loita contra a discriminación, a intolerancia e o odio exercido violentamente desde un sistema represivo imposto baseado nun modelo heteronormativo.

A conquista de dereitos e liberdades debe continuar ata conseguir unha sociedade na que se respete a diversidade de ser e de sentir. Este tipo de discriminación golpea dobremente as persoas racializadas e con menos recursos económicos; por iso apostamos por un movemento anticapitalista e antirracista.

A CGT manifesta o seu apoio á manifestación convocada polos colectivos lgtbiq+ da cidade para o venres, 28 de xuño ás 20:30 desde o Obelisco, co lema “maiores sen armarios: Historia, loita e memoria”. Porque o natural é a diversidade.

Comité Local da CGT da Coruña

 

post

18 maio: Concentración en Defensa da Sanidade Pública

CGTde Pontevedra chama ós seus afiliados, simpatizantes e ó conxunto da sociedade pontevedresa a participar activamente este sábado, na nova convocatoria da Marea Branca de Pontevedrae outras organización e colectivos que, como a CGT, estamos defendendo a sanidade pública. O acto terá lugar, este sábado, 18 de maio, ás 12,30h, na Praza de Ourense, 

            Todos sabemos que a agresión que sofre a Sanidade Pública a mans dos poderes que rixen o Estado e as súas administración, como a Xunta de Galicia, é cada día que pasa máis noxenta, sin que vexamos o remate de tanta frustación. Recortes, situación precaria dos traballadores e traballadoras interinas, precariedade, posta a disposición dos intereses patronais das Mutuas laboráis, incrementos nas listas de espera, colapsos nas urxencias, aposta do goberno por un modelo sanitario privado que beneficia ás multinacionais … sobran os motivos para a mobilización da cidadanía na defensa dunha sanidade pública, universal, gratuita no momento da prestación e de calidade.

Comité Local da CGT de Pontevedra

 

post

¡Boicot a Eurovisión en Israel!. Solidariedade con Palestina

A CGT de Pontevedra convoca unha concentración cen solidariedade co pobo palestio e para reclamar o boicot o Festival de Eurovisión en Israel. Terá lugar este venres, 17 de maio, ás 20:00h, na Praza da Peregrina.

            ¡Mentras o goberno de Israelsaquea e bombardea impunemente a población palestina,a Unión Europea e os seus gobernos nacionaispromoven o Festival de Eurovisión nunha capital israelí!

A concentración ten como obxectivo a protesta pola masacre do pobo palestino en Gaza, que ven executando o goberno de Israel, coa complicidade da comunidade internacional. En particular, a complicidade da Unión Europea e os seus gobernos nacionais que participan e promoven a celebración do Festival de Eurovisión en Israel. Hitler tentou lexitimar o seu horrendo réxime do III Reich, conquerindo o apoio internacional para celebrar en 1936 as Olimpiadas de Berlín. Agora o goberno de Israel, seguindo os mesmos pasos e imitando as súas políticas, logrou o apoio da Unión Europea para celebrar en Tel Aviv o Festival de Eurovisión 2019, mentras continúa a matanza e saqueo de Palestina. 

            Por nosa parte, do mesmo xeito que en 1936 reclamamos o boicot as Olimpiadas nazis de Berlín, agora reclamos o boicot ao Festival sionista de Eurovisión en Israel. Comité local de CGT Pontevedra

 

post

Concentración en defensa das pensións na Coruña

O sábado, 13 de abril, ás 12:30 horas, no Obelisco da Coruña, está convocada unha nova mobilización en defensa do sistema público de pensións. A concentración está convocada por Modepen (Movemento en Defensa das Pensións) da Coruña.

A CGT da Coruña considérase convocada e quere amosar o seu apoio a esta concentración, facendo un chamamento ao pobo traballador para que se sume e amose o seu rexeitamento ás intencións da Unión Europea de continuar afondando no saqueo e na privatización dos plans de pensións. Para a CGT, somente coa mobilización continua, con acción directa sen intermediarios, poderemos facer fronte a esta nova agresión capitalista.

Para a CGT, o enfrontamento cos agresores pasa por obviar o espellismo electoralista e continuar na mobilización e na loita, independentemente dos calendarios políticos que todo o remexen e todo o enturban.

Goberne quen goberne, as pensións deféndense!

Contra a explotación e o saqueo, solidariedade e loita!

Comité Local da CGT da Coruña

 

post

A CGT da Coruña apoia a manifestación das Marchas da Dignidade contra a estafa eléctrica

A CGT da Coruña acordou facer un chamamento para a participación na mobilización que o venres, día 5, ás 18:00 horas, no Obelisco da Coruña contra a estafa eléctrica, convocada polas Marchas da Dignidade, das que forma parte. Reproducimos a convocatoria:

A luz vai subir en abril. En Galicia, a suba será de ata 16€ por recibo. Din que é para compensar ás eléctricas polo pago de impostos “autonómicos”, pero non din nada de compensarnos polo espolio de recursos naturais ou pola xente que pasa frío no inverno por non poder pagar a luz. Tampouco polos inmensos beneficios das eléctricas.

A suba da electricidade non é máis ca unha nova volta de torca das políticas que levan anos facendo contra a xente. Só buscan o beneficio das grandes empresas aínda que sexa a costa das persoas ou da natureza. Precarizan o traballo, os servizos públicos, as pensións e todo para favorecer intereses particulares. O custe da vida é cada vez máis elevado, e moitas persoas xa nin traballando poden asumilo.

Por iso o venres 5 de abril imos manifestarnos contra estas políticas que simbolizan esta suba da luz. É un abuso, é un insulto, e temos que facer todo o posible para poñer ás eléctricas no seu sitio: ao servizo da sociedade. Ven con nós a amosar o teu rexeitamento a este tipo de políticas antidemocráticas e antisociais, non cales fronte aos abusos. Vémonos o día 5 no Obelisco. Pan, traballo e teito.

Comité Local da CGT da Coruña

 

8 DE MARZO, FOLGA XERAL FEMINISTA

A desigualdade e a discriminación son lacras que podemos observar en todos os ámbitos da vida, pero se manifestan no caso das mulleres dun xeito especialmente inicuo. A violencia machista, a relegación laboral, a xerarquización social que coloca a gran maioría das mulleres nun segundo plano con respecto aos homes son feitos incompatibles coa xustiza e a consecución dunha sociedade xusta e igualitaria. Deixar fóra á metade da poboación da aspiración a esta nova sociedade non só é repugnantemente inxusto, senón que fará imposible unha sociedade como a que queremos.

Esta situación de desigualdade e discriminación dáse tamén nas empresas e para combatela a arma que ten a clase obreira é a Folga Xeral. Por iso, e para enfrontar esta situación, a CGT convoca Folga Xeral de 24 horas o próximo 8 de marzo, Día Internacional da Muller Traballadora, en resposta solidaria ao chamamento feito polo o feminismo internacional.

Read More

 

post

Pontevedra 15D: ¡En defensa del Sistema Público de Pensiones, la lucha continúa!

La CGT de Pontevedra apoya, participa y llama a su afiliación y a toda la clase trabajadora pontevedresa para acudir a la concentración convocada por MODEPEN para este sábado, 15 de diciembre, a las 12:00h, en la Plaza de España, en Defensa del Sistema Público de Pensiones y por unas pensiones dignas y suficientes. A continuación, el texto de la convocatoria de CGT: Read More