post

CGT Ferrol – Acto público

A importancia da folga do Metal na provincia de Cádiz está fóra de toda dúbida. Só hai que pensar no enorme eco acadado nos medios de comunicación.

Non foi para menos. Nesa folga vimos un nivel de combatividade, masividade e solidariedade do resto da clase traballadora descoñecido desde hai décadas.

De feito, algún medio chegouna a cualificar de “estoupido popular”. Estivo bastante atinado: esa folga foi moito máis ca unha folga. Foi unha auténtica REBELIÓN OBREIRA contra a precariedade, contra os baixos salarios, contra a degradación das condicións de vida e traballo da clase obreira.

Por iso foi vista con tanta simpatía en todo o Estado español. E por iso foi tan rapidamente abortada por CCOO e UGT, que se esforzan en manter esta paz social dos cemiterios na que estamos instalados.

Para dar a coñecer esta loita exemplar e chea de dignidade obreira, a CGT de Navantia-Ferrol, xunto co Sindicato de Estudantes e Esquerda Revolucionaria, organiza un ACTO PÚBLICO no que falará Antonio Muñoz, traballador das compañías auxiliares de Navantia San Fernando, membro da CGT e un dos dirixentes da folga.

Lugar: Centro Cívico de Caranza (avda. Castelao, s/n)

Día: XOVES 16 de decembro

Hora: 19:30

 

 

 

post

A CGT de Ferrolterra apoia a concentración do xoves 21 en defensa dun transporte público e de calidade

Este vindeiro xoves, día 21, haberá unha nova concentración dos usuarios e usuarias da liña de buses Ferrol-A Coruña, que están sendo maltratados (non hai outra maneira de calificalo) polas decisións tomadas pola empresa Monbús, decisións que non se toman pensando no benestar dos usuarios/as, senón nos beneficios dos propietarios e accionistas da empresa.

Tamén cabe denunciar a actitude cómplice da Xunta do PP, que, tras adxudicarlle o servizo a Monbús, agora tolera que a empresa maltrate ós pasaxeiros e pasaxeiras, con situacións tan inaceptables como deixalos tirados de forma repetida.

O problema prexudica especialmente ás persoas que utilizan a liña, especialmente traballadores/as e estudantes, tanto da universidade como do ensino medio.

Esta situación vén sumarse ó penoso estado do transporte ferroviario entre a nosa comarca e A Coruña, que leva anos sometido a unha degradación consciente por parte dos diferentes gobernos.

Todo isto responde a un interese en fomentar o transporte individual fronte ó transporte colectivo, para así beneficiar ás grandes empresas, xa sexan as petroleiras, as automobilísticas ou os propietarios da AP-9, cuxa concesión foi prorrogada ilegalmente polo PP para que seguisen amasando cartos; algún día saberase a cambio de que, pero nolo podemos imaxinar.

A Confederación Xeral do Traballo chama a tódolos traballador@s e estudantes de Ferrolterra a acudir á concentración prevista para este xoves 21 ás 8 da tarde no edificio da Xunta.

Basta de abusos das empresas privadas!

Por un transporte público e de calidade ó servizo da cidadanía!

CGT en Ferrolterra

 

post

A Folla da CGT en Navantia-Ferrol

Acábase de publicar o número 79 da Folla da CGT, a publicación da Sección Sindical Unitaria da CGT en Navantia-Ferrol. Neste número, o contido é o seguinte:

  • Non é normal o proceso para acordar o teletraballo
  • Calendario de mobilizacións en ElectroRayma
  • Denuncia á Inspección por non publicar o escalafón
  • Cambiar as bases dunha convocatoria de xeito retroactivo: unha trangallada
  • Reunión coa empresa sobre convocatoria de prazas
  • Xornadas abusivas en Carenas (Bahía de Cádiz)

Pódese descargar ou abrir este número picando nas ligazóns de embaixo.

Sección Sindical Unitaria da CGT en Navantia – Ferrol

 

post

Concentración pola xustiza social

A CGT da Cotruña convoca á súa afiliación, simpatizantes e cidadanía en xeral a unha concentración que terá lugar o martes, 6 de xullo, ás 19:30 horas, no Obelisco da Coruña baixo o lema «Pola xustiza social. As persoas antes que o capital».

POLA XUSTIZA SOCIAL: AS PERSOAS ANTES QUE O CAPITAL

A situación da clase traballadora é insostible: catro millóns de persoas no paro e o resto sometidas a horarios interminables, salarios de miseria, contratos precarios, colas da fame, expulsadas das súas vivendas e condenadas a unha existencia moi pouco merecente de ser vivida.

Millóns de horas extraordinarias, pagadas e sen pagar, que servirían para crear centos de miles de postos de traballo. Xornadas de traballo legais que non se reducen desde hai 40 anos. Unhas xubilacións cuns requisitos cada vez máis duros non só para ter dereito a elas, senón tamén cunha idade de xubilación máis tardía e uns sistemas de cálculo pensados só para reducir o seu importe. Mentres milleiros de xoves agardan por un posto de traballo, outros prolongan a súa vida laboral ata que non poden máis e pasan directamente do posto de traballo ás portas da morte. Por todo isto reclamamos traballar menos: menos horas, sen horas extraordinarias e cunha idade de xubilación máis temperá. Traballar menos, para traballar todas e todos.

Temos un salario mínimo de miseria, do que dependen millóns de traballadores e traballadoras, e este ano aínda non subiu. As diferencias salariais son enormes, sen ningunha equidade. Os salarios non cobren, en moitos casos, os gastos mínimos para ter unha vida digna de ser vivida. Os ricos son cada vez máis ricos e continúan enriquecéndose durante esta pandemia. É unha cuestión de xustiza que os traballadores e traballadoras poidan sufragar co seu salario os gastos de vivenda, alimentación, enerxía, abrigo, cultura e ocio sen estar afogados día tras día, mes tras mes. Por todo isto reclamamos un salario mínimo digno e suficiente, o peche dos abanos salariais e a repartición da riqueza equitativamente. En definitiva: estamos polo reparto da riqueza e do traballo.

Por iso non é suficiente a derrogación da reforma laboral de Rajoy. Esta reforma foi nefasta, pero é que é nefasta a xeneralidade da lexislación laboral: contratas, subcontratas e ETT; contratación temporal á carta; despedimentos libres a gusto do empresariado; accidentes de traballo disparados; subsidios de desemprego miserentos e todo tipo de falcatruadas consentidas legalmente por este sistema inicuo e inxusto en beneficio dunha minoría cobizosa e insaciable. Por isto reclamamos a xustiza social, un sistema social xusto no que a clase obreira, a creadora da riqueza, teña o recoñecemento que merece e deixe de padecer esta vida cativa e ruín. Porque humanamente é insostible este sistema que pon o capital por riba das persoas. Porque hai que desmontar toda a lexislación actual e non conformarse coa maquillaxe que poidan supoñer unhas simples modificacións e derrogacións.

Traballar menos para traballar todas e todos

Polo reparto da riqueza e do traballo

As persoas antes que o capital

Pola xustiza social

CGT da Coruña

 

post

Pontevedra, 12 Junio, Defensa de la Sanidad Pública

CGT-Pontevedra hace un llamamiento a toda su afiliación y al conjunto de la sociedad pontevedresa para que participe y acuda este sábado, 12 de junio, en la Concentración y Punto Informativo en defensa de la Sanidad Pública, convocada por CGT, CAS, PROSAGAP y STEG, en la Plaza de la Peregrina, a las 12:00h. Esta concentración se hizo coincidir con la que ese mismo día y a esa misma hora celebrarán las compañeras y compañeros de A Coruña, Allariz, Ferrol, Pontevedra y Vigo y más de 60 localidades en el resto de las Comunidades Autónomas de todo el pais.

  • Por la derogación de las leyes privatizadoras (Ley 15/97 y artículo 90 de la Ley General de Sanidad) y evitar el desmantelamiento que vienen ejerciendo del Sistema nacional Público de Salud. No al cierre de centros sanitarios
  • Atención primaria centrada en la salud colectiva.
  • Supresión de las redes paralelas y de la compatibilidad público-privada.
  • Por una industria de investigación biosanitaria y farmacéutica públicas.
  • Sanidad para todas las personas, independientemente de su situación administrativa.
  • Atención y cuidados dignos para las personas mayores.
  • Por un sistema sanitario gestionado socialmente y centrado en la prevención y determinantes sociales de la salud y la enfermedad,

Comité Local de CGT-Pontevedra

 

post

A Coruña: o porto é de tod@s

60 entidades, entre elas a CGT, participarán na manifestación que comezará o domingo, 30 de maio, ás 12:00 horas, na praza da Palloza, en protesta polo intento de especular cos terreos portuarios da Coruña.

A CGT da Coruña convida a toda a cidadanía a participar nesta mobilización para parar este novo intento de facer negocio con terreos que son de tod@s.

Comité Local da CGT da Coruña

 

post

¡Kropotkin, en Pontevedra! Xornadas e Exposición no 100 cabodano da súa morte

Organizadas polo Ateneo Libertario de Pontevedra, coa colaboración de CGT, terá lugar en Pontevedra, durante os meses de marzo e abril, a celebración dunha Exposición e diversos actos en homenaxe ó gran anarquista ruso Piotr Kropotkin (Moscú, 1842 – Dmitrov, 1921) con motivo de l00 cabodano de súa morte.

As proxeccións fílmicas, o club de lectura e o obradoiro de cartaces terán lugar na sede do Ateneo Libertario de Pontevedra (rúa Pasantería 1, 3o andar), mentras a Exposición e as charlas terán lugar na Sala VerSus da Fundación Cuña-Casasbellas (r/ Gerardo Álvarez Limeses, nº 12). 

Programa

25 de marzo, ás 19:00h – Inauguración da Exposición na Sala VerSus da Fundación Cuña-Casasbellas. Presentación a cargo de Anna Kulyk e Miguel Á. Cuña + Actuación musical de Adán e Clarisa.

Na Exposición: libros e debuxos de Piotr Kropotkin; xornais, revistas e fotos de finais do século XIX e comezos do XX; obras orixinais de Anna Kulyk, Adán Solla, Clarisa Pereira, Grupo Anarquista Higinio Carrocera e outros artistas anónimos; material audiovisual de Herman Axelbank e do funeral de Kropotkin (autores descoñecidos).

A través das fotografías, mapas, pinturas, panfletos, cartaces, debuxos, xornais, arquivo audiovisual, libros, obras orixinais feitas polo Ateneo e todo tipo de materiais relacionados coa vida e a obra de Kropotkin –e do movemento anarquista internacional entre 1842 e 1921 (e máis alá)–, amósanse os acontecementos destacados da súa vida, así como se resaltan as súas ideas e reflexións sobre os asuntos máis importantes do seu tempo –e aínda actuais no noso–: o cárcere, a loita revolucionaria, o concepto de anarquismo, o antimilitarismo ou a importancia do apoio mutuo para o desenvolvemento humano.

26 de marzo, ás 19:00h – Charla, a cargo do historiador Eliseo Fernández: “Kropotkin na Galiza: recepción e influencia do pensamento kropotkiniano no anarquismo Galego”.

27 de marzo, ás 19:00h – Charla a cargo de Jordi Maiz: “El anarquismo de Piotr Kropotkin (1842-1921): activismo, compromiso y legado”. Jordi Maiz é historiador e profesor en Baleares da UNED e Instituto, autor entre outros libros de “El otoño de Kropotkin. Entre guerras y revoluciones (1905 – 1921)

7 de abril, ás 19:00h – Proxección do film “Winstanley” (Kevin Brownlow, 1975, Inglaterra, 95 min.)

14 de abril, de 16:00h a 22:00h – “Obradoiro de fabricación de cartaces”, Alouette machine. É necesaria inscrición previa. Prazas limitadas. 

21 de abril, ás 19:00h – Proxección “Casas Viejas: el grito del sur” (Basilio Martín Patino, 1997, España, 62 min.)

28 de abril, ás 19:00h – Clube de lectura “O apoio mutuo. Un factor de evolución”.

1 de maio, ás 20:00h – Concerto: Columna vegana (PoP LiBertario) + artista invitada. Lugar do concerto pendente de confirmación.

Mes de maio – Pendentes de confirmación palestras, obradoiros, proxeccións e  lecturas.

 Os venres, 9, 16, 23 e 30 de abril, a partir das 19:00h, haberá visitas guiadas da Exposición, a cargo do Ateneo Libertario de Pontevedra. A Exposición “Kropotkin” permanecerá aberta ó público na Sala VerSus, de martes a venres dende as 5,30h da tarde a 21:00h.

Ateneo Libertario de Pontevedra

CGT Pontevedra