Continúa o proceso contra as eleccións en Citroën

O pasado 28 de outubro, despois de que a Mesa, a Empresa, sindicatos institucionais e «amarillo» decidiran ignorar o laudo arbitral, CGT presentou no xulgado un requirimento para que a autoridade xudicial obrigara ao cumprimento do laudo (que ten forza de sentenza xudicial). Mentras os contrarios á legalidade dicían aos catro ventos empregando como altofalantes todos os medios de comunicación, e os taboleiros de anuncios da propia factoría, que todos eles, absolutamente todos (Empresa, Mesa, institucionais e amarillos) acataban o laudo e que este non dicía nada de anulación do proceso electoral. Pero sempre se colle antes a un metireiro que a un coxo. Read More

 

CGT GAÑA A IMPUGNACIÓN DAS ELECCIÓNS EN CITROËN

O ARBITRO  DA A RAZÓN A CGT ANULANDO O PROCESO ELECTORAL, PERO A MESA, EMPRESA E SINDICATOS INSTITUCIONAIS DESOEN O DITAME E CONTINÚAN CO PROCESO.

«Por tanto se estima la reclamación interpuesta por CGT, anulándose el proceso electoral desarrollado, retrotrayéndose al momento de la entrega del censo laboral existente el día de la convocatoria de la elección de representantes sindicales». Este é o laudo, de obrigado cumprimento para as partes que se dicta o martes 26 de outubro. Non obstante e despois de tentar convencer aos representantes da Sección Sindical de Citroën ofrecéndolles «un novo marco de relacións entre a empresa e CGT» a Empresa, a Mesa e os sindicatos institucionais xunto co «amarillo», decidiron na mañá do mércores 28 que o proceso continuara, ignorando a resolución arbitral. Así o vindeiro venres 29 produciranse as votacións que serán inmediatamente denunciadas por CGT.

Read More

 

Sancionado un delegado sindical da CGT de Unísono Vigo:

O Secretario Xeral da CGT Unísono Vigo Carlos Touza foi sancionado con dous días de suspensión de empleo e soldo no día de onte por baixada do rendemento do traballo según o artigo 69.6 do actual Convenio Colectivo de Telemarketing.

No departamento no que está Voz e Datos de Orange aumentaron o número de sanciones por este motivo nun total de 40 sancións nos últimos 3 meses por calidade producindo una situación de malestar e ansiedade nesta campaña e noutras onde tamén se sanciona.

Read More

 

La CGT de Coruña se suma a los paros del telemárquetin

La CGT de A Coruña convoca a todos los trabajadores del sector del telemarketing de la provincia a secundar paros de una hora por turno de trabajo el próximo jueves, 21 de octubre. Las movilizaciones continuarán el próximo mes con una huelga de 24 horas si persiste la actitud empresarial. Aduciendo el fantasma de la crisis, y tras muchos meses de negociación, no se ha conseguido ningún avance, debido a la dilación intencionada de todo el proceso por parte empresarial, con el objetivo de precarizar más y más este sector, incluyendo los aspectos más negativos de la reciente Reforma Laboral e, incluso, chantajeando a los trabajadores negándose a abonar la subida salarial ya pactada en el convenio anterior hasta la existencia de una sentencia firme, por la simple voracidad de incrementar sus beneficios. Read More

 

Unísono: a empresa que non respecta a ninguén.

Unísono é unha empresa do sector do telemarketing que non respecta a ningún órgano xudicial, nin a Inspección de Traballo, nin ós seus traballadores e os seus representantes sindicais.

Fai pouco o Tribunal Supremo dictou sentenza firme confirmando unha sentencia da Audiencia Nacional na que daba a razón á CGT no tema das pausas de visualización de datos (PVD) e recoñéce dita orden xudicial un descanso de 5 minutos por hora de traballo polo que os traballadores ián ter dez minutos de descanso máis. Pois ben a empresa só recoñece cinco  dos dez minutos.

Read More

 

 

 

As organizacións «progresistas» tamén se aproveitan da Reforma Laboral

A ong “AMARANTE” despide a unha traballadora amparándose na reforma laboral

A ONG Amarante, coñecida polas súas campañas en defensa dos dereitos das persoas traballadoras nos países do Sur e por manter un discurso antisistémico –de feito, foi unha das impulsoras dunha rede anticapitalista a nivel galego- decidiu, ante os problemas económicos polos que está a atravesar, despedir á súa única traballadora fixa en activo argumentando despido obxectivo por razóns económicas.

Non só resulta curioso que unha organización que se laia de pretender transformar a sociedade empregue as mesmas “armas” que as empresas capitalistas que se guían exclusivamente polo beneficio, senón que incluso teña tan pouco “tacto” que formalice o despedimento da súa traballadora (socia da ONG e ata ben pouco membro da directiva que decidiu o seu despido) o mesmo día da aprobación definitiva da nova Reforma Laboral, tan só unhas poucas horas despois. A ONG argumenta para xustificar o despido a falla de rendabilidade da súa tenda de comercio xusto en Vigo (sita na rúa Canceleiro, 5), o mesmo argumento empregado unha e mil veces polas empresas.

Ao mesmo tempo, a ONG négase a asumir a proposta que lle fixeron as organizacións sindicais representantes das traballadoras (CGT e máis CUT) de suspender o despido (efectivo dende o 30 de setembro) e sentarse a falar para ver de chegar a unha solución, que aínda que sexa traumática, fóra consensuada con todas as traballadoras. É máis, durante a xuntanza mantida coas organizacións sindicais, Amarante remarcou a súa intención de que o conflicto se leve ao Servizo de Mediación, Arbitraxe e Conciliación (SMAC), mostrando unha actitude máis próxima ás prácticas empresariais que as de unha organización que traballa pola xustiza social.

Entendemos que con esta actuación, o único que está a conseguir a ONG é o desprestixio da súa acción solidaria e a incoherencia das propostas que dí defender. En outras palabras, non se pode realizar accións en países coma Marrocos para sensibilizar sobre os dereitos que lle asinten ás mulleres traballadores do textil, mentras se mantén unha posición claramente belixerante con estes mesmos dereitos na súa propia xestión de persoal.

Dende as organizacións sindicais queremos manifestar que si Amarante asume un comportamento claramente empresarial, ambalas dúas centrais sindicais se verán obrigadas a manter con esta ONG a mesma actitude que mantén coas organizacións empresariais, emprendendo as accións oportunas para garantir o cumprimento dos dereitos das traballadoras.

 

15-O, Manifestación en Vilagarcía

A CGT convoca manifestación en Vilagarcía en defensa dos postos de traballo en Alfageme -ameazada de peche por intereses especulativos, financieiros e políticos alleos á actividade industrial conserveira-, e do tecido industrial dunha comarca, o Salnés, que supera a día de hoxe os 10.000 parados. A Manifestación terá lugar en Vilagarcía o venres, 15 de outubro, a partir das 20:00h, con saída dende a Praza de Ravella.
Comité Local CGT-Arousa e Pontevedra