post

Navantia Ferrol: o centro de excelencia naval debe estar en Ferrolterra

Navantia asinou con Siemens un acordo para crear un Centro de Excelencia do Sector Naval. Este centro de excelencia será o centro de formación dos futuros profesionais que se encargarán tanto do deseño do buque (dende a súa fase conceptual inicial até a fase de detalle) como do proceso de construción, as probas e o apoio ó ciclo de vida.

Como se ve, é un proxecto ligado directamente á actividade de Navantia. Pero a pesar disto, acaba de coñecerse que estará ubicado en Santiago. Esta decisión da dirección de Navantia é unha auténtica vergoña dende calquera punto de vista.

En primeiro lugar, o recomendable é que o centro formativo estea o máis cerca posible do centro produtivo. As razóns son tan obvias, que sobra dicilas.

En segundo lugar, aquí hai un campus tecnolóxico naval da Universidade.

En terceiro lugar, na nosa comarca hai espazos infrautilizados que poden acoller o centro de excelencia, empezando por Navantia-Fene, o CIS da Cabana…

En cuarto lugar, esta comarca leva anos sufrindo unha reconversión salvaxe que destruíu milleiros de empregos no sector naval. O estaleiro 4.0 vai supoñer unha redución das necesidades de man de obra en determinadas actividades. Se os empregos que xorden das innovacións tecnolóxicas non están aquí, Ferrolterra verá aumentar a súa decadencia.

Esta decisión de Navantia é unha mostra máis de como a dirección non toma as súas decisións dende o punto de vista dos intereses da empresa pública, senón dende o punto de vista dos intereses da empresa privada porque a única razón que pode haber para ubicar o centro de excelencia naval en Compostela son os intereses de Siemens.

CGT esixe que Navantia rectifique esta decisión totalmente inxustificada e que o centro de excelencia se ubique en Ferrolterra.

Sección Sindical Unitaria de CGT en Navantia Ferrol

 

post

[RTVE en Galicia] Contra as represalias nos medios públicos

Dende a Sección Sindical da CGT en RTVE Galiza condenamos a nova represalia aplicada na RTVG, esta vez á presentadora Marga Pazos. Cunha escusa para cubrirse as costas legalmente, os responsables de informativos limítanlle as función por ter exercido o seu dereito á folga o 8 de marzo.

Non é a primeira vez que ocorre un episodio similar, nin será a última.

Facemos fincapé en que este tipo de manobras para “castigar” a xornalistas incómodos son habituais naqueles medios de comunicación públicos que dependen xerarquicamente dos gobernos de turno. Ou sexa: tódalas canles autonómicas de España, e tamén a estatal. Nuns casos máis e noutros menos, nunhas etapas máis e noutras menos, o certo é que o servilismo cara ao poder é inherente a un modelo viciado desde o mesmo momento en que o Executivo, na práctica, nomea a dedo á dirección dos medios públicos. Urxe, polo tanto, cambiar ese modelo.

Existen fórmulas que garanten ata certo punto a independencia, como a designación por maioría cualificada do Parlamento, un concurso público (accidentado de momento en RTVE, pero que pode ser unha vía válida), ou outras que se poden e deben estudar. Transcorridos 40 anos de Democracia, non é de recibo que o “dedazo” siga sendo o mecanismo legal para configurar un organismo tan sensible como é unha Radiotelevisión pública. Mentres ese mecanismo non cambie, será difícil que neste país teñamos Medios Públicos independentes.

CGT, únete e loita. Xuntas somos mais.

Sección Sindical da CGT na RTVE en Galicia

 

post

Asemblea Xeral da CGT da Coruña

Convócase Asemblea Xeral da CGT da Coruña para o mércores, día 16 de xaneiro, ás 19:00 horas. A Asemblea convócase para tomar acordos definitivos do sindicato para o Congreso Confederal que se celebrará en Mérida ao respecto da posible convocatoria dunha Folga Xeral o próximo 08 de marzo, Día Internacional da Muller Traballadora.

Tamén, na dita Asemblea, elixirase a delegación que representará a este Sindicato da CGT da Coruña ao mencionado Congreso.

Comité Local da CGT da Coruña

 

post

[Compostela] Marcha pola dignidade dos medios públicos

O vindeiro sábado, 8 de setembro, vai ter lugar a I Marcha pola dignidade dos medios públicos. Marcha convocada de xeito conxunto polo Comité Intercentros da CRTVG e polo Comité de Empresa da CRTVE en Gz.

Dende esta Sección Sindical, como non podía ser doutro xeito, animámosvos a que participedes nesta mobilización.

Unha vez mais temos que insistir na necesidade de que, nunha sociedade que se considere democrática, deben existir uns medios de comunicación públicos que sexan plurais, independentes e fiables.

Se tamén temos en conta o contexto actual, onde nos chega información por multitude de canais, en moitos casos sen contrastar, ou deliberadamente falsas (fake news) é indispensable contar cuns medios públicos de comunicación fortes e independentes, que sexan un referente informativo.

Xa levamos demasiado tempo denunciando as inxerencias dos Gobernantes tanto na CRTVG como na CRTVE: manipulando os contidos, tanto presionando as persoas traballadoras como metendo a tixeira directamente, quitándonos o noso traballo para darllo a Empresas Externas, reducindo a plantilla, non contratando para cubrir baixas/vacacións,… en definitiva, facendo todo o preciso para reducir o Público (de todos/as) en beneficio do Privado (dos seus), da igual o seu custo económico e social, “que amigos son de xestionar o Público, os que queren privatizalo todo (El Roto)”.

Por todo isto, dende a CGT en RTVE Gz apostamos pola unidade de acción, non so dos Sindicatos, non só das persoas traballadoras da CRTVG e da CRTVE, senón da sociedade en xeral.

Únete e loita, vémonos o sábado 8.

Sección Sindical de CGT en RTVE  en Galicia

 

post

A CGT da Coruña apoia a Marcha do Persoal Precario das Administracións

A CGT da Coruña acordou prestar o seu apoio á Marcha do Persoal Precario da Administración Pública, que terá saírá o próximo venres, día 16 de marzo, ás 10:00 horas, do Parlamento de Galicia.

Para a CGT a defensa dos servizos públicos de calidade é un das súas prioridades sindicais; e para que estes servizos públicos non se vexan paulatinamente deteriorados é imprescindible un emprego público estable e de calidade. O persoal que atende agora mesmo estes servizos é, en gran parte, temporal e cunhas condicións de traballo, sen expectativas de consolidación, lamentables. Por iso, a CGT considera que as reivindicacións deste persoal son xustas.

Por iso, a CGT da Coruña convoca a que a súa afiliación, simpatizantes e pobo traballador participe nesta mobilización e se solidarice con estes colectivos maltratados pola Administración.

Comité da CGT da Coruña

 

post

Compostela. Ana readmisión!

En resposta ao despedimento de Ana por parte de Unipost polo feito de estar ambarazada, continúan as mobilizacións:

  • * Luns, 12 de xuño, desde as 18:00 horas, andaina informativa no barrio de Vista Alegre, que é onde vive Ana.
  • * Venres, 16 de xuño, desde as 19:00 horas, manifestación que comezará na Praza Roxa e rematará na Praza do Toural coa lectura dun manifesto.
  • * Martes, 20 de xuño, desde as 10:00 horas, acompañamento a Ana so SMAC. Están convidados os veciños e entorno cercano a Ana, para que poidan amosar o seu apoio nese horario.

A CGT fai un chamamento para que se dea o máximo apoio a estes actos.

CGT Unipost Compostela

 

post

Compostela. Concentración para esixir a readmisión de Ana en Unipost

A CGT de Unipost de Compostela, ante a actitude noxenta da empresa Unipost, que decidiu rachar o contrato de traballo da compañeira Ana por estar embarazada, acordou convocar unha concentración de protesta e solidariedade para o venres, día 2, ás 19:00 horas, na Praza Vermella de Compostela.

Para a CGT, a actitude da empresa non pode ser consentida e fai un chamamento a toda a afiliación e o pobo traballador a que apoie dita concentración, apoio que sirva para deter estas actitudes empresariais e conseguir a readmisión da compañeira.

CGT Unipost Compostela

 

post

Compostela. Unipost despide a unha carteira embarazada tras notificar dita situación

Despois de notificarlle a Unipost, o pasado venres 26 de maio, a traballadora A.M.P.G. que se atopaba na súa décima semana de xestación, hoxe, luns 29 de maio de 2017, no seu primeiro día de traballo tras a notificación de embarazo, e ao finalizar a súa xornada laboral, o seu xefe comunícalle a rescisión do contrato e que desde ese momento xa non traballa para Unipost.

Non conforme Unipost con manter aos seus traballadores nun estado de precariedade e emerxencia social permanente, atenta agora contra os dereitos fundamentais dos traballadores discriminando a unha muller polo simple feito de estar embarazada en pleno século XXI.

Este feito ocorre, ademais, dentro dun marco de incumprimento por parte deUnipost das súas obrigacións cara aos traballadores: atrasos constantes nas nóminas, as pagas extraordinarias de 2016 aínda sen abonar, as do 2017 corren igual sorte e unha negociación do convenio colectivo bloqueado por parte de *Unipost.

Para a CGT, este feito é intolerable e utilizará todos os mecanismos existentes para lograr a readmisión da traballadora.

Sección Sindical de CGT en Unipost Compostela

 

post

Terceira Marcha Laranxa de Unipost o 31 de marzo na Coruña

O próximo 31 de marzo a CGT convoca a tod@*s @*s traballador@s de Unipost en Galicia a participar e dar visibilidade aos problemas que están a sofrir, cunha nova MARCHA LARANXA que comezará ñas 20:00 horas no Obelisco e percorrerá as rúas da Coruña, e que será a TERCEIRA tras as xa realizadas en Santiago de Compostela e Pontevedra. Por iso, pedimos a participación de tod@*s a este acto reivindicativo e onde sacaremos á rúa os atropelos de Unipost cara ao seu persoal.

Comité Local da CGT da Coruña