post

Concentración solidaria en Atento

A CGT convoca o 11 de decembro, martes, unha concentración solidaia ás 13:00 horas, diante do centro de traballo da Coruña (Juan Flórez 80-82), polas sancións a seis representantes sindicais en Atento-Madrid por distribuir información sindical.

O que pretende Atento é intimidar aos traballadores e traballadoras que fan fronte ás súas continuas prácticas de acoso e abuso e frear a actividade da CGT. Pero non nos dan medo e imos seguir denunciando e informando das deplorables condicións de traballo neste sector tan precario. E imos seguir loitando por un traballo digno ata conseguilo.

Sección Sindical CGT en Atento-Coruña

 

post

Viaxe reivindicativa en tren a Betanzos

O día 16 de decembro a Plataforma en Defensa do Tren da Coruña e As Mariñas, da que forma parte a CGT, organiza unha viaxe reivindicativa a Betanzos. En tren, por suposto. Alí haberá ás 12.00 un acto reivindicativo e tamén lúdico, porque tomaremos uns petiscos e teremos algo de música. Ademáis, é feira, e as feiras sempre molan.

Chamamos á participación e difusión do acto, porque as reivindicacións teñen que darse a coñecer.

O tren sae da Coruña ás 10.50, pero quedamos ás 10.15 para facer unha concentración.

Tamén hai tren desde Ferrol ás 8.54, para que tamén participe a xente da zona.

Comité Local da CGT da Coruña

 

post

Continúan as mobilizacións de Alcoa [A Coruña]

O persoal de Alcoa continúa coas súas mobilizacións en defensa dos postos de traballo. Así, este sábado, 17 de novembro, ás doce horas, concentraranse na Praza de M.ª Pita da Coruña.

A CGT apoia as mobilizacións dos compañeiros e compañeiras de Alcoa e fai un chamamento para que toda a clase obreira coruñesa, afiliación e sipatizantes, se xunten ese sábado para berrar tod@s xunt@s que ALCOA NON SE PECHA!

A solidariedade é necesaria, a solidariedade é imprescindible, a solidariede é obrigada.

Coiité Local da CGT da Coruña

 

post

Concentración contra as malas prácticas da mutua “La Fraternidad”

O Comité de Empresa de Atento Coruña, do que a CGT forma parte, convocou unha nova concentración para o vindeiro mércores 10 de outubro ás 11 da mañá, diante da mutua La Fraternidad (Avda. do exército, 12). Do mesmo xeito que a protesta levada a cabo o pasado 27 de xuño, o motivo da concentración é esixir o cesamento das malas prácticas da mutua que, en lugar de prestar asistencia médica @s traballador@s que están de baixa, o que fai é presional@s para que pidan o alta ou propoñela sen o seu coñecemento aínda que non estean en condicións de acudir a traballar.

Sección Sindical CGT Atento – A Coruña

 

post

Concentración diante da Mutua Fraternidad

O vindeiro mércores día 27 de xuño, ás 11 horas, terá lugar unha concentración diante da mutua Fraternidad-Muprespa (Avda. do Exército, 12), convocada polo comité de empresa de Atento, do que forma parte a CGT,  en protesta pola miserable actitude da mutua nos últimos tempos, que deixou de prestar servizos sanitarios ás traballadoras e traballadores en situación de baixa médica, para converterse nun instrumento de presión para acelerar as altas médicas sen importarlle a súa saúde.
Esta concentración forma parte das mobilizacións que están a levar a cabo as traballadoras e traballadores de Atento Coruña todos os luns con paros laborais (de 0 a 1, de 12 a 13 e de 18 a 19 horas) e concentracións diante do centro de traballo en Juan Flórez, ás 12 e ás 18 horas, para esixir o cesamento dos abusos da empresa a través de despedimentos, sancións, presións, acoso e outras agresións durante o desempeño do noso traballo.
Sección Sindical da CGT en Atento A Coruña

 

post

Solidariedade coas despedidas no Hotel Bahía de Vigo

A CGT da Coruña fixo onte unha concentración en solidariedade coas traballadoras despedidas do Hotel Bahía de Vigo. A principios do mes de maio, a dirección deste hotel decidíu despedir a 23 camareiras de habitación e subcontratar a Nortempo, unha empresa de traballo temporal a realización destas tarefas.

Nesta ocasión concentrámonos ante o Hotel Blue da Coruña, que forma parte de Sercotel, a mesma cadea hoteleira que o Bahía, e que non se pode desentender das prácticas antilaborais dos seus socios.

A CGT da Coruña seguirá apoiando ás compañeiras de Vigo e non parará ata que sexan repostas con todos os dereitos laborais, sociais e salariais. Nin o Hotel Bahía, nin Nortempo, nin Sercotel terán descanso ata que o conflito se amañe.

SE TOCAN A UNHA TOCAN A TODAS!

HOTEL BAHÍA DESPIDE, SERCOTEL E NORTEMPO SON CÓMPLICES!

Comité Local da CGT da Coruña

 

post

Concentración solidaria na Coruña coas traballadoras despedidas por Nortempo-Hotel Bahía en Vigo

A CGT concentrouse onte, ás 17:00 horas diante da porta do centro de traballo que Nortempo ten ao carón de Carrefour de Alfonso Molina, na Coruña para protestar polo despedimento, en Vigo, o pasado 7 de maio de 23 traballadoras do Hotel Bahía en Vigo.

Na concentración reclamouse a contratación, por parte de Nortempo, das compañeiras despedidas, xa que é Nortempo a adxudicataria da contrata dos servizos que prestaban as devanditas traballadoras. “Readmisión despedidas” foi o berro máis escoitado na mobilización, así como a lectura, varias veces, dun escrito onde se explican as circunstancias da situación.

Cando rematou a concentración, comunicouselle a viva voz a Nortempo que non ía ser a única visita.

Comité Local da CGT da Coruña

 

post

Continúa a loita en Atento A Coruña

O Comité da empresa Atento da Coruña, do que forma parte a CGT, convoca paros parciais todos os luns, a partir do día 28, contra os abusos e desprezos da patronal. Os paros son en todas as franxas horarias (de 00:00 a 01:00, de 12:00 a 13:00 e de 18:00 a 19:00). Haberá concentracións ás 12:00 e ás 18:00.

SOLIDARIEDADE NA LOITA!

FAGÁMONOS RESPECTAR!

Comité Local da CGT da Coruña

 

 

post

Concentración solidaria co pobo palestino na Coruña

A CGT da Coruña acordou participar na concentración de solidariedade co pobo palestino que terá lugar o venres, 18 de maio, no Obelisco da Coruña, a partir das 20:00 horas.

Para a CGT, as actuacións criminais do Estado de Israel nos últimos días son un paso máis, gravísimo, no proceso de exterminación do pobo palestino e de usurpación dos seus territorios ancestrais. Non menos grave é a complicidade dos países occidentais, que teñen a desvergoña de chamar á contención a “ambas partes”, cando só hai unha parte xenocida e merecente de repulsa, que é o Estado sionista de Israel. Neste sentido, esiximos unha resposta contundente do goberno español, só pena de consideralo cómplice activo da masacre.

A CGT da Coruña fai un chamamento á súa afiliación, simpatizantes e cidadanía en xeral a que amosen a súa oposición a esta nova matanza do pobo palestino, do que amosámonos solidarios na opresión que padecen.

Comité Local da CGT da Coruña

 

post

A CGT da Coruña apoia a concentración polas pensións do día 17

A CGT da Coruña acordou manifestar o seu apoio á concentración convocada para o próximo sábado, día 17, ás 12:00 horas, no Obelisco da Coruña, en defensa do sistema público de pensións.

O sistema de pensións ven sendo saqueado polas elites políticas e económicas do país a través das últimas reformas que foron, a do PSOE que retrasou a idade de xubilación, e a do PP que modificou o sistema de cálculo da revalorización, deixándoo nun miserento 0,25% anual. Ao mesmo tempo, os poderes políticos e financeiros promocionan os sistemas privados de pensións metendo medo aos traballadores e intentando convencelos de que o sistema actual non é sostible.

Para a CGT, o mantemento dun sistema xusto, solidario e público cunhas pensións suficientes para levar unha vida digna é posible sen ningunha dificultade. Cando se pode rescatar á banca, cando se lle rebaixan as cotizacións ás empresas, cando se recortan os impostos aos poderosos, cando se saquea a caixa de reservas da Seguridade Social, en realidade o que están facendo é eliminar a financiación do sistema de pensións e fomentar o sistema privado, inxusto, insolidario e de solvencia dubidosa.

Por isto, a CGT da Coruña convoca á súa afiliación, simpatizantes e poboación traballadora en xeral para que apoien esta convocatoria. Por que é xusto e impresdindible.

Comité Local da CGT da Coruña