Actos do Primeiro de Maio da CGT de Galicia

autor: Categoría: A Coruña, Convocatorias, Galicia, Ourense, Pontevedra, Sindical, Vigo

A Confederación Xeral do Traballo (CGT) chama a participar o vindeiro Primeiro de Maio nos diferentes actos e mobilizacións que se teñen convocado en diferentes cidades galegas:

A Coruña:SKMBT_C22014042218200

  • Manifestación conxunta da CGT xunto coa CUT, o STEG, o SF e o Sindicato da Elevación. Sairá ás 12:30 horas da Praza de Pontevedra.
  • Xantar confederal de confraternización nos locais sindicais.

Ourense:

  • Manifestación do Bloque Crítico de Ourense, formado polos sindicatos CGT, CNT, CUT, SF, cartaz_mani_1maio2014_OUSTEG e outros colectivos e individualidades. Con saída ás 12 horas dende a caseta de turismo da Ponte Romana, cun recorrido casco vello da cidade para finalizar nos Xardíns do P. Feijoo onde terá lugar a lectura do comunicado conxunto.
  • Xuntanza de confraternización en Oira con xantar, postos alternativos, actividades paralelas, …

Pontevedra:

  • Manifestación conxunta da CGT e a CNT que sairá da Praza da Ferreiría, ás 13:00.

Vigo:

  • CARTEL_CGT_Vigo_1maio2014Manifestación unitaria que sairá ás 11:00 horas da Praza de Fernando o Católico (Urzaiz) e finalizará na Porta do Sol, convocada pola CGT xunto con outras organización sindiciais: CNT, CUT, Intersindical, Sindicato de Elevación, STEG, e Sindicato de Xornalistas.
  • Posteriormente, a partir das 14 horas, a CGT, xunto coa Oficina de Dereitos Sociais de Coia e a Rede Solidaria Popular, organizan os actos que se celebrarán na Plaza do Pobo – Cristo da Victoria de Coia: un xantar fraternal, con distintas actuacións musicais a partir das 15 horas, cos grupos Ostia Padre, Dr.Zaius, Dram, Perros Norteños e a Banda de Gaitas O Torreiro de Priegue (Nigrán), e un mitin coa intervención dun representante de cada sindicato e plataforma social presentes.

 

1º Maio en Pontevedra

autor: Categoría: Pontevedra, Sindical

O Primeiro de Maio, a CGT de Pontevedra-Arousa manifestarase polas rúas de Pontevedra, conxuntamente coa CNT.
A manifestación sairá ás 13:00h da Praza da Ferrería, seguindo o recorrido habitual ata a Alameda, diante da sub-delegación do goberno, onde terá lugar o acto-mitin de peche, coa intervención de representantes das dúas centrais sindicais anarcosindicalistas.

 

Manifestación do Primeiro de Maio na Coruña

autor: Categoría: A Coruña, Convocatorias, Sindical

SKMBT_C22014042218200O vindeiro Primeiro de Maio, a CGT volverá a saír en manifestarse polas rúas da Coruña. A manifestación este ano farase conxuntamente coa CUT, o STEG e o Sindicato da Elevación.
Para a CGT a situación que estamos a sufrir a clase obreira é ignominiosa e insostible. As enormes cifras do desemprego, a constante sangría de dereitos laborais e sociais, os ataques aos servizos públicos como ensino, sanidade, servizos sociais, etc., xunto coa ameaza constante ao sistema público de pensións, a pobreza, os desafiuzamentos, … fan preciso que, máis que nunca, os traballadores e traballadoras expresemos, clara e firmemente, o noso total rexeitamento e activa oposición esta situación para poñer fin a que, ás nosas costas, se siga negociando e xogando cos nosos dereitos e intereses.

Por isto, a CGT da Coruña convoca ao pobo traballador a que participe na manifestación que o próximo Primeiro de Maio sairá ás 12:30 horas da Praza de Pontevedra da Coruña e que rematará na Praza do Humor.

Comité Local da CGT da Coruña