post

Folga xeral na comarca ferrolá

O 10 de marzo a CGT convoca folga xeral na comarca. Este é o primeiro dos temas incluidos na Folla da CGT de Navantia no seu número 54. O resto das cuestións son as seguintes:

  • O COVID e o teletraballo
  • O despedimento de Cartaxena
  • Cinco semanas de folga indefinida na UTE de mantemento
  • Novidades sobre os novos ingresos
  • Finiquito d@s prexubilad@s

Quen estea interesado en ler ou mesmo descargar este número, pode facelo picando nas ligazóns de embaixo.

Sección Sindical Unitaria da CGT en Navantia-Ferrol

 

post

Xa saíu o número 53 da Folla da CGT de Navantia

Este novo número da Sección Sindical Unitaria da CGT en Navantia Ferrol comeza esixindo a readmisión inmediata dun compañeiro de Cartaxena e o cese dos responsables. Tamén inclúe o seguinte:

  • Reunións cos grupos parlamentarios do Congreso
  • Solidariedade coa loita e mobilizacións do mantemento
  • Brote de Covid-19 na Industria Auxiliar
  • Últimas novidades sobre os novos ingresos

Oas persoas interesadas na Folla poden vela ou descargala picando nas ligazóns de embaixo.

Sección Sindical Unitaria da CGT en Navantia-Ferrol

 

post

Ataque antisindical da patronal e de Navantia á Industria Auxiliar

O prego da licitación do mantemento recolle que o traballo que agora fai unha compañía (a UTE Tecman-Electro Rayma) se repartirá entre un mínimo de cinco empresas. Non hai ningún motivo técnico para isto. É unha nova agresión antisindical da dirección de Navantia e da patronal da IA.

Os traballadores subcontratados do Mantemento teñen un comité que nunca se dobregou ante a patronal, e que defende os dereitos do convenio e os acordos do naval, que tanto custou conquistar. Isto levou a que, en represalia, 15 destes compañeiros fosen despedidos en outono do 2019. A resposta de toda a plantilla foi unha folga indefinida. E o resultado, a readmisión de tódolos despedidos, tras case tres semanas de folga.

Este exemplo deloita é o que queren represaliar Navantia e a patronal da IA. Dividindo os traballadores entre un mínimo de cinco compañías, o que pretenden é cargarse o Comité de Empresa do Mantemento, para despois atacar os traballadores. Por iso a dirección de Navantia ocultoulle ó comité da principal que a licitación seía repartir entre varias compañías.

É unha agresión antisindical, é un ataque ó conxunto dos traballadores. Non podemos permitir que sigan a mexar por nós. Tódolos traballadores da factoría debemos responder. Os compañeiros do Mantemento decidiron onte en asemblea facer hoxe unha concentración na porta. A CGT chama a tódolos traballadores a solidarizarse acudindo á mesma.

CONCENTRACIÓN

Hoxe ás 11:00 na porta do Arsenal

Se atacan a un, atácannos a tod@s!

Sección Sindical Unitaria de CGT en Navantia-Ferrol

 

post

Navantia: hai que pasar á ofensiva en mantemento

Este chamamento figura no número 47 da Folla da CGT, que ven de ser publicada. Ademáis, neste número aparecen os seguintes temas:

  • A cuestión do cartucho: a decisión corresponde axs traballadorxs
  • Estamos sen calendario laboral
  • Que pasa coa suba do 2% no 2020?
  • Os líos dos novos ingresos
  • Silenzo cos compañeirxs de Sestao

Quen teña interés pode abrir ou descargar a Folla picando las ligazóns de embaixo.

Sección Sindical Unitaria da CGT en Navantia-Ferrol

 

post

Navantia: todos á mobilización en defensa dos empregos o 17-D

Os traballadores de Navantia debemos contribuír ó éxito da folga comarcal que está convocada para mañá nas comarcas de Ferrol, Eume e Ortegal, acudindo masivamente á cadea humana que unirá os concellos de Ferrol e Narón entre as 11:00 e as 13:00 h.

Coa escusa da pandemia, disparáronse os despedimentos, os peches, os recortes salariais e de dereitos, provocando un sufrimento brutal á nosa clase: os desafiuzamentos, as colas da fame, a fenda dixital ou os recortes en educación e sanidade golpean especialmente ós traballador@s máis vulnerables.

Tan só na nosa factoría, milleiros de empregos foron desmantelados nos últimos dous anos. Cando se entregue o AAOR-2 serán moitos máis. A perspectiva é moi dura. A destrución de emprego é un cancro que se estende por todo o Estado español, facendo moi difícil atopar traballo noutro lugar. Na nosa comarca, empresas coma Poligal, Noa, Cándido Hermida, Gamesa ou a central térmica das Pontes súmanse ó desastre de Navantia. A situación é similar no resto do Estado: Nissan ou Alcoa son só a expresión más avanzada dun proceso que afecta a toda a industria (automóbil, aeronáutica, electrointensiva, enerxética…) e, por tanto, ó resto dos sectores económicos.

Mentres despiden, pechan fábricas e recortan salarios e dereitos, a patronal e a banca non paran de esixir cartos públicos e de amasar beneficios. Alcoa (2.500 millóns en axudas do Estado en dúas décadas) ou o rescate multimillonario da banca son dous exemplos dun proceso sistemático e xeneralizado de parasitismo que a pandemia está a acelerar: os centos de miles de millóns de euros do escudo social anunciado polo goberno están indo a parar ós grandes capitalistas, xa sexa mediante axudas directas ou indirectas. Por exemplo, os ERTES están permitindo que as empresas non teñan que empregar os beneficios millonarios amasados ano tras ano (500.000 millóns só en 2019) en pagar salarios dos traballadores, a costa dun endebedamento do Estado que pagamos os traballadores.

Non hai cartos para implantar un subsidio de desemprego digno e indefinido para tódolos parados, pero si os hai para a banca é as grandes empresas. Isto non é inevitable. É unha decisión dos capitalistas para manter e aumentar os seus beneficios a costa da vida da clase obreira. ¡É un proceso global de ataques contra a clase obreira, sen precedentes dende os anos 30 do século pasado!

A experiencia do goberno de PSOE e Unidas Podemos está a demostrar os límites do parlamentarismo para defender os intereses dos traballadores. A loita (mobilización nas rúas, paralización da produción, folgas xerais…) é o único camiño. Hai que unificar as forzas do conxunto dos traballador@s para así poder defender os intereses da clase obreira fronte ós intereses da clase empresarial, que son absolutamente incompatibles cos nosos. A xornada de mañá ten que ser o inicio dun proceso ascendente de mobilización no que o seguinte paso sexa a convocatoria dunha folga xeral en Galiza a comezos do vindeiro ano, como preparación dunha Folga Xeral en todo o Estado para antes do verán.

¡Defendamos cada posto de traballo!

Sección Sindical Unitaria de CGT en Navantia-Ferrol

 

post

A desmobilización permanente en Navantia

Acaba de publicarse o número 46 da Folla da CGT e ven encabezada cun artigo sobre o rexeitamento da maioría sindical do chamamento feito polos representantes da Industria Auxiliar a un paro de 24 horas para o día 27. Además desta desvergoña sindical, a Folla contén un comentario sobre canto fillo de put hai neste país (26 millón din os que os queren fusilar).

Coma sempre, quen teña interés en ler a folla, pode descargala premendo nas ligazóns de embaixo.

Sección Sindical Unitaria de CGT en Navantia-Ferrol

 

post

Movilizaciones en Banco Santander

El Banco Santander lleva inmerso en diferentes procesos de reestructuración de plantilla mediante Expedientes de Regulación de Empleo desde el 2013. En todos los EREs llevados a cabo hasta la fecha entre esa fecha y la actualidad, unidos a los del extinto Banco Popular, se han destruido más de 15.000 empleos.

Una herramienta que debería ser para casos excepcionales la está utilizando el Banco de manera sistemática para la destrucción de miles de puestos de trabajo, algo que ninguna otra empresa del sector ha hecho a pesar de atravesar las mismas situaciones de mercado.

En la actualidad nos vemos inmersos en un proceso por el que se pretenden llevar por delante, en el mejor de los casos, 4.000 puestos de trabajo, ello sin olvidarnos de la precarización de las condiciones laborales de quienes sean externalizados a empresas de servicios.

Dichas externalizaciones suponen una utilización fraudulenta de la legislación vigente, dado que llevarían a otras empresas tareas que actualmente se realizan en el Banco y que son parte fundamental del negocio bancario, pero su externalización supondría un ahorro de costes para la entidad, así como una precarización en las condiciones de lxs compañerxs externalizadxs.

A esto le sumamos unas deplorables condiciones de salida ofertadas, lo que pone de manifiesto que para el Banco Santander los beneficios están claramente por encima de las personas. Y no olvidemos que son precisamente las personas las que con su esfuerzo y dedicación diaria hacen que esos beneficios se incrementen año a año.

Por estos motivos CGT consideramos que ha llegado el momento de salir a la calle a reivindicar la defensa de todos y cada uno de los puestos de trabajo. Porque aquí no sobra nadie y todxs unidxs debemos mostrar al Banco Santander que Galicia se opone a sus políticas de destrucción de empleo. Porque la precarización del sector bancario redundará negativamente en toda la comunidad gallega.

Este sábado 12 de diciembre a las 12.00 nos vemos en el Cantón Grande de A Coruña y en el cruce de Colón de Vigo unidxs en la lucha por los puestos de trabajo del sector bancario.

 

post

Nova agresión de Navantia contra os traballadores da Industria Auxiliar

Este é o título do artigo de portada da Folla da CGT número 45 que publica a Sección Sindical Unitaria en Navantia e que explica unha nova agresión da empresa contra os dereitos dxs compañeirxs da IA. Ademáis, a Folla contén o seguinte:

  • Apoio á concentración polas pensións e contra o Pacto de Toledo
  • Sentenza gañada pola CGT sobre os xuros dos atrasos das asimilacións
  • Unha nova arbitrariedade nos novos ingresos
  • Prohibición a membros do Comité a acceder a dependencias da factoría
  • Horas sindicais de novembro utilizadas polxs nosxs delegadxs

Coma sempre, quen estea interesado, pode abrir ou descargar a Folla premendo nas ligazóns de embaixo.

Sección Sindical Unitaria da CGT en Navantia-Ferrol

 

post

Prazas de Navantia: unha auténtica cacicada

Onte pola tarde, Navantia publicou as listas provisorias do exame teórico-práctico das tres especialidades pendentes (Asistencia á dirección, Bacharelato e Mecatrónica) da convocatoria de prazas de operarios e empregados júnior 2019.  

Finalmente, Navantia excluíu a 4 persoas que nese exame sacaron a nota suficiente para obter praza (que é o que recollen as bases), pero que non obtiveron o “visto e prace” dun psicólogo contratado por Navantia para facer algunhas entrevistas persoais telemáticas (entrevista que non aparece por ningures nas bases, e que tampouco se lle fixo a tódolos candidatos). Noutras palabras: Navantia viola as bases da convocatoria.  

Este nivel de nepotismo empresarial son, infelizmente, habituais no sector privado. Pero que ocorran nunha empresa pública é gravísimo. Neste senso, a CGT defendeu na permanente do comité de Ferrol a convocatoria inmediata dunha asemblea xeral para abordar co conxunto dos traballadores/as toda esta situación, proposta que lamentablemente non saíu adiante.  

Pero non se trata só de loitar para solucionar este caso. Hai que impedir que isto volva a repetirse. Trátase de acabar con tódalas irregularidades, escurantismos e arbitrariedades que se producen nas contratacións de Navantia, e que, no caso das prazas de titulados universitarios, veñen de lonxe.  

Non hai nada que inventar. Navantia é unha empresa pública. Por tanto, debe seguir os procedementos transparentes e obxectivos propios da Administración pública.  

Mentres a SEPI, matriz de Navantia, convoca prazas de titulados universitarios rexidas polo principio de igualdade, mérito e capacidade, Navantia exclúe xente por motivos escuros que oculta trala escusa do secreto clínico dun psicólogo. Ou por exceso de coñecemento, como pasou nas prazas de universitarios júnior.  

A CGT vai facer todo o que estea na nosa man para loitar contra esta cacicada e para que a arbitrariedade desapareza de Navantia, deixando paso a uns procesos de ingreso transparentes e nos que haxa unha igualdade de oportunidades real conforme ós principios de igualdade, mérito e capacidade, e de non discriminación entre homes e mulleres, como corresponde a unha empresa pública.  

Sección Sindical Unitaria de CGT en Navantia-ferrol

 

post

Unha nova Folla en Navantia

O número 45 da Folla da CGT foi publicado pola Sección Sindical Unitaria. Este número ten o seguinte contido:

  • 25-N: Día Internacional contra as violentas machistas
  • Confluír cxs traballadorxs. CCOO e UGT conflúen coas empresas, pero fuxen de confluír coa súa clase.
  • Comparanza entre as convocatorias da SEPI e as de Navantia. nepotismo e arbitrariedade.
  • Calendario laboral 2021. Os excesos de xornada.
  • Encadramento salarial GP1 e GP2, bloqueado. Fai falla unha asemblea cos afectados.

As persoas interesadas poden ler ou descargar este número premendo nas ligazóns de embaixo.

Sección Sindical Unitaria da CGT en Navantia