post

Caos en Correos

A CGT Correos de Galicia denuncia o caos creado pola posta en marcha das novas bolsas de contratación en Correos.

Correos abriu as bolsas no mes de Outubro pero non as puxo en marcha até o 1 de xuño, o que fixo que coincidira a entrada de numeroso persoal sen formación e sen experiencia previa coas vacacións do persoal habitual, o que, unido à falta de contratación por mor dos recortes, fai que as incidencias sexan numerosas.

Desde a CGT queremos denunciar as numerosas incidencias creadas no reparto postal durante este periodo estival.

Estamos a recibir numerosas queixas desde unidades de todo o territorio Galego desde o persoal que non son quen de repartir diariamente a correspondencia recibida, o que afecta negativamente ao dereito da cidadanía de recibir o correo diariamente.

O persoal, por medio dos/as seus/súas representantes sindicais fai responsable disto á falta de previsión da dirección.

A CGT indica que as problemáticas veñen dadas por dous motivos:

Por unha banda no mes de outubro de 2017 Correos convocou un proceso para crear unhas bolsas de contratación eventual. Ese proceso, moi criticado pola CGT polo seu retraso e polas súas irregularidades, deixou fora a centos de persoas que contaban cunha grande experiencia no traballo postal, valorando os méritos das devanditas bolsas dunha maneira totalmente cuestionable como, por exemplo, igualando a puntuaciuó dun cursos de “excel” de unhas horas a varios anos de experiencia no reparto.

Este feito fixo que numerosas persoas con experiencia quedaran sen a posibilidade de acceso ao traballo postal.

Por outra banda encontrámonos coa falta de contratación de Correos, que pretende levar a cabo o servizo –nos meses estivais- cun número de persoal a todas luces insuficiente que ronda o 40% menos do plantel oficial habitual. Correos indica, ademais, ao persoal de reparto que leven a maoriores outras zonas non habituais, o que chamamos “recargo”, feito que dificulta e entorpece o traballo e fai que sexa frecuente que queden zonas sen repartir.

A CGT quere denunciar publicamente que estes feitos levan inexorablemente a unha diminución intolerable da calidade no servizo postal, e esixen a Correos:

  • A substitución inmediata de todas as persoas que se encontran de vacacións
  • A ampliación das bolsas de contratación, recuperando a todas as persoas con experiencia no traballo postal

Todo o anterior baseado na querencia do noso sindicato CGT de velar polo estricto cumprimento do dereito a ter un servizo postal público de calidade.

CGT de Correos Galicia

 

post

COMUNICADO ANTE A MOBILIZACIÓN CONVOCADA PARA A CIG O 19 DE XUÑO

Os sindicatos abaixo asinantes facemos pública a nosa valoración ao respecto da mobilización convocada pola CIG para o 19 de xuño.

Primeiro: os sindicatos asinantes hai anos que mantemos unha posición consensuada, froito dos debates conxuntos, pero en pé de igualdade, sobre a necesidade da convocatoria dunha folga xeral. No entanto concluímos que a convocatoria da CIG non reúne as condicións e as garantías necesarias para ser catalogada coma tal polo seguinte:

  • Unha folga xeral debe ser convocada por unha demanda social que loxicamente inclúa un traballo previo de contactos entre organizacións sindicais, colectivos, plataformas e movementos sociais; non poden, polo tanto, obedecer a decisións dunha parte que substraia a vontade da totalidade. Neste caso a folga deixa de seren un instrumento da clase traballadora para se converter no instrumento dunhas siglas.

Read More

 

post

A CGT CONVOCA FOLGA XERAL O 8 DE MARZO

A CGT en coordinación con organizacións do movemento feminista, quen vén expoñendo desde hai uns anos esta proposta dunha folga xeral centrada nas mulleres, tendo as mulleres un protagonismo especial na convocatoria e nas reivindicacións.

Afectará a todos os traballadores e traballadoras, de todos os ámbitos sectoriais, públicos e privados, sen distinción ningunha de situación laboral, sexo, idade ou condición social.

O obxectivo é parar a vida en toda a súa extensión e visibilizar o papel protagonista que ten a muller na engrenaxe desa vida. A folga xeral exponse como folga laboral (convocando a toda a clase traballadora); folga de coidados (que evidencie a sobrecarga e invisibilidade dos coidados, a ausencia de corresponsabilidade no traballo doméstico e de coidados, e permita a visibilidade máxima das mulleres); de consumo (ferramenta útil para loitar contra o capitalismo e potenciar a economía que poña a vida no centro), e estudantil (buscando o apoio e convocatoria dos sindicatos e organizacións estudantís). Read More

 

post

ANTES DESTRUIRON O MONTE, AGORA O QUEIMAN POLÍTICA FORESTAL Ó SERVIZO DO CAPITAL: DEVASTACIÓN AMBIENTAL

 

Agora, tal como aconteceu o ano pasado e viña sucedendo en todos os anteriores, os incendios forestais carbonizan decenas de miles de hectáreas de bosque galego. Decenas de montes están ardendo. Miles xa arderan, nos derradeiros 20 anos, a unha media de 25.000 hectáreas anuais.
Desde que o capitalismo máis voraz se fixo dono do monte galego, coincidindo coa instalación de consorcios madeireiros e taboleiros en distintos lugares de Galicia, fixéronse desaparecer do noso bosque as súas árbores propias para ser substituídos masivamente por outras especies máis “rendibles”, sobre todo eucalipto e piñeiro. Read More

 

A CGT de Galicia fai un chamamento para participar na manifestación das Marchas da Dignidade do día 27 de maio en Madrid

As Marchas da Dignidade, das que forma parte a CGT, volven a Madrid o día 27 de maio. Unha vez máis, encheremos as rúas de Madrid para manifestar o noso rexeitamento da situación actual, para reclamar a derrogación da Reforma Laboral, para pedir a liberdade de todos os condenados por protestar e o sobreseemento dos procesados e sancionados, para reclamar rendas suficientes, para esixir traballos dignos en condicións dignas, para volver berrar PAN, TRABALLO, TEITO E DIGNIDADE.

As Marchas de Galicia conseguiron negociar que haxa tren a Madrid. Está prevista a saída ás 07:50 horas da Coruña, pasando por Compostela (saída 08:20) e Ourense, de onde sairá ás 09:00 horas, con chegada ás 14:00 horas a Chamartín e volverá á noitiña, con saída de Chamartín ás 22:00 horas. Para os compañeiros de Ferrol, Lugo, Pontevedra e Vigo haberá autobuses que os achegarán ás estacións do tren.

Para que isto sexa posible é imprescindible encher os trens e hai que facelo antes do día 20. Hai que pagar todas as prazas, se ocupen ou non, polo que levar o tren medio baleiro sería inviable.

Consideramos que é unha oportunidade única para levar a Madrid os problemas dos sectores e das empresas, onde nos encontraremos con compañeir@s do resto de España, tanto da CGT como doutros movementos.

Para anotarse, están hábiles os teléfonos seguintes:

  • Zona A Coruña, Ferrol, Lugo e Compostela (Santi – 654 629 190, Ángel-696 903 890)
  • Zona Vigo (Costoya  661 402 997 )
  • Zona Pontevedra (MIguel 627791 645)

Os afiliados da CGT, nos locais do sindicato.

O DÍA 27, TOD@S A MADRID!

UNIFICANDO LOITAS!

PAN, TRABALLO, TEITO, DIGNIDADE E IGUALDADE!

 

post

A CGT, por petición de En Marea, reúnese conxuntamente co resto dos sindicatos para ser informados da súa proposta de moción de censura

En Marea anuncia a intención de levar a cabo unha moción de censura contra o executivo do Partido Popular tras os últimos acontecementos relacionados coa corrupción política e xudicial

Tras a petición de reunión de En Marea, a Confederación Xeral do Traballo de Galicia (CGT) acudiu na tarde de hoxe ao Auditorio de Galicia para ser informada da proposta de moción de censura que están a promover contra o goberno de Mariano Rajoy.

CGT agradece a deferencia e escoita con atención as explicacións que xustifican esta iniciativa política pero, á vez, pon de manifesto que a forza transformadora da sociedade está na loita da xente e non no parlamentarismo. CGT considera que non se pode abandonar a mobilización porque é a única garantía para transformar o modelo social e recuperar as conquistas que nos foron arrebatadas nos últimos anos.

Do mesmo xeito, CGT expuxo a nosas reivindicacións máis importantes nestes momentos, como a necesaria e urxente derrogación das dúas últimas reformas laborais (PSOE e PP), a derrogación das leis “mordazas”, a garantía dun Sistema Público de Pensións,  a defensa dos Servizos Públicos e do Común como dereitos esenciais das persoas, a anulación dos procesos penais e administrativos de todas as persoas represaliadas por exercer o dereito á protesta e, por suposto, a recuperación do poder adquisitivo da Clase Traballadora.

Por outra banda, é evidente e totalmente noxenta a trama de corrupción que estableceu o partido gobernante actual, polo que esperamos que a maioría social reaccione coa mobilización na rúa para botalos, o que non desculpa os episodios de corrupción de gobernos anteriores, de gobernos autonómicos e municipais igualmente noxentos e delituosos.

Calquera iniciativa que vaia na dirección de botalos non será rexeitada pola CGT, só que cremos que é a resposta da sociedade no seu conxunto, coa mobilización colectiva, a que debe ser o motor do saneamento que se pretende e que CGT entende como urxente e necesario.

A reunión transcorreu con parámetros de cordialidade e respecto mutuo.

Compostela, 02 de maio de 2017

 

post

Folga de 24 horas no sector de telemárquetin

O venres 17 de marzo, os 90.000 teleoperadores e teleoperadoras de todo o estado están chamados a unha nova xornada de folga en protesta pola falta de avances na negociación do convenio colectivo que regula o sector de contact center (telemárquetin) e que leva máis de dous anos en proceso de negociación.

Para a CGT é imprescindible a eliminación do artigo 17 do devandito convenio pola súa flagrante ilegalidade, a incorporación da subrogación obrigatoria dos traballadores no cambio de empresa contratista contemplado no artigo 18 e unha recuperación do poder adquisitivo perdido tanto mediante unha subida salarial digna, como mediante a extensión das xornadas a tempo completo, que a día de hoxe xa son sumamente excepcionais nas novas contratacións do sector.

Con motivo desta mobilización, a CGT ten convocadas os seguintes actos:

  • Pontevedra: concentración de solidariedade ante a oficina principal de Movistar, entre as 19:30 e as 20:15, na rúa Rosalía de Castro, 6.
  • Vigo: concetración ante a empresa Unisono (rúa Gran Vía, 114), entre as 11:00 e as 13:00 horas.
  • A Coruña: performance-representación no Obelisco, ás 12:00 horas.

CGT de Galicia

 

 

post

A CGT de Galicia apoia a Marcha do persoal precario das Administracións Públicas

A CGT de Galicia apoia a Marcha do persoal precario das Administracións Públicas que terá lugar o xoves, 16 de marzo en Compostela, por canto esa mobilización ten como obxectivo declarado denunciar unha situación de inxustiza o paro e a precariedade laboral, vivamente sentida por toda a afiliación da CGT.

A loita contra o paro, a precariedade e a explotación laboral representan reivindicacións principais que definen a acción sindical e social da CGT, aprobada reiteradamente nos seus Congresos e desenvolvida nas mobilizacións sostidas desde sempre por esta organización, incluídas varias Folgas Xerais.

A loita contra o paro, a precariedade e a explotación laboral compromete a toda a clase traballadora e, en particular, a toda a afiliación e militancia da CGT, independentemente da modalidade ou contido do seu contrato laboral ou da súa situación de emprego. Tanto o “paro” como a “precariedade laboral” ou a “explotación laboral” son danos e violencias que e implican a todos os traballadores, sexa como realidade inminente, sexa como ameaza omnipresente.

Neste aspecto, dita loita non pode, nin debe sectorializarse, segregarse ou illarse, sexa simbólica ou realmente, da loita común cotiá en defensa  dos intereses da clase traballadora e esta sectorialización compromete a eficacia da mobilización emprendida.

Por iso, o chamamento da CGT non se fai exclusivamente aos traballadores precarios da Administración Pública, nin sequera a todos os traballadores do devandito sector, senón a todos aqueles traballadores que poidan acudir a unha mobilización que a todos implica.

A Coruña, 14 de marzo de 2017

CGT de Galicia

 

post

A CXT de Galicia chama a tomar as rúas da Coruña o 25F en defensa das pensións e dos servizos públicos

A manifestación do 25 de febreiro, convocada polas Marchas da Dignidade de Galicia na Coruña, dará prioridade á defensa das Pensións Públicas e a defensa dos Servizos Públicos como esenciais para todas as persoas.

 

A CGT de Galicia fai un chamamento a todos os traballadores e ao pobo galego en xeral para que participe nesta mobilización en defensa daquelas conquistas que, recoñecidas polo poder tras moita loita, sufrimento e, mesmo sangue, están a ser desmanteladas e expropiadas polos explotadores e os seus fieis servidores, os políticos de garda, para traspasalas a mans privadas e para encher os seus petos.

Así mesmo, a CGT de Galicia non pode esquecer a todas as persoas que, neste momento son reprimidas utilizando a lexislación chamada “democrática” como coartada. Reclamamos que todos aqueles encarcerados e procesados por loitar polo dereito de folga, o de manifestación, o de expresión ou o de protesta sexan liberados ou os seus procesamentos anulados. Non imos admitir sen máis que compañeiras e compañeiros que están a loitar polo de todos vexan partida a súa vida por estar en primeira liña de loita contra a inxustiza.

 

A CGT de Galicia chama a ocupar as rúas coruñesas o próximo 25 de febreiro e convida a participar a toda a clase obreira, en activo ou desempregada, a estudantes, pensionistas, inmigrantes, ás diferentes “Mareas”, aos colectivos antidesafiuzamentos e a todas as persoas que sofren o feroz ataque desenvolvido contra a maioría social co pretexto da crise-estafa.

 

Para a CGT de Galicia non existen tempos mortos. Por iso é necesaria a unificación de todas as loitas. O sábado, 25 de febreiro de 2017 é un momento adecuado para levalo a cabo e vaticinamos que esta mobilización será un excelente preludio para a manifestación que terá lugar en Madrid o 25 de maio.

 

PAN, TRABALLO E TEITO!

CONTRA O DESMANTELAMENTO DAS PENSIÓNS!

POLO PÚBLICO, PORQUE É DE TODOS!

BASTA DE REPRESIÓN SINDICAL E SOCIAL!

 

post

CGT Confederal

A CGT oponse á instrumentalización dos axentes sociais do réxime con mobilizacións espectáculo para volver asinar un Pacto Social e outro novo Pacto de Toledo.

Os sindicatos do Pacto Social continuo, escondidos durante estes longos anos de crise-estafa, volven querer “ser necesitados” pola patronal e os partidos gobernantes, para tentar chamar a atención e que lles fagan un pouco de caso.

Tentárono en novembro pasado, con dous chamamentos á “mobilización”, para “presionar” aos seus interlocutores, goberno por unha banda, na mesa do Pacto Social onde se discute o marco de relacións laborais e as pensións e, por outro, á patronal CEOE, coa que pretenden establecer referencias de incrementos salariais para a negociación colectiva. Read More