A CGT entra con forza na delegación coruñesa do INE

Xa se informaba nesta web da constitución hai algúns meses da Sección Sindical da CGT da Coruña no INE.
Hoxe, venres 30 de marzo, tiveron lugar as eleizóns sindicais no centro, e por vez primeira presentábase unha candidatura da CGT. Os resultados son excelentes, pois no proceso electoral con mais participación das celebradas no INE, a CGT resultou a segunda organización sindical con mais respaldo, obtendo un delegado no Comité de Empresa.

 

A CGT mantén a súa representación no comité de empresa provincial de Telefónica na Coruña.

Nas eleizóns sindicais celebradas o pasado 29 de marzo, a candidatura de CGT mantivo a representación coa que xa contaba no comité provincial de Telefónica da Coruña, cun delegado, a pesares da reducción de plantilla que se veu producindo e a pesares tamén da irrupción de candidaturas específicas de Telefónica.

Pódense consultar tódolos datos por provincias na páxina web do Sindicato Federal de Telefónica de CGT.

 

Presentación en Vigo da campaña de obxección fiscal ós gastos militares na Declaración da Renda

O vindeiro sábado 31 de Marzo ás 18:30 h., diante do Mercado do Calvario, o “Espazo Aberto Antimilitar” fará a presentación da campaña de obxección fiscal ós gastos militares na declaración da renta.

Habrá proxeccións antimilitaristas, a actuación do Coro libertario e de “woima”. Ademais, un posto informativo estará a disposición de quen desexa saber mais sobre o tema.

Secretaría Acción Social CGT Vigo.

 

 

Convocada folga en tódolos centros de traballo de Atento España

A Confederación Xeral do Traballo (CGT) ten convocado para o vindeiro luns, 2 de Abril, unha xornada de paros de dúas horas en tódolos turnos de traballo de tódolos centros e plataformas da empresa Atento de todo o estado español, en protesta polos despidos de centos de traballores nos centros de traballo da Coruña, Valencia, Getafe, …No centro de traballo de Atento en A Coruña, o resto de organizacións sindicais (UGT, CCOO, e CIG) presentes no Comité de Empresa, tamén decidiu apoiar a convocatoria de CGT, organización maioritaria, polo que se tratará tamén, a nivel local, dunha convocatoria do Comité, en resposta ós 179 despidos de traballadores e traballadoras deste centro coruñés.

Os paros terán lugar cos seguintes horarios: de 0 a 2 horas, de 11 a 13 horas e de 17 a 19 horas, do vindeiro luns 2 de abril. Asimesmo, se celebrarán concentracións ás 11 e ás 17 horas.

 

Continúan as movilizacións contra os despidos en ATENTO Coruña

A movilizaciós dos traballadores e traballadoras de ATENTO Coruña continúan trala gran manifestación do pasado venres, 23 de marzo. O Comité de Empresa convocou de novo concentracións para este venres, 30 de marzo, ás 12 horas e ás 20 horas, diante da sé da empresa na rúa de Juan Flórez.

Como sempre, a solidaridade é a nosa mellor arma, ACUDE

 

Unha multitudinaria manifestación percorre as rúas coruñesas en protesta polos 179 despidos en Atento

atento-mani-en-coruna-039.jpg

A manifestación convocada en protesta polos 179 despidos en Atento na Coruña reune a máis de 8000 persoas que percorren as rúas máis céntricas da cidade esixindo a readmisión dos despedidos, e lembrandolle á empresa que fronte ás súas agresións vai atopar a resposta contundente da clase obreira.
Read More

 

 

Novas movilizacións en Atento. Concentracións, luns 19 e martes 20; e Manifestación o venres, 23

Hoxe se producirá de novo unha CONCENTRACIÓN de traballadores e traballadoras contra dos despidos de 179 compañeiros e compañeiras en ATENTO A Coruña, diante da sé da empresa na rúa Juan Florez 80-82.

Mañá, martes 20, día en que se fan efectivos os 179 despidos, se repetirán as concentracións ás 12 e ás 20 horas.

O venres 23, coincidindo coa Manifestación está convocado un paro parcial no centro de traballo da Coruña, entre as 20 e as 22 horas.

ASISTIDE.