post

Un «Buzón Rebelde» para Correos da Coruña especial para o verán

A Sección Sindical de Correos na Coruña ven de sacar un novo «Buzón Rebelde», a súa revista, neste caso un especial verán que repasa toda a actualidade na empresa. O contido é o seguinte:

  • Propoñemos a recuperación da banca postal pública e esiximos aumentar o coidado na entrega de comunciacións.
  • Sancionada xefa con falta moi grave por manipular notificacións tras a denunca de CGT Correos.
  • Publicado Informe Anual 2020: eventualidade elevadísima e aumento das queixas e reclamacións.
  • Visto nas redes.
  • Salarios: pendente a suba do 0,9% para o 2021. Perderemos diñeiro outra vez este ano.
  • Caos e confusión na recollida de datos ao persoal rural.
  • Finaliza con acordo a folga máis longa da historia de Correos: 65 días en Sabadell.
  • O (bochornoso) coste dunha «formación» practicamente inútil en 2020: 2.909.298,67 euros.
  • Contra o negocio sindical, a solidariedade e a axuda mutua: temario completo, libre e gratuito para o exame do 12S.

Pódese abrir ou descargar a revista picando nas ligazóns de embaixo.

Sección Sindical da CGT en Correos – A Coruña

 

post

Buzón Rebelde especial CTA

A Sección Sindical da CGT en Correos da Coruña ven de sacar un Buzón Rebelde especialmente dedicado ao CTA. O contido é o seguinte:

  • Inspección de riscos laborais no CTA
  • Despedimento de Marta, compañeira da limpeza do CTA
  • Caos na consideración de día hábil na fin de semana
  • Irregularidades no uso de material de limpeza
  • A entrega do chaquetón é obrigatoria
  • Breves

Que queira abrir ou descargar o Buzón Rebelde, pode facelo picando nas ligazóns de embaixo.

Sección Sindical da CGT en Correos da Coruña

 

post

Narón di non!

Esta é a portada do número 35 do Buzón Rebelde, o boletín da Sección Sindical da CGT da Coruña en Correos. Este número ven cargado, coma sempre, de interesante información:

  • Ano de récord ou situación catastrófica: algúen mente
  • Queremos a vacina anti-covid para o persoal
  • Cambios importantes no CTA de Lavacolla
  • Fin dos sábados?, pero ollo coas xornadas especiais
  • Os dereitos nos recoñecementos médicos
  • Reclamamos a inclusión no EBEP
  • Duplícase o gasto de persoal «falso autónomo»
  • Chapuzas e ilegalidades en paquetería de Correos
  • Serrano é igual de malo que os anteriores
  • O edificio ameaza ruina e a culpa non é nosa
  • Bolsas: a instauración da precariedade
  • Ferrol di basta; Xerez tamén

Pódese ler ou descargar o Buzón Rebelde número 35 picando nas ligazóns de embaixo.

Sección Sindical de CGT en Correos da Coruña

 

post

«Buzón Rebelde»: novo número

Foi publicado o número de febreiro do Buzón Rebelde, o boletín informativo da CGT de Correos da Coruña. Neste número abórdanse os seguintes temas:

  • A suspensión das gardas obrigatorias dos sábados
  • A cuestión da «Tarxeta Regalo» polo premio Atenea 2019
  • Campaña pola inclusión do persoal de Correos no Estatuto Básico do Empregado Público
  • Seguemos gañando o cobro da nocturnidade
  • Incremento da precariedade na CTA

Quen desexe ler o boletín pode abrilo ou descargalo picando na ligazón de embaixo.

Sección Sindical de CGT en Correos da Coruña

 

post

O Buzón Rebelde de Correos da Coruña

Acaba de saír publicado o boletín da CGT de Correos da Coruña cun contido de actualidade:

  • Outro exame, outro nadal, e todo -covid á parte- segue igual
  • Folga de sábados
  • Consolidación insuficiente
  • Remate do acordo plurianual
  • Automatización = explotación
  • Correos Exprés con condicións penosas
  • Loitas e mobilizacións
  • Motos eléctricas, Covid na Coruña… e moito máis

Quen estea interesado pode descargar ou ler o boletín picando nas ligazóns de embaixo.

Sección Sindical da CGT en Correos-A Coruña

 

post

Medran os casos de COVID en Correos da Coruña

Desde a CGT vemos moi preocupantemente como os casos de COVID na nosa provincia non paran de aumentar. E desde esta organización seguimos moi preocupadas pola sensación de “dallequelibras” e de “maloserá” da dirección, incumprindo os seus propios protocolos -especialmente no que se refire a distancia de seguridade-. Todo o mundo sabe que a distancia de seguridade de 1,5 metros NON se cumpre nas horas de clasificación xeral da inmensa maioría dos centros, onde a xente traballa como se nada, cóbado con cóbado, en lugares pechados e mal ventilados, a maior parte das veces coa complicidade da persoa responsable que observa sen facer nada. Todas esas persoas son hipotéticos contactos estreitos, pero Correos cruza os dedos agardando que a pura sorte, o azar -o “maloserá”- protexa a nosa saúde e a das nosas familias e fía todo erroneamente e irresponsablemente a unha única medida: a máscara, tal como se demostrou no grave caso do CTA.

Tamén nos preocupa fondamente a bochornosa falta de información que se lle está ofrecendo ao persoal. Na maioría dos centros de traballo afectados o persoal nada sabía dos positivos ou illados probables. En moitas ocasións entéranse de segundas ou cando ven o equipo a desinfectar o centro. Unha vez máis a dirección trata ao persoal como se foramos nenxs, ocultando unha información que afecta profundamente ás nosas vidas  e á nosa saúde e priorizando a producción á saúde e á seguridade. É unha vergoña e unha indignidade.

Tamén vemos retrasos inxustificados na desinfección dos centros, que moitas veces chega tarde mal e case sempre pola porte de atrás. Sobre o persoal de risco: no mes de marzo, cunha incidencia moito menor da pandemia, o persoal de risco foi enviado preventivamente a casa, ¿¿a que espera Correos para volver a levar a cabo esta medida??

Desde a CGT levamos innumerables escritos á dirección pedindo a entrega da información actualizada e completa ao persoal; propoñendo medidas como o control de temperatura no acceso; elevando 4 denuncias xa na Inspección de Traballo por incumprimento de detección de contactos estreitos e falta de distancia de seguridade…

A improvisación e a ocultación é a norma de Correos. Una ocultación e unha improvisación que están xogando coa nosa saúde de maneira grave e perigosa e esiximos á dirección de Correos que:

  • Cumpra escrupulosamente coas medidas de seguridade, especialmente a distancia interpersoal nas tarefas comúns, poñendo en marcha medidas adicionais como o control de temperatura proposto por CGT nos grandes centros.
  • Informe inmediatamente nos centros sobre calquera incidencia que poida afectar á seguridade e á saúde do persoal, incluíndo cando se íalla unha persoa por un contacto estreito.
  • Mellore a detección e sinalización de contactos estreitos nos centros, que neste momento pensamos que se está facer dunha maneira subxectiva, superficial e pouco rigorosa.
  • Mellore os prazos de desinfección dos centros.
  • Prepare inmediatamente medidas para o persoal de risco e un plan de contención ante o preocupante aumento de casos na nosa provincia, poñendo en marcha o comité COVID que xa foi esixido no mes de febreiro pola CGT.

CORREOS: XA BASTA DE XOGAR COA NOSA SAÚDE

Sección Sindical de CGT en Correos – A Coruña

 

post

Buzón Rebelde 32

Publicouse o ógano de difusión da CGT da Coruña en Correos e xa vai polo número 32. Neste número o tema máis importante é o COVID-19 e a desidia de Correos para preservar a saúde dxs traballadorxs. Denúnciase o incremento de casos (13 vencellados ao CTA) e faise unha exposición pormenorizada da situación. Explícase que a máscara por si soa non é suficiente e dase conta do malestar na UR3 con folga incluída. Infórmase dos recortes enRibeira e Oleiros e se reclama respeito e a fin dos malos modos por parte das xefaturas de equipo. Denúnciase o cinismo da empresa con respecto ás distanzas de seguridade e faixe un chamamento á participación activa na prevención nos postos de traballo.

Un número moi interesante que se pode ler ou descargar picando nas ligazóns de embaixo.

Sección Sindical de CGT en Correos – A Coruña