O sindicato aprobou no seu Congreso Confederal que se celebra na Coruña non participar nos cursos de formación subvencionados, fronte ao modelo ‘burocratizado’ de CC OO e UGT

O próximo 24 de outubro, a Confederación Xeral do Traballo (CGT) sairá á rúa contra a reforma das pensións e pola defensa de pensións dignas e suficientes para todos/ás, nunha xornada de loita en todo o estado español. O mesmo día en que secundará a Folga Xeral convocada en todo o sector educativo, contra a LOMCE. Este mes de outubro, a CGT irá á folga ademais no ferrocarril, contra a división de Renfe e Adif, os días 28, 29, 30 e 31.

Trátase dunha serie de mobilizacións nas que o sindicato participa xunto a outras organizacións sindicais e sociais coas que comparte obxectivos fronte á agresión das políticas do Goberno e da Troika. Precisamente, a confluencia con estas organizacións afíns, tanto a nivel nacional como internacional, é un dos puntos que se debaten nesta segunda xornada congresual, onde se acordou rexeitar as subvencións por parte de organismos públicos nos cursos de formación. A CGT desmárcase así do modelo burocratizado dos sindicatos CC OO e UGT, na actualidade implicados en casos de corrupción, como os EREs en Andalucía. A xuíza Alaya admitiu finalmente a personación particular do CGT neste caso, que tamén compareceu no caso Bárcenas.

Neste XVII Congreso participaron uns/ás 450 delegados/ás da CGT de todo o territorio, que conta con máis de 80.000 afiliados/ás e uns cinco mil delegados/ás en todo o estado. O sábado seguiron debaténdose as liñas de acción sindical e social dos próximos catro anos. CGT convocou a mais de medio milleiro de persoas nunha Manifestación na Coruña baixo o lema ‘Construíndo a autoxestión’, como alternativa ás continuas agresións do capital. A marcha saiu ás 20 horas dende a praza de María Pita e rematou na de Pontevedra. Hoxe domingo, na clausura, elixiuse o novo secretario xeral, cargo para o que se presentou unha soa candidatura, a do representante sindical do sector ferroviario José Manuel Muñoz Poliz.

A CGT segue de denunciar o continuo desmantelamento de Correos na Coruña: logo de ter quitado 9 seccións de reparto na zona de Os Mallos, Pocomaco, Mesoiro, Elviña, etc, Correos vai a reducir directamente o servizo postal no Centro da cidade.

Para elo, e como preámbulo, ten reducido a unha soa persoa el grupo de traballadores e traballadorqas que viñan facendo o servizo de levarles aos carteiros do centro os paquetes de cartas a isos buzóns verdes que todos coñecemos como "de uso exclusivo del cartero", chamados "os ruteros". Este traballador ten agora que atender e levar esos paquetes a nada menos que a cinco distritos coruñeses, que atenden mais de 40 carteros. Isto é imposible de levar a cabo (agás no caso de que Correos o faga por via aérea, en helicóptero)

Esta medida, está a ocasionar que estos depósitos de correspondencia sexan imposibles de atender en tempo e hora; provocando que parte dos carteiros para paliar ese retraso e gañar tempo, teñan que llevar nos seus carritos unha grande parte deses envíos, ante a presión e "sutilezas" dos seus xefes. Read More