Nota de prensa da CGT de Galicia

autor: Categoría: Galicia, Orgánica, Social

Ante as noticias aparecidas o día de hoxe en diversos medios de comunicación que informan da presentación, como candidato a la alcaldía de Vigo, de Miguel Ángel Cabaco, secretario de Acción Social da CGT de Vigo, a CGT de Galicia manifesta o seguinte:
a) A CGT non avala nin apoia ningunha candidatura electoral.
b) Os Estatutos de la CGT prohiben expresamente a utilización das siglas do sindicato na promoción de ningunha candidatura política e establecen os mecanismos de incompatibilidade entre os cargos sindicais e os membros de candidaturas e organizacións políticas.
c) A CGT tomará as medidas necesarias para facer que se cumpran os Estatutos da organización de forma inmediata.

A Coruña, 11 de marzo de 2015

 

Manifestacións nas principais cidades galegas en apoio ás Marchas da Dignidade

autor: Categoría: A Coruña, Compostela, Convocatorias, Ferrol, Galicia, Lugo, Ourense, Pontevedra, Social, Vigo

A Plataforma Galega polas Marchas da Dignidade, na que se integra a CGT de Galicia, ten convocado para o vindeiro 25 de febreiro, mércores, manifestacións nas principais cidades galegas para chamar á toda a poboación a apoiar e participar nas Marchas que o 21 de marzo confluirán na cidade de Madrid para reclamar pan, traballo e teito.

  • cartel-21mEn Ferrol, a manifestación partirá do Monumento ao 10 de Marzo, ás 18:30 horas.
  • Na Coruña, saída da manifestación dende a Praza de Portugal, ás 20 horas.
  • En Lugo, a manifestación sairá ás 20 horas dende a explanada do Edificio Multiusos da Xunta.
  • En Compostela, tamén ás 20 horas, sairá a manifestación dende a Porta do Camiño.
  • En Ourense, o punto de partida será o Parque de San Lázaro, ás 20 horas.
  • En Pontevedra, dende A Pasarela (rúa 12 de novembro) sairá a manifestación ás 20 horas.
  • En Vigo, ás 20 horas dará comezo a manifestación dende a praza de Fernando o Católico.

Read More

 

Manifestacións das Marchas da Dignidade o 6 de novembro nas principais cidades galegas.

autor: Categoría: Galicia, Social

m_dignidade_finalA Plataforma Galegas das Marchas da Dignidade, na que se integra dende o seu inicio a CGT de Galicia, ten convocado Manifestacións baixo o lema «Pan, Traballo e Teito – Camiñando cara o 29N» para o vindeiro xoves 6 de novembro. Estas manifestacións serán o limiar da grande mobilización da Marcha a Compostela que terá lugar o 29 de novembro para «ocupar» a praza do Obradoiro.

Os horarios e puntos de partida das manifestacións son os seguintes:

  • A Coruña. Saída dende a praza de Portugal, ás 20 horas.
  • Ferrol. Saída dende o Monumento do 10 de marzo, ás 18:30 horas.
  • Compostela. Saida dende a Porta do Camiño, ás 20 horas.
  • Pontevedra. Saída dende a Pasarela (Xosé Adrio – 12 Novembro), ás 19:30.
  • Lugo. Saída dende a Ronda da Muralla (Edif.Xunta), ás 20 horas.
  • Ourense. Saída do Pavillón de Deportes, ás 20 horas.
  • Vigo. Saída da praza de Fernando o Católico, ás 20 horas.

 

 

 

Continúan as mobilizacións e o acampamento pola Dignidade en Vigo

autor: Categoría: Social, Vigo

Campamento DignidadA Plataforma de Movementos Sociais de Vigo, na que participa a CGT de Vigo, levantou un acampamento chamado da Dignidade ao término dunha manifestación celebrada o pasado sábado 27 de setembro. Este acampamento estaba ubicado diante da sé da Xunta de Galicia nos xardíns de Montero Ríos, e foi desaloxado catro días despois pola policía, con 40 antidisturbios, nocturnidade e alevosía, ás 5,30 horas da madrugada. Dende o día 13 ata a actualidade, o acampamento está instalado no Monte do Castro de Vigo, xusto ao pé da Cruz dos Caídos levantada polo réxime franquista.As circunstancias nas que permanecen os acampados e acampadas logo de tantos días non é cómoda, recibindo de forma constante, ata tres ou catro veces ao día, a visita da policía.

O pasado xoves, se ten realizado unha concentración no mesmo lugar do acampamento convocada por todos os colectivos e organizacións da Plataforma. A concentración comezou ás 19.30 horas e moitos dos asistentes portaban antorchas de parafina e velas. Os asistentes constituíronse en asembleia aberta tratando de comunicar os motivos que teñen levado a erguer o acampamento e a plantexar as reivindicacións dos excluidos e excluidas.

Ver video: Concentración en Campamento Dignidad Vigo 30/10/2014

 

Read More

 

Marcha da dignidade. Manifestación en Pontevedra 6 Novembro

autor: Categoría: Pontevedra, Sindical, Social

1799958_762150947155994_4022516980437615564_oO vindeiro 6 de novembro, xoves, están convocadas manifestacións nas principales ciudades galegas baixo o lema "Pan, Traballo e Teito" que serán o limiar da grande movilización prevista para o 29 de novembro en Compostela, co obxectivo de "tomar" a praza do Obradoiro.
As manifestacións están convocadas pola Plataforma Galega das Marchas da Dignidade da que fai parte dende o seu inicio a CGT de Galicia.
Na cidade de Pontevedra, a manifestación partirá ás 19,30h da Pasarela (Xosé Adrio – 12 Novembro) para rematar na Praza da Peregrina logo de percorrer rúas principais da cidade.

 

«Pan, traballo e teito», Manifestación na Coruña o 6 de novembro.

autor: Categoría: A Coruña, Social

coruna_2O vindeiro 6 de novembro, xoves, están convocadas Manifestacións nas principales ciudades galegas baixo o lema "Pan, Traballo e Teito" que serán o limiar da grande movilización prevista para o 29 de novembro en Compostela, co obxectivo de "tomar" a praza do Obradoiro.
As manifestacións están convocadas pola Plataforma Galega das Marchas da Dignidade da que fai parte dende o seu inicio a CGT de Galicia.
Na cidade da Coruña, a manifestación partirá ás 20 horas da Praza de Portugal, para rematar no Obelisco, logo de percorrer as rúas máis céntricas da cidade.

 

A CGT de Vigo apoia as mobilizacións dos movementos sociais contra os recortes nas axudas sociais

autor: Categoría: Social, Vigo

Flyer 99x210mm Concentración 18 Oct-01A CGT de Vigo apoia as mobilizacións convocadas pola plataforma de movementos sociais da cidade. Ademais da acampada que continúa no Monte do Castro, mañá, sábado 18 de outubro,  a partir de las 11 horas, está convocada unha concentración diante do edificio da Xunta na praza da Estrela.

Con esta concentración se quere denunciar e reivindicar que se dedique máis fondos ás axudas sociais: Risga, axudas de emerxencia municipal, vivendas sociais, reapertura do local do programa Sereos, contratación de máis traballadores e traballadoras sociais, …

No transcurso da concentración está previsto o reparto de preto de 10.000 panfletos, moitos deles en inglés, entre a poboación da cidade e os case 15.000 turistas que chegarán a Vigo en tres barcos.

F.L. de CGT de Vigo

 

Crónica da concentración contra a represión

autor: Categoría: A Coruña, Sindical, Social

Hoxe a CGT da Coruña fixo unha concentración diante da Delegación do Goberno para denunciar a represión sindical e social que se está a producir en todo o territorio español. A partir das 13:00 horas, unhas 30 persoas xuntáronse para protestar cunha pancarta alusiva. A continuación, entregaron un escrito da Delegación que dicía o seguinte:

Sr. Delegado do Goberno en Galicia
A Coruña

Queremos trasladarlle e, a través de vostede, ao Goberno que representa, o noso máis absoluto rexeitamento e indignación polas súas políticas de permanentes recortes de dereitos e liberdades á cidadanía, que están a empobrecer de xeito dramático á maioría da sociedade, xerando situacións de extrema necesidade que non estamos dispostos a consentir.

O incremento da represión policial e xudicial que están vostedes levando a cabo contra as persoas máis coherentes e activas da clase traballadora e dos movementos sociais, supón que no 2014 haxa máis de corenta procesos penais abertos contra manifestantes e folguistas, aos que se lles pide dende as fiscalías máis de cento corenta anos de cárcere e infinidade de multas económicas inasumibles, todo iso sen probar a súa implicación nin culpabilidade. Read More

 

Concentración contra a represión sindical e social

autor: Categoría: A Coruña, Convocatorias, Sindical, Social

A CGT da Coruña convoca para o próximo martes, día 30 de setembro, ás 13:00 horas, unha concentración diante da Delegación do Goberno da Coruña (Praza de Ourense) unha concentración de protesta encontra da política de represión que o goberno está a levar a cabo con aqueles que protestan, criminalizando a disidencia e intentando amedrentar á poboación.

Nos últimos dous anos, se ven producindo a persecución de persoas que se mobilizan en contra deste sistema inxusto e desapiadado, por facer piquetes, por opoñerse a desafiuzamentos, por resistirse á arbitrariedade policial, por manifestarse contra as chamadas autoridades, etc. así, agora mesmo hai varios centos de persoas procesadas. No caso concreto da CGT, hai 52 persoas reprimidos en varios graos (peticións de prisión de ata 7 anos para algúns, de 2 e 3 anos para outros e multas de diversas contías para o resto). Para este sindicato, esta situación non se pode consentir e hai que denunciar a situación e opoñerse a ela, mostrando a solidariedade cos afectados e reclamando o desestimento da fiscalía deste sumarios e a paralisación destas políticas.

Comité Local da CGT da Coruña

 

Concentración en defensa do ferrocarril público e social na Coruña

autor: Categoría: A Coruña, Sindical, Social

cgt_ferrocarrilOs traballadores e traballadoras ferroviarias das empresas ADIF e RENFE están chamados a secundar Folga os vindeiros días 31 de xullo e 1 de agosto. En coincidencia con esas datas, a CGT da Coruña convoca unha Concentración contra a privatización do ferrocarril, contra a venda do público e por un ferrocarril público e social. Terá lugar o xoves 31 de xullo na estación de tren da Coruña, ás 11 horas.