post

RENFE e ADIF planean o peche da venda de billetes en 7 cidades galegas

autor: Categoría: actualidad, Galicia, Sindical, Social

RENFE e ADIF planean o peche da venda de billetes en 7 cidades galegas

Cando o Sector Ferroviario de CGT-Galiza, tivo coñecemento das intencións das empresas RENFE-Viaxeiros e ADIF de deixar de dar servizo de venda de billetes nas estacións galegas onde esta función está sendo feita por persoal de Circulación (Guillarei, Ribadavia, Sarria, O Carballiño, A Rúa e O Barco), puxemos en marcha unha campaña de denuncia ante os medios de comunicación, Concellos, veciños, Grupos políticos e Xunta de Galiza, informando das intencións empresariais e requirindo  dos veciños e de todas as institucións a defensa dos servizos de venda de billetes nestas estacións ferroviarias intermedias.

Esta campaña está a dar os seus primeiros resultados e Concellos como o de A Rúa e Sarria xa comezaron a mobilizarse contra os recortes dos servizos ferroviarios, concentrándose os veciños destas vilas e facendo unha viaxe reivindicativa dende A Rúa ata O Barco, onde participaron preto de 500 veciñ@s. https://goo.gl/ZjTNj6. Read More

 

post

Segunda Marcha Laranxa de Unipost. Imos a Pontevedra

autor: Categoría: A Coruña, Compostela, Convocatorias, Galicia, Ourense, Pontevedra, Sindical, Vigo

Segunda Marcha Laranxa de Unipost. Imos a Pontevedra

Venres 3 de Febreiro, ás 19:30, celebrarase a segunda marcha laranxa en Galicia, concretamente na cidade de Pontevedra ( saída do hospital provincial na rúa Loureiro Crespo n.º2).

Aínda que a través da vía xurídica CGT estea a denunciar a falta de pagamentos e inxustizas aos que nos vemos sometidos os traballadores de Unipost, cremos imprescindible seguir facendo público o conflito continuando coas mobilizacións e concentracións e así facer un chamamento á solidariedade do pobo traballador e demostrar á dirección de Unipost que este persoal non é submiso nin pasivo.

O obxectivo é loitar a través da acción sindical e unión dos seus traballadores contra as devanditas inxustizas, polo que desde CGT chamamos á asistencia á marcha de todo o persoal de Unipost Galicia.

Non é momento de escusarse nin acomodarse, é o momento de loitar por un emprego digno tanto para nós como para o dos nosos fillos.

A unión dos traballadores pode facer posible que esta situación se reverta, polo que se pide a todos que acudades o venres día 3 de febreiro a Pontevedra a loitar polos nosos dereitos.

Saúde

CGT Unipost Galicia

 

 

post

Máis de cen mil traballadores en todo o Estado, convocados á folga do Telemárquetin este xoves 26 de xaneiro

autor: Categoría: actualidad, Galicia, Sindical

Máis de cen mil traballadores en todo o Estado, convocados á folga do Telemárquetin este xoves 26 de xaneiro

A Confederación Xeral do Traballo (CXT) informa de que  este xoves 26 de xaneiro haberá unha nova folga sectorial do Telemárquetin en todo o Estado.

Tras máis de dous anos de negociación do novo convenio colectivo a patronal do sector segue mantendo a súa proposta de convenio continuista que pretende perpetuar condicións precarias para os teleoperadores.

Debido a esta folga, veranse bloqueados todos os servizos de atención ao cliente do Ibex 35, é dicir, as grandes empresas bancarias, enerxéticas, de telecomunicacións e mesmo administracións públicas de todo o Estado, xa que este sector é crucial para a prestación de servizos de atención á cidadanía e ao consumidor.

Nas principais cidades do Estado haberá actos públicos de protesta, onde se concentrarán os traballadores en folga. En Galicia:

  • Na Coruña: concentración fronte á tenda de Movistar, Praza de Pontevedra, ás 12: 00 horas.
  • En Vigo: manifestación ás 11:00 horas desde a Praza de España.
  • En Lugo: concentración ás 12:00 ante a empresa de telemárquetin Abante.

Sector do Telemárquetin

 

A CGT de Galicia chama a apoiar a Marcha da Dignidade a Lugo

autor: Categoría: Galicia, Lugo, Social

A CGTcartaz 28M definitivo_redes de Galicia convoca a toda a súa afiliación, simpatizantes e pobo en xeral a que participe na manifestación que as Marchas da Dignidade que terá lugar o sábado, día 28 de maio, en Lugo.

A manifestación, que comezará ás 12:00 horas na Praza da Constitución, é un novo berro contra o capitalismo e os lacaios do capital, os gobernos, que están impoñendo este sistema de inxustiza e explotación á maioría da sociedade.

Este sábado levantaremos unha Muralla de Dignidade contra todos aqueles que oprimen e asoballan ao pobo.

PAN, TRABALLO, TEITO E DIGNIDADE

Secretariado Permanente da CGT de Galicia

 

Manifestacións das Marchas da Dignidade o 8 de outubro.

autor: Categoría: A Coruña, Compostela, Convocatorias, Ferrol, Galicia, Lugo, Ourense, Pontevedra, Social, Vigo

dignidadeA Plataforma Galega das Marchas da Dignidade, da que fai parte a CGT de Galicia, ten convocado manifestacións nas principais cidades galegas, preparatorias da mobilización do vindeiro 24 en Compostela.

As manifestacións partirán dos seguintes puntos ás 20 horas, agás en Ferrol que o fará ás 18:30 horas:

  • Vigo: Praza de Fernando o Católico.
  • A Coruña: Praza de Portugal
  • Compostela: Porta do Camiño
  • Ourense: Subdelegación do Goberno
  • Lugo: Ronda da Muralla (Edificio Xunta)
  • Pontevedra: Praza da Peregrina.
  • Ferrol: Praza de Amada García.

 

Posición da CGT de Galicia na Asemblea das Marchas da Dignidade

autor: Categoría: Galicia, Social

O pasado sábado, día 19, tivo lugar na Coruña a II Asemblea Galega das Marchas da Dignidade. Nela interviron as plataformas comarcais e público en xeral, facendo as organizacións unha pequena intervención de dous minutos. O representante da CGT fixo a seguinte intervención:

A Confederación Xeral do Traballo, CGT de Galicia, comparte con esta Asamblea a necesidade de impulsar a organización das comarcas e plataformaslocais e reforzar a súa capacidade de decisión, respetando as súas iniciativas.
En segundo lugar, a función das Marchas da Dignidade é a movilización social permanente e non a intervención ou participación institucional, directa ou indirecta.
Terceiro: "Pan, Traballo, Teito e Dignidade" é un lema que une a centos de organizacións e a millóns de persoas en todo o Estado. Entendemos que este lema sintetiza ben o que somos, o que queremos ser, e a nosa vontade reivindicativa e de loita. Non é doado cambiar este lema dun día para outro. Por outra banda, non se poden confundir os lemas coas reivindicacións, que sí están ben expresas no manifesto unitario.

En cuarto lugar, a CGT considera necesario manter o calendario de movilizacións previsto en Galicia para este mes de outubro: manifestacións nas sete cidades galegas e, finalmente, todos xuntos a Compostela.

Secretariado Permanente da CGT de Galicia

 

Acto de despedida da compañeira Teresa

autor: Categoría: Galicia, Orgánica

TeresaA compañeira Teresa Vázquez Arias, militante senlleira do anarcosindicalismo, que fora Secretaria Xeral da CGT de Galicia, finou hoxe en Ourense.

Os compañeiros faremos un acto de despedida mañá, 2 de setembro, ás 18:00 horas, no Tanatorio das Burgas – 2, sito no polígono de Barreiros (Ourense).

Os que tivemos a sorte e honra de compartir a militancia e as loitas con Teresa, queremos facer chegar aos seus compañeiros, amigos e familiares o noso apoio nestes momentos de tristura.

Comité Confederal de Galicia da CGT

 

Nota de prensa da CGT de Galicia

autor: Categoría: Galicia, Orgánica, Social

Ante as noticias aparecidas o día de hoxe en diversos medios de comunicación que informan da presentación, como candidato a la alcaldía de Vigo, de Miguel Ángel Cabaco, secretario de Acción Social da CGT de Vigo, a CGT de Galicia manifesta o seguinte:
a) A CGT non avala nin apoia ningunha candidatura electoral.
b) Os Estatutos de la CGT prohiben expresamente a utilización das siglas do sindicato na promoción de ningunha candidatura política e establecen os mecanismos de incompatibilidade entre os cargos sindicais e os membros de candidaturas e organizacións políticas.
c) A CGT tomará as medidas necesarias para facer que se cumpran os Estatutos da organización de forma inmediata.

A Coruña, 11 de marzo de 2015

 

Resultados en Galicia das eleccións sindicais en RENFE e ADIF: A CGT pasa de 6 a 8 delegados, con presencia en todas as provincias galegas

autor: Categoría: A Coruña, Galicia, Lugo, Ourense, Pontevedra, Sindical

O día 3 de marzo celebráronse unhas novas eleccións sindicales en Adif e Renfe Operadora. Os compañeiros e compañeiras do Sector Ferroviario da CGT de Galicia renovaron o apoio dos traballadores e traballadoras ferroviarias á labor sindical combativa, de clase, e de firme defensa dun ferrocarril público e social que veñen desenvolvendo dende xa hai anos. cgt ferroviarios

Logo deste proceso electoral, a CGT contará con representación nos catro comités provinciais e contará con 8 delegados e delegadas (fronte aos 6 delegados/as cos que contaba ata o de agora), que se reparten como segue:

Na Coruña, a CGT terá un delegado en Renfe e outro en ADIF, o mesmo resultado que na provincia de Pontevedra. En Ourense, haberá dous delegados da CGT por ADIF e un por Renfe, mentres que en Lugo, haberá un delegado da CGT por ADIF.

A nivel de todo o estado, a CGT aumenta os votos pasando dun 12,5% a un 15,5%, converténdose na terceira forza sindical en Adif. En Renfe, a CGT mantén a súa representatividade, constituíndo a única alternativa real aos sindicatos institucionalizados e corporativos.

A CGT tendrá 2 representantes no Comité Xeral (CG) de ADIF e 2 representantes no Comité Xeral de Empresa (CGE) de Renfe Operadora.

Mais info: Páxina de Facebook do Sector Ferroviario da CGT de Galicia. (https://www.facebook.com/sectorferroviario.cgtgaliza )

 

Mobilizacións contra os despedimentos no Hospital POVISA de Vigo.

autor: Categoría: Convocatorias, Galicia, Sindical, Vigo

Os compañeiros e compañeiras da CGT no Hospital POVISA de Vigo continúan as mobilizacións contra os despedimentos. Estas mobilizacións foron acordadas pola maioría do comité de empresa e polas seccións sindicais de CGT, CIG, SGPS, CCOO e UGT.povisa2

Dende o pasado luns 2 de marzo, se están a realizar concentracións fronte á entrada de Urxencias. O vindeiro venres, 6 de marzo está prevista unha concentración fronte ao edificio da Xunta de Galicia e a partir das 20 horas unha manifestación unitaria das organizacións sindicais CGT, CIG, SGPS, CCOO y UGT en contra dos despedimentos. O percorrido da manifestación será dende a Praza dos Cabalos ata a Porta do Sol.

Mais info: Blog da Sección Sindical da CGT no Hospital Povisa de Vigo (http://cgthospitalpovisa.blogspot.com.es/ )