BBVA procedeu a despedir, sen apertura de Expediente Disciplinario previo, e por tanto en clara situación de indefensión, a 14 persoas á vez, baixo a acusación de «ruptura da boa fe contractual, por baixa produtividade». Maioritariamente ocupaban postos comerciais, aínda que tamén hai algún GAC, todos na Rede de Oficinas. O perfil dos 14 é «falta de ambición profesional», en palabras do Banco.
Que se despediu a 2 persoas por Territorial, coa excepción de 3 na Centro e 1 en Canarias, xa dá unha idea clara de que esta medida non ten nada que ver coa obxectividade nin coas persoas afectadas. Estamos ante unha agresión directa contra o emprego do conxunto do persoal. Buscan preparar o terreo e amedrentar ao conxunto de traballadores e traballadoras do BBVA. A orixe desta forma de actuar é consecuencia da mediocridade e incapacidade dos directivos do banco. Lonxe de asustarnos, só cabe responder coa contundencia que o momento require.
Todos os Sindicatos presentes na Empresa convocan a unha concentración ás portas de BBVA de 11:00 a 12:00 horas, (usa os teus 20 minutos de descanso e acompáñanos) o vindeiro luns 27 de Xuño en todo o Estado. En Galicia, na sede da Dirección Territorial do Noroeste, no Cantón Pequeno, 18-21 da Coruña.
SÓ HAI UNHA ACCIÓN POSITIVA QUE REALIZAR: PARTICIPAR E SUMAR CAPACIDADE COLECTIVA DE RESPOSTA. PORQUE MAà‘Á PÓDECHE TOCAR A TI.
Convocantes: CC.OO. – UXT – CGT – ACB – CIG – ELA – LAB – SCAT – CSC – SEC
A empresa de telemarketing Atento continúa a súa guerra sucia contra os dereitos e a dignidade dos traballadores e traballadoras. Queren que queden sentados e calados nos seus postos de traballo e non se rebelen ante as súas cada vez meirandes atropelos. O último, as salvaxes sancións (inxustificadas e inxustas) de suspensión de emprego e soldo de 60 días a tres compañeiros e compañeiras do servizo CAT ADSL: Juan, Rubén, e Montse (que ademais ocupa a responsabilidade da secretaría da CGT en Atento a nivel estatal), ademais de outra sanción de 4 días a Sabela. Se non abondaba con non ter tempo nin para beber, coas presións para vender ou para non rexistrar avarias, cos seguimentos, as gravacións e escoitas abusivas, coas constantes ameazas e faltas de respecto, Atento da un paso mais e agora, só por atacar a quen planta cara, deixa sen cobrar durante dous meses a tres compañeiros, porque din que no mes de maio fáltalles tempo de conexión no terminal telefónico AVAYA.
A CGT chama a participar activamente o vindeiro domingo 19 de xuño nunha nova edición da Marea Branca en defensa dunha sanidade pública, universal, gratuita no momento da prestación e de calidade , convocada pola Coordinadora Antiprivatización da Sanidade Pública.
Os traballadores e traballadoras de Atento continúan os paros dunha hora por quenda un día á semana, en protesta polas condicións de explotación ás que a empresa someteos na atención a clientes de Movistar: presión excesiva na consecución de ventas, ainda que os clientes chamen para por reclamacións ou facer consultas; ordes de non tomar nota de averías nos servizos de atención técnica, de tal xeito que os fallos non poden ser resoltos; limitación de atención de chamadas a un tempo determinado, coa conseguinte insatisfacción dos clientes… todo isto súmase ás xa habituais condicións polas que levan anos movilizándose: acoso no traballo, sancións, cambios constantes de horarios e de departamentos, exhaustivo control do traballo, grabacións constantes das chamadas atendidas… O vindeiro luns, 6 de xuño, terán lugar concentracións durante os paros, diante do centro de traballo na rúa de Juan Flórez, ás 12 e ás 19 horas.
Como todos os anos, a CGT celebrará unha ofrenda floral no monolito que as sociedades obreiras, por suscrición popular, erixiron o ano 1906 no cemiterio de San Amaro en memoria das vítimas da folga xeral que tivo lugar na Coruña os días 30 e 31 de maio de 1901. O acto terá lugar o próximo domingo, día 5 de xuño, ás 12:30 horas.
de Galicia convoca a toda a súa afiliación, simpatizantes e pobo en xeral a que participe na manifestación que as Marchas da Dignidade que terá lugar o sábado, día 28 de maio, en Lugo.