Cabeceira da mani
Ás doce e cuarto do mediodía tivo lugar a saída da cabeceira da manifestación do 1º de maio da CGT co lema «Cada despido é unha agresión. Ningunha agresión sen resposta«. Máis dun cento de manifestantes participaron no acto, reclamando insistentemente a urxente necesidade dunha Folga Xeral e sinalando a organización e loita da clase obreira como o camiño para enfrentarse ao capital, aos ERES e aos despedimentos. Á manifestación sumouse un grupo de traballadores da CUT, que participaron das reivindicacións plantexadas.
A manifestación rematou na Praza do Humor, onde se deu lectura ao manifesto da CGT da Coruña e se cantou «A las barricadas».
O próximo martes 27, ás 19 horas, terá lugar na Coruña unha concentración diante da empresa BNB Espacio Vital, situada na praza de Lugo número 4.