post

RENFE e ADIF planean o peche da venda de billetes en 7 cidades galegas

autor: Categoría: actualidad, Galicia, Sindical, Social

RENFE e ADIF planean o peche da venda de billetes en 7 cidades galegas

Cando o Sector Ferroviario de CGT-Galiza, tivo coñecemento das intencións das empresas RENFE-Viaxeiros e ADIF de deixar de dar servizo de venda de billetes nas estacións galegas onde esta función está sendo feita por persoal de Circulación (Guillarei, Ribadavia, Sarria, O Carballiño, A Rúa e O Barco), puxemos en marcha unha campaña de denuncia ante os medios de comunicación, Concellos, veciños, Grupos políticos e Xunta de Galiza, informando das intencións empresariais e requirindo  dos veciños e de todas as institucións a defensa dos servizos de venda de billetes nestas estacións ferroviarias intermedias.

Esta campaña está a dar os seus primeiros resultados e Concellos como o de A Rúa e Sarria xa comezaron a mobilizarse contra os recortes dos servizos ferroviarios, concentrándose os veciños destas vilas e facendo unha viaxe reivindicativa dende A Rúa ata O Barco, onde participaron preto de 500 veciñ@s. https://goo.gl/ZjTNj6. Read More

 

post

25feb*A Coruña sumate as columnas das Marchas da Dignidade

autor: Categoría: actualidad, Convocatorias, Social, Vigo

Reserva xa a túa praza no bús (billete entre 3 o 4€) á Coruña e sumate a unha columna das Marchas da Dignidade.

COLUMNA "A": Ás 12:00 h saldrá da Estación Ferroviaria de Ronda de Outeiro, marchando por Capitán Juan Varela, Monforte, Fernando Rey, Juan Flórez, Marcial de Adalid, Federico Tapia a Praza de Ourense, donde confluirá coa columna B.

COLUMNA "B":  Ás 12:00 h saldrá do Campo de la Leña, irá por Panaderas Cordonería, S. Andrés, Praza de Pontevedra, Teresa Herrera, Praza de Lugo, Padre Feijoo e Praza de Ourense.

Na Praza de Ourense uniránse as duas columnas formando una soa que marchará ata os Xardíns de Méndez Núñez.

#PanTraballoeTeito

 

 

post

Pola recuperación do Parrote e da Maestranza

autor: Categoría: A Coruña, actualidad, Social

A CGT da Coruña manifesta o seu rexeitamento ao proceso especulativo que se está a levar a cabo polo Estado cos terreos do Hotel Finisterre e da Solana, da Coruña, así como cos terreos da Maestranza.

Estes terreos son do pobo da Coruña e deben revertir a éste e non server para fins distintos que aqueles polo que se produciron as cesións no seu momento.

A CGT da Coruña apoia as reivindicacións da Comisión Aberta en Defensa do Común, e anima aos seus afiliados e simpatizantes, así como á veciñanza da Coruña, a participar nas mobilizacións que teñan como obxectivo a recuperación do que é de tod@s.

Comité Local da CGT da Coruña

 

 

 

 

O Santander castiga a quen concilia. Nova concentración en solidariedade con Carlos

autor: Categoría: A Coruña, Convocatorias, Sindical, Social

concentracionsantanderA CGT da Coruña convoca unha nova concentración o próximo venres, 2 de decembro, ás 13:00 horas, diante da Dirección Territorial de Galicia do Banco Santander, sita no Cantón Grande da Coruña, na zona do Obelisco.

Carlos, que ten xornada reducida porque ten que coidar da súa filla pequena, foi trasladado forzosamente a 120 quilómetros da súa casa, nunha decisión repugnante do Banco Santander, que o único que quere es desfacerse dun traballador incómodo.

Despóis de meses de loita o xuízo foi fixado para o día 12 de decembro, luns, sen que a empresa amosara ningunha intención de recuar na súa inicua decisión.

BASTA XA DE ACOSO NO BANCO SANTANDER!

SE TOCAN A UN, TOCAN A TOD@S!

Comité Local da CGT da Coruña

 

Todos somos Emilio Cao. Ao Carballiño o día 03 de decembro

autor: Categoría: A Coruña, Convocatorias, Social

cartel-emilio-caoO día 22 de marzo de 2014, Emilio Cao Mota, un rapaz do Carballiño, acudiu á manifestación convocada polas Marchas da Dignidade en Madrid.

A pesar de que a manifestación foi pacífica, os antidisturbos interviron, golpearon, detiveron indiscriminadamente e provocaron unha situación de violencia que só se pode explicar desde a intención do goberno de criminalizar a protesta. Emilio foi detido, como outros miles de persoas que está sendo reprimidas polo Estado nestes últimos anos. No seu caso, a fiscalía pide a disparatada pena de cinco anos e oito meses de prisión por uns delitos que non cometeu.

Por Emilio, e por tantos máis sometidos a a represión e inxustiza, as Marchas da Dignidade de Galicia convoca a todos a acudir á manifestación que se celebrará no Carballiño o sábado, 3 de decembro, para reclamar que non se cometa semellante atrocidade. A CGT da Coruña apoia esta manifestación e convoca aos seus afiliados e simpatizantes para que participen.

PAN TRABALLO, TEITO E DIGNIDADE!

TOD@S Á RÚA FRONTE Á REPRESIÓN!

EU TAMÉN SON EMILIO CAO! 

Comité Local da Coruña da CGT

 

Concentración contra os desafiuzamentos na Audiencia Provincial

autor: Categoría: A Coruña, Convocatorias, Social

stop-desafiuzamentosA CGT acordou apoiar e difundir a concentración que o venres, día 18, ás 12:00 horas, convoca Stop Desafiuzamentos da Coruña diante da Audiencia Provincial, para denunciar a actitudes dos xuíces da provincia que, sen atender ás sentenzas do Tribunal de Xustiza Europeo, seguen aplicando a lexislación española, moito máis lesiva para as persoas que teñan dificultades en pagar.

A CGT anima aos seus afiliados e simpatizantes a que acudan a esta concentración e que apoien as mobilizacións das organizacións contrarias aos desafiuzamentos das persoas.

Comité Local da CGT da Coruña