A empresa de telemarketing Atento continúa a súa guerra sucia contra os dereitos e a dignidade dos traballadores e traballadoras. Queren que queden sentados e calados nos seus postos de traballo e non se rebelen ante as súas cada vez meirandes atropelos. O último, as salvaxes sancións (inxustificadas e inxustas) de suspensión de emprego e soldo de 60 días a tres compañeiros e compañeiras do servizo CAT ADSL: Juan, Rubén, e Montse (que ademais ocupa a responsabilidade da secretaría da CGT en Atento a nivel estatal), ademais de outra sanción de 4 días a Sabela. Se non abondaba con non ter tempo nin para beber, coas presións para vender ou para non rexistrar avarias, cos seguimentos, as gravacións e escoitas abusivas, coas constantes ameazas e faltas de respecto, Atento da un paso mais e agora, só por atacar a quen planta cara, deixa sen cobrar durante dous meses a tres compañeiros, porque din que no mes de maio fáltalles tempo de conexión no terminal telefónico AVAYA.

A empresa non vai a acadar o seu obxectivo de asustarnos e agora mais que nunca, temos que facerlles fronte. Por isto, a CGT ven de convocar un Paro de 24 horas, para o día 23 de xuño, no que tamén terá lugar unha Concentración ás 12 horas, diante da tenda de Movistar na Praza de Pontevedra, 4.

Sección Sindical CGT Atento A Coruña

A CGT quere denunciar a represión sindical que este sindicato está padeiendo no centro de traballo da Coruña, materializada en sancións de 60 días de suspensión de empleo e soldoa tres afiliadas e afiliados- aducindomotivos falsos- además doutra sanción de 4 días a outra afiliada. La gravidade destas sancións é que deixan inxustamente sen cobrar durante dous meses a unstraballadores que, coas súas precarias xornadas e salarios apenas chegan a fin de mes.

Estas sancións coinciden coa continuación, por parte dá CGT, dunhas mobilizacións cuxo fin é poñer freo aos constantes abusos da empresa. Con elas Atento e Telefónica-Movistar pretenden amordazar a unhas traballadoras e traballadores que, cada vez máis cansos das súas condicións laborais, non dubidan en denunciar publicamente as presións, ameazas e acosos que viven día a día. Read More

Os traballadores e traballadoras de Atento continúan os paros dunha hora por quenda un día á semana, en protesta polas condicións de explotación ás que a empresa someteos na atención a clientes de Movistar: presión excesiva na consecución de ventas, ainda que os clientes chamen para por reclamacións ou facer consultas; ordes de non tomar nota de averías nos servizos de atención técnica, de tal xeito que os fallos non poden ser resoltos; limitación de atención de chamadas a un tempo determinado, coa conseguinte insatisfacción dos clientes… todo isto súmase ás xa habituais condicións polas que levan anos movilizándose: acoso no traballo, sancións, cambios constantes de horarios e de departamentos, exhaustivo control do traballo, grabacións constantes das chamadas atendidas… O vindeiro luns, 6 de xuño, terán lugar concentracións durante os paros, diante do centro de traballo na rúa de Juan Flórez, ás 12 e ás 19 horas.