Este xoves, día 18 de agosto, ás 20:00 horas, a CGT volve convocar unha concentración diante do centro de traballo que a empresa Atento ten na Coruña (Juan Flórez, 89).

A CGT non vai permitir que esta empresa, continúe acosando e sancionando aos traballadores por motivos falsos con ata 60 días de suspensión de emprego e soldo. O único motivo real de Atento é intentar asustar aos traballadores que non aceptan as súa política de ameazas, coaccións e persecución constante, especialmente aos representantes e afiliados da CGT. Read More

Ante a intransixente e agresiva actitude da patronal da empresa Atento, que decidiu manter as sancións de ata 60 días de suspensión de emprego e soldo a vari@s compañeir@s do centro de traballo na Coruña, a CGT decidiu que non cabe outra posibilidade que a continuidade da loita.

Por iso, a CGT convoca a toda a afiliación e simpatizantes, así como á cidadanía en xeral a apoiar a concentración quee terá lugar o próximo xoves, día 11, ás 12:00 horas diante do centro de traballo (Juan Flórez, 89). Read More

Despóis da farsa do acto de conciliación no SMAC, no que a empresa Atento propuxo «rebaixar» as sancións de 60 a 43 días (mantendo a cualificación como moi grave), @s traballador@s decidiron continuar coas mobilizacións para enfrontarse á prepotencia da empresa e contra esta represión que está a desenvolver contra @s compañeir@s que non se deixan acocotar pola patronal.

Por iso, o próximo xoves, día 4 de agosto, a CGT da Coruña volve convocar unha concentración contra as sancións diante do centro de traballo (Juan Flórez, 89), ás 20:00 horas.

Ademáis de concentracións en todos os centros de Atento do resto de España, Barcelona, Lleida, Valencia, Madrid, Sevilla, León…), @s traballador@s en loita están a recibir a solidariedade de outras cidades, que se están a concretar en concentracións diante de oficinas ou tendas de Telefónica-Movistar (Pontevedra, Vigo, Valladolid, Pamplona, Burgos, etc).

Comité Local da CGT da Coruña

O xoves, día 28, continuarán as mobilizacións dos traballadores de Atento en protesta polas salvaxes sancións impostas pola empresa.

Nesta ocasión, en coincidencia cos actos de conciliación, a concentración farase, a partir das 10:15, diante do SMAC (porta principal do mercado de Elviña). A CGT anima a que se participe solidariamente.

NINGUNHA AGRESIÓN SEN RESPOSTA!

BASTA XA DE REPRESIÓN!

Comité Local da CGT da Coruña

A CGT volve facer un chamamento a todos os traballadores e traballadoras de Atento Coruña para que acudan á concentración que terá lugar na rúa Juan Flórez (fronte ao centro de traballo), este xoves, día 21, ás 20:00 horas, para esixir a retirada das brutais sancións que a empresa impuxo a catro afiliados e afiliadas (as máis graves a suspensión de emprego e soldo de 60 días a tres deles) e o cesamento da represión que están a padecer.

Ademais, o vindeiro martes 26 de xullo, e polos mesmos motivos, realizarase unha concentración diante da sede central da empresa na rúa Santiago de Compostela 94 (Madrid) que terá lugar entre as 14:00 horas e as 15:30.

Sección Sindical da CGT en Atento-A Coruña

…para esixir a retirada das sancións de ata 60 días impostas pola empresa.

Outro xoves máis os traballadores e traballadoras de Atento en Coruña, Madrid, Sevilla, Valencia, Barcelona, Santander e Bilbao concentraranse ás portas dos seus centros de traballo para esixir a retirada inmediata das salvaxes sancións de ata 60 días que Atento impuxo a 4 traballadores e traballadoras do centro de traballo da Coruña e para dar a coñecer a grave represión que están a padecer. Esta nova concentración convocada pola CGT encádrase no calendario de mobilizacións iniciadas o 23 de xuño para esixir a retirada de todas as sancións.

En Coruña nesta ocasión a concentración terá lugar o xoves 14 de xullo ás 12:00 horas diante do centro de traballo (R/ Juan Flórez) e o seu obxectivo é denunciar publicamente este grave atropelo e esixir a inmediata retirada das mesmas.

Sección Sindical da CGT en Atento – A Coruña