Manifestacións nas principais cidades galegas en apoio ás Marchas da Dignidade

18 de febrero de 2015 autor: cgtgalicia Categoría: A Coruña, Compostela, Convocatorias, Ferrol, Galicia, Lugo, Ourense, Pontevedra, Social, Vigo

A Plataforma Galega polas Marchas da Dignidade, na que se integra a CGT de Galicia, ten convocado para o vindeiro 25 de febreiro, mércores, manifestacións nas principais cidades galegas para chamar á toda a poboación a apoiar e participar nas Marchas que o 21 de marzo confluirán na cidade de Madrid para reclamar pan, traballo e teito.

En Ferrol, a manifestación partirá do Monumento ao 10 de Marzo, ás 18:30 horas.
Na Coruña, saída da manifestación dende a Praza de Portugal, ás 20 horas.
En Lugo, a manifestación sairá ás 20 horas dende a explanada do Edificio Multiusos da Xunta.
En Compostela, tamén ás 20 horas, sairá a manifestación dende a Porta do Camiño.
En Ourense, o punto de partida será o Parque de San Lázaro, ás 20 horas.
En Pontevedra, dende A Pasarela (rúa 12 de novembro) sairá a manifestación ás 20 horas.
En Vigo, ás 20 horas dará comezo a manifestación dende a praza de Fernando o Católico.

Represión sindical en Extel na Coruña

31 de octubre de 2014 autor: cgtgalicia Categoría: A Coruña, Sindical

A compañeira Sandra, traballadora do departamento de Atención Norte da empresa do telemarketing EXTEL, afiliada á CGT e membro do Comité de Empresa ten sido fulminantemente sancionada pola empresa, con suspensión de emprego e soldo de 15 días, imputándolle unha falta moi grave dacordo co artigo 67.10 do Convenio colectivo de Contact Center ("malos tratos de palabra o de obra, falta grave de respeto y consideraciónâ€¦").

Na notificación entregada á nosa compañeira, a empresa acusalle de cometer tales feitos nunha chamada que atendeu. Unha de tantas chamadas que os traballadores e traballadoras de Extel atenden diariamente, e unha conversa que todos e todas podemos chegar a manter cun cliente (tendo en conta o enfadados e enfadadas que chaman os clientes moitas veces e a presión a os traballadores e traballadoras a fin de que corten o antes posible para non pasarse do tempo establecido), na que en ningún caso a nosa compañeira falta ao respecto ou incumple operativa algunha. É evidente que a compañeira Sandra non cometeu ningunha falta, limitouse a atender a un cliente enfadado do mellor xeito que puido. É unha sanción inxusta e agocha un intento de taparlle a boca non só á compañeira, seno a toda a CGT na empresa, cousa que en ningún caso van a acadar.

A CGT convoca folgas no ferrocarril

30 de julio de 2014 autor: cgtgalicia Categoría: Galicia, Sindical

cartel_huelgas_verano_2014 AÂ CGTÂ convoca folgas enÂ ADIFÂ eÂ RenfeÂ os días 31 de xullo e 1 de agosto ante a situación que vive o ferrocarril e en concreto

A segregación das empresas ferroviarias, ca división de RENFE e ADIF en 4 e dúas empresas respectivamente, o que aumenta a descoordinación na seguridade na circulación e unha peor atención os clientes.
Licitación do corredor de Levante para as operadoras privadas.
Á falta de cadro de persoal para prestar o servizo en condicións de seguridade e calidade. En Galiza esta falta de persoal está supoñendo que en Xuño mais de 100 trens rexionais circulasen sen revisor, que os maquinistas portugueses teñan que suplir os españois na fronteira, que os cursos de formación estanse a impartir en días de lecer dos traballadores ou que en longa distancia non podan circular trens especiais por falta de maquinistas.
Centralización das Bases de Mantemento de Infraestructura e á súa eliminación.
Mobilizade forzosa para e externalización de cargas de traballo a empresas privadas.
Falta de propostas de solución para as Terminais de contenedores e para a Canle de Venda das estacións de ADIF e que venden os billetes de RENFE.
Falta de solucións para o persoal da extinta Â FEVE Â en canto ás habilitacións, á plena integración e garantías de futuro das e os traballadores.
Novo regulamento de circulación que queren impoñer, sen atender ningunha das alegacións dos sindicatos, pretendendo minguar drasticamente os requisitos necesarios para garantir a seguridade na circulación.

Actos do Primeiro de Maio da CGT de Galicia

28 de abril de 2014 autor: cgtgalicia Categoría: A Coruña, Convocatorias, Galicia, Ourense, Pontevedra, Sindical, Vigo

A Confederación Xeral do Traballo (CGT) chama a participar o vindeiro Primeiro de Maio nos diferentes actos e mobilizacións que se teñen convocado en diferentes cidades galegas:

A Coruña:

Manifestación conxunta da CGT xunto coa CUT, o STEG, o SF e o Sindicato da Elevación. Sairá ás 12:30 horas da Praza de Pontevedra.
Xantar confederal de confraternización nos locais sindicais.

Ourense:

Manifestación do Bloque Crítico de Ourense, formado polos sindicatos CGT, CNT, CUT, SF, STEG e outros colectivos e individualidades. Con saída ás 12 horas dende a caseta de turismo da Ponte Romana, cun recorrido casco vello da cidade para finalizar nos Xardíns do P. Feijoo onde terá lugar a lectura do comunicado conxunto.
Xuntanza de confraternización en Oira con xantar, postos alternativos, actividades paralelas, â€¦

Pontevedra:

Manifestación conxunta da CGT e a CNT que sairá da Praza da Ferreiría, ás 13:00.

Vigo:

Manifestación unitaria que sairá ás 11:00 horas da Praza de Fernando o Católico (Urzaiz) e finalizará na Porta do Sol, convocada pola CGT xunto con outras organización sindiciais: CNT, CUT, Intersindical, Sindicato de Elevación, STEG, e Sindicato de Xornalistas.
Posteriormente, a partir das 14 horas, a CGT, xunto coa Oficina de Dereitos Sociais de Coia e a Rede Solidaria Popular, organizan os actos que se celebrarán na Plaza do Pobo – Cristo da Victoria de Coia: un xantar fraternal, con distintas actuacións musicais a partir das 15 horas, cos grupos Ostia Padre, Dr.Zaius, Dram, Perros Norteños e a Banda de Gaitas O Torreiro de Priegue (Nigrán), e un mitin coa intervención dun representante de cada sindicato e plataforma social presentes.

A CGT de Galicia estará en Madrid coas Marchas da Dignidade.

21 de marzo de 2014 autor: cgtgalicia Categoría: Convocatorias, Galicia

Dous centos de compañeiros e compañeiras da CGT de Galicia participarán o vindeiro sábado en Madrid na Manifestación de peche das Marchas da Dignidade 22M. Os militantes confederais, xunto con centos de persoas de diferentes colectivos, partirán na madrugada desde diferentes puntos da xeografía galega en varios trenes, autobuses, coches particulares, … para demostrar a vontade de loita da clase traballadora fronte ao «gravísimo deterioro das condicións de vida do pobo, provocado porque os poderes financieiros e os seus lacaios, os representantes políticos, están destruíndo as conquistas que tanto suor e mesmo sangue custaron«.

Milleiros de persoas encherán de dignidade e loita as rúas de Madrid nunha grande manifestación que a CGT de Galicia e mailo resto da Confederación Xeral do Traballo (CGT) ten impulsado e na que estará presente.

Mais información no blog da Plataforma Galega pola Marcha da Dignidade: Marchas da Dignidade 22M

Manifestación en Madrid contra a destrución do ferrocarril público

13 de noviembre de 2013 autor: cgtgalicia Categoría: A Coruña, Galicia, Ourense, Pontevedra, Sindical, Vigo

O sábado, 30 de novembro, a CGT e o SF convocan unha manifestación en Madrid contra a decisión do goberno de segregar RENFE e dividr ADIF, nun proceso de desmantelamento do servizo público ferroviario cara a privatización definitiva deste servizo público, que terá como consecuencia a perda das condicións de traballo e a destrución do emprego.

A CGT de Galicia está a organizar o transporte para a asistencia á manifestación. Os interesados deberán poñerse en contacto coas sedes sindicais das distintas localidades.