A CGT de Pontevedra fai un chamamento a súa afiliación e á toda a poboación pontevedresa para participar na próxima Manifestación en defensa da Sanidade Pública, que terá lugar na nosa cidade, o día 26 de marzo, ás 20:00h, dende o Hospital Provincial, e denunciar a política de privatización, recortes, desinvestimentos e despidos na sanidade.
CGT Pontevedra – Comité Local
O vindeiro venres 7 de marzo, as traballadoras e traballadores subcontratados para os distintos servizos de atención telefónica de Movistar na Coruña continuarán as mobilizacións iniciadas en xaneiro contra os despedimentos, sancións, cambios constantes de horarios, quendas e xornadas, ameazas e presións aos que están a ser sometidos nos últimos meses. No centro de Atento na Coruña, o mércores 5, dous novos traballadores foron despedidos inxustamente e de xeito miserable. Dende setembro son xa once os despedimentos; deles, dez son traballadores dos que Atento xa intentara desfacerse en abril de 2013, nun proceso de despido colectivo que logo, tras varias xornadas de mobilizacións, deixou sen efecto.
A xornada de protesta consistirá en paros dunha hora, de 12 a 13 horas e de 19 a 20 horas. Ademais dos centros de Atento e Extel en Coruña, desta vez o paro laboral faise extensivo ao ámbito estatal nestas dúas empresas subcontratadas por Movistar. Durante os paros, os traballadores e traballadoras de Atento na Coruña farán visible a súa protesta diante do centro de traballo escenificando un enterramento simbólico das constantes agresións ás que estamos sometidos por Movistar e as súas contratas. En Extel se realizarán dúas manifestacións (ás 12 e ás 19 horas) polas rúas de Matogrande, partindo da sé da empresa na Coruña. Read More
Na xuntanza dos participantes locais da Plataforma Galega de apoio ás Marchas da dignidade de Pontevedra (a Madrid, 22 de Marzo), celebrada este xoves, 27 de febreiro, no edificio sindical, acordouse continuar a organización da Marcha "Pontevedra-Madrid" e o Tren da dignidade, cos seguintes actos:
– Do 3 ó 12 de marzo, todos os días – As persoas, colectivos sociais e organizacións interesadas en participar na Marcha "Pontevedra-Madrid" e acudir a manifestación do 22 de Marzo no "Tren da dignidade", poden recoller os billetes na sede da CGT (Edificio sindical, r/ Pasantería, 1 – 3ª Planta) de 19,30h a 21:00h
– Día 7 de marzo (venres) – Roda de prensa da Plataforma Galega, baixo o lema "Pontevedra na loita da dignidade", ás 12:00h, no Edificio Sindical.
– Día 7 de marzo (venres) – Presentación da Marcha e Tren da dignidade, por todos as persoas, colectivos sociais e organizacións participantes, ás 19,30h, na Sala «Sargadelos».
– Día 13 de marzo (xoves) – Manifestación e chamamento final a participación en Madrid o 22 de marzo. A manifestación sará da Praza da Ferrería, ás 20:00h.
A CGT de Pontevedra- Arousa fai un chamamento a toda a súa afiliación e a clase traballadora en xeral para que se incorpore a estas accións contra o paro, os recortes e contra a política económica e social do goberno, e as difunda para seu maior éxito.
Comité Local CGT Pontevedra – Arousa
A Plataforma en defensa do tren da Coruña – As Mariñas, da que forma parte a CGT, Â vai realizar o vindeiro domingo 23 de febreiro unha viaxe A Coruña-Cambre para denunciar a ausencia de frecuencias na liña que une A Coruña con Ferrol, o que supón na práctica a completa inutilización desta infraestrutura pública que debería prestar un servizo básico, necesario, ecolóxico e socialmente rendíbel á área metropolitana da Coruña (como o caso de Cambre e Culleredo, concellos polos cales vai transcorrer a viaxe desde A Coruña) e todo o arco ártabro.
Á saída da viaxe partirá ás 11.00 horas da estación da Coruña. Desde as 10.30 representantes da Plataforma estarán na estación de S.Cristovo. Na estación de Cambre haberá membros da Plataforma dese concello recibindo a comitiva e darase lectura do manifesto da Plataforma nun breve acto. Read More
A vindeira semana, a loita dos traballadores e traballadoras dos centros de atención telefónica de Movistar, subcontratados a través das empresas Extel e Atento, se extenderá polas rúas da cidade, con concentracións diante das tendas de Movistar: o luns 24 ás 12 horas, na tenda de Praza de Pontevedra, e o xoves 27, ás 19 horas, na tenda de Catro Camiños.
Estás concentracións son continuación das que tiveron lugar os pasados días 8 de xaneiro e 5 de febreiro, coas que os traballadores e traballadoras subcontratadas por Movistar reclaman o cese das presións, ameazas, acosos e sancións, ademáis de desenmascarar as supostas bondades que a compañía pretende vender de cara ao público: a calidade na atención (cando a realidade é que os traballadores e traballadoras vivimos nun constante clima laboral de conflictividade e ameazas) e a cercanía có cliente (non é certo que todas as chamadas se atendan desde España, aínda hai centros de chamadas deslocalizados).
Durante as concentracións, se informara á cidadanía e aos clientes de Movistar da situación que se está a padecer nos centros de traballo, e o porqué da mala atención recibida desde os centros de atención ao cliente.
A Plataforma Galega pola Marcha da Dignidade, da que forma parte a CGT, acordou a convocatoria de manifestacións de apoio á iniciativa que fará confluir, o 22 de marzo en Madrid, as distintas marchas que se están a organizar en todo o estado.
No caso da Coruña, convócase manifestación o día 26 de febreriro, mércores, que sairá ás 20:00 horas da Praza de Portugal.
A CGT fai un chamamento ao pobo coruñés para que se sume a esta iniciativa e participe na manifestación.
Comité Local da CGT da Coruña
Na xuntanza dos participantes locais da Plataforma Galega de apoio ás Marchas da dignidade (a Madrid, 22 de Marzo), celebrada este luns, 17 de febreiro, na sede da CGT en Pontevedra (edif. sindical, r/ Pasantería 1), acordouse iniciar a organización da Marcha "Pontevedra-Madrid" coas seguintes acións:
– Xoves, 20 febreiro, ás 20,30h, no edificio sindical, salón de actos: Asamblea aberta a todas as persoas, colectivos e organizacións sindicais e sociais interesados en participar nas Marchas.
– Sábado, 22 febreiro, ás 12:00h, na Praza da Peregrina, reparto do manifesto conxunto (pódese ler nesta mesma web da CGT de Galicia) e información sobre as Marchas.
– Mércores, 26 febreiro, ás 20:00h, Manifestación conxunta dende a Praza da Ferrería
– Dende hoxe ata o 26 de febreiro, difusión, compromiso e adquisición dos billetes (40 €, por praza) para a saida e regreso a Madrid en tren especial o 22 de marzo.
A CGT de Pontevedra- Arousa fai un chamamento a toda a súa afiliación e a clase traballadora en xeral para que se incorpore a estas accións contra o paro e contra a política económica e social do goberno, e as difunda para seu maior éxito.
Comité Local CGT Pontevedra – Arousa
O pasado día 11 de febreiro, as organización sindicais CGT, CUT, SLG, STEG, S.E. e SF acordaron subscribir o seguinte manifesto e invitan a toda a sociedade galega a que se sume:
MARCHAS DA DIGNIDADE DO 22 DE MARZO
UNIFICAR AS LOITAS PARA A TRANSFORMACIÓN REAL
Ante a convocatoria das Marchas da Dignidade que converxerán en Madrid o próximo 22 de marzo, as organizacións sindicais, sociais e cidadás de Galicia asinantes, manifestamos o seguinte:
Apoiamos as Marchas ante o gravísimo deterioro das condicións de vida do pobo, provocado porque os poderes financeiros e os seus lacaios, os representantes políticos, están destruíndo as conquistas que tanto suor e mesmo sangue custaron: empregos minimamente dignos, sanidade, educación, servizos sociais básicos, prestacións por desemprego, cultura, vivenda, transportes públicos, etc., están desaparecendo coa escusa dunha crise que é a coartada que xustifica todo tipo de desmandos.
Fai pouco máis de dous anos xurdía a sección sindical de CGT en Transcom, unha multinacional sueca contratada polo BBVA para a atención telefónica. Desde entón, a CGT ten presentadas case 200 denuncias, plantexados varios conflitos colectivos, publicado un boletín mensual -que deu lugar a unha absurda demanda por parte de varios directivos de Transcom- e levou a cabo diversas accións reivindicativas. Transcom, demasiado acostumada a atropelar os traballadores e moi pouco habituada a soportar a combatividade sindical, non puido aguantar máis e decidiu o que o corpo lle viña pedindo dende hai tempo: despedir o pasado 31 de xaneiro a José Carlos Romero, representante da CGT, polo «grave» delito de informar a uns traballadores que ían ser despedidos e ofrecerlles asesoramento legal e sindical, ademais do non menos «grave» delito de desobedecer as ordes empresariais de estarse caladiño. Este despotismo e esta agresión só poden ter unha resposta: a mobilización para conseguir a readmisión inmediata do noso compañeiro.
Por iso, en solidariedade co compañeiro despedido, a CGT da Coruña covoca unha concentración o día 18, martes, ás 13:00 horas, diante da oficina central do BBVA na Coruña, sita no número 18 do Cantón Pequeno.
JOSÉ CARLOS READMISIÓN!
SE TOCAN A UN, TÓCANNOS A TODOS!
Comité Local da Coruña
La CGT de Pontevedra, convoca a todos sus afiliados y simpatizantes en la comarca a participar en la manifestación puesta en marcha por la Plataforma SOS Sanidade Pública, que tendrá lugar el próximo viernes, 14 de febrero. El objetivo de la manifestación es la defensa de la sanidad pública frente a las acciones privatizadoras y de expolio emprendidas por los gobiernos gallego y español en favor de un empresariado capitalista sin escrúpulos y contra el traslado forzoso de pacientes de determinadas especialidades de Pontevedra y Arousa al Hospital de Santiago. La convocatoria conjunta partió de una reunión promovida por SOS Sanidade Pública y mantenida en la sede de la Federación de vecinos Castelao por distintas organizaciones de la ciudad, entre las que se contaba la CGT pontevedresa.
Comité Local de CGT Pontevedra-Arousa