O próximo venres, día 20 de decembro, ás 19:30 horas, a Plataforma en Defensa do Tren da Coruña e das Mariñas convoca unha nova concentración nos andéns da Estación de San Cristóbal na Coruña. O motivo é a protesta polo desmantelamento do ferrocarril e en demanda dun servizo público de trens social, de calidade e seguro.

A plataforma, da que forma parte a CGT, considera que as últimas medidas de troceamento das empresas ADIF e RENFE son un paso decisivo para a futura privatización e a desaparición do ferrocarril como servizo público.

Os compañeiros e compañeiras da CGT en Correos na Coruña desenvolverán durante toda a semana diferentes accións reivindicativas co obxectivo de informar á cidadanía da actual situación do servizo público postal na cidade coruñesa, denunciando os recortes que se están a producir. No ano 2013 Correos reduciu na Coruña o número de prazas de reparto, chegando no día de hoxe xa a 17 prazas de repato perdidas na cidade

As accións comezan o luns 16 de decembro, ás 17 horas coa presentación pública da campaña nun acto informativo na AAVV de Monte Alto, no que se trasladará á veciñanza a preocupación da CGT pola redución das prazas asignadas para ese barrio. O día 17 de decembro, ás 9 horas terá lugar unha manifestación festiva diante da oficina principal de Correos na Coruña (UR1), na rúa de Alcalde Casás, e o mércores, día 18 de decembro haberá unha concentración, tamén ás 9 horas, na oficina da rúa de Vizcaia (UR2). Durante o resto da semana se sucederán accións no resto das oficinas, reparto de material informativo, …

Mais información no blogue da CGT en Correos na Coruña.

CGT en Correos na Coruña

A CGT da Coruña convoca para o día 21 de decembro, sábado, unha concentración diante do Mercadona situado na Avenida de Fisterra, número 265, da cidade, ás 11:30 horas, e protesta polo despedimento do compañeiro Fran, afiliado da CGT de Málaga polo simple feito de intentar constituir a sección sindical.

Facemos un chamamento a todo o pobo traballador para que participe nas mobilizacións contra esta empresa, carcterizada por ser a patronal máis retrograda e cobizosa do país e polas súas prácticas mafiosas.

Máis información, picando aquí.

Comité Local da CGT da Coruña

A CGT da Coruña chama á participación de todos e todas na Concentración que terá lugar o vindeiro mércores 4 de decembro, ás 19.30 horas, nos andéns da Estación de San Cristovo da Coruña. Esta mobilización está convocada en apoio á loita das traballadoras e traballadores do ferrocarril e é impulsada pola Plataforma en Defensa do Tren da Coruña e As Mariñas, da que a CGT forma parte.

Os traballadores e traballadoras do sector ferroviario están chamados á secundar dúas xornadas de Folga, os días 5 e 20 de decembro, contra a segregación de Renfe Operadora en catro sociedades anónimas e a división de ADIF en outras dúas, e contra a destrucción de emprego nas empresas ferroviarias. Estas mobilizacións están convocadas pola CGT e o SF.

O pasado venres Atento despediu de forma desprezable tres compañeiras do 1004, faltándolles ao respecto e á súa dignidade ao pretender xustificar o seu despedimento pola falta de vendas nos dous últimos meses.

Poñédevos na pel dunha compañeira que foi premiada pola empresa polas súas vendas e aos poucos días, estando de vacacións, se encontra cun burofax que lle comunica o seu despedimento disciplinario por non vender… Esquézete das vendas e imaxina que mañá che despiden a ti; porque transferiches máis chamadas das que debías, ou porque non ofreces produtos en todas as chamadas, ou porque o teu TMO é demasiado alto ou polas túas notas de calidade.

Atento sementa o pánico, lanza a mensaxe escollendo tres vítimas, sen que lle importen as circunstancias nin a indemnización que terán que pagar. O medo sempre é rendible, salvo que lles demostremos o contrario: non permitamos que prenda a súa mensaxe, defendámonos das súas agresións e abusos, sexamos solidarios e solidarias coas compañeiras e compañeiros á vez que nos fortalecemos entre todos e todas facendo fronte común. Saiamos á rúa a denunciar publicamente os ataques de Telefónica e Atento aos nosos dereitos. Fagamos unha protesta maioritaria para amosarlles que non nos van achicar nin oprimir coas súas agresións e desprezos. Fagámoslles fronte. Entre todos e todas.

Animamos a todos os traballadores e traballadoras a participaren nas concentracións convocadas polo comité de empresa mañá, 28 de novembro, ás 12 e ás 20 horas.

CONTRA A SÚA POLÍTICA DO MEDO, POLA DIGNIDADE NO NOSO TRABALLO.
SE TOCAN A UN, SE TOCAN A UNHA, TÓCANNOS A TODOS E TODAS.

Sección Sindical de CGT en Atento na Coruña

A CGT da Coruña convoca, para o próximo mércores, día 6 de novembro, ás 18:00 horas, unha concentración diante do Mercadona da Avenida de Xeneral Sanjurjo, 152.

O motivo da concentración e a protesta polas prácticas antiobreiras desta empresa, caracterizada polo acoso aos traballadores e a represión de calquera iniciativa de defensa dos seus dereitos.

A última é o despedimento, en Málaga, de Fran, o Secretario da Sección Sindical da CGT recén constituida, tras abrirlle un expediente sancionador a toda velocidade.

Para a CGT, cada despedimento é unha agresión e non a vai consentir a impunidade do presidente de Mercadona, acostumado a manexar aos traballadores coma nunha prantación escravista.

CGT da Coruña