O luns, 28 de novembro, as traballadoras e traballadores do sector estamos chamados a unha xornada de folga de 24 horas en todo o Estado, como continuación ás mobilizacións iniciadas pola CGT hai varios meses polo bloqueo na negociación do convenio e para esixir un convenio que garanta unhas condicións laborais dignas, nun sector no que a maior parte dos contratos son a tempo parcial, os salarios son miserables e a estabilidade laboral e a conciliación familiar, inexistentes

Durante a xornada de loita as traballadoras e traballadores darán a coñecer as súas lamentables condicións laborais e as súas reivindicacións a partir das 12 en diversos puntos da cidade (Praza de Pontevedra, Obelisco, Praza de España, Catro camiños -diante do Corte Inglés-, diante da estación de autobuses e nas Conchiñas). Tras a repartición terá lugar unha comida-charla na que as traballadoras e traballadores do sector poñerán en común os seus problemas.

Sector de Telemárquetin – CGT da Coruña

A CGT convoca unha nova concentración diante do Banco Santander (Cantón Pequeno, 15-17) , o próximo mércores, día 2 de novembro, ás 13 horas.

Carlos ten unha orde de traslado para irse de Coruña ata Vimianzo, cunha filla á que ten que coidar e cunha xornada reducida precisamente por conciliación. O banco, o único que quere facer é castigar a un compañeiro que leva anos reclamando pola súa situación e do que se queren desfacer.

Máis información, picando nesta ligazón.

A CGT, ante a intención da empresa de abrir un proceso de modificación sustancial das condicións de traballo (son máis de 1.000 traballador@s afectad@s, 52 no centro de traballo da Coruña), decidiu a convocatoria de dous paros de 24 horas os días 28 e 31 de outubro.

A CGT ven sostendo, durante a negociación, que non queda probada a causa aducida por Atento, que se escuda en Movistar, e que unha axuste como o que queren impoñer non ten por qué levar aparelladas peores condicións laborais para ninguén.

Coincidindo cos paros, a CGT convoca concentracións diante da tenda de Movistar na Praza de Pontevedra, ás 19:00 horas. Coas mobilizacións a CGT esixe a retirada das inxustificadas modificacións, que implican perdas de salario cambios de turno a persoas en pluriemprego, rotacións de 9 días de traballo seguidos e imposición de quendas partidas, incluidos sábados e domingos, a compañeir@s que teñen redución de xornada por coidado de familiar, impedindo calquera forma de conciliación.

Comité Local da Coruña da CGT 

Atento e Movistar queren partir a vida a 1000 traballador@s

A pasada semana Atento iniciou un proceso de modificación das condicións de traballo que afectará a máis de mil traballadores e traballadoras en todo o estado; os cambios supoñen perda de salario, cambios á quenda partida en persoas que recorren ao pruriemprego para poder ter salarios que lles permitan subsistir e así non van poder facelo, quendas de ata 9 días de traballo seguidos cada dúas semanas… todas estas salvaxes alteracións coa única escusa de que Movistar vai reducir o seu horario de atención comercial tres horas ao día. Read More

Mañá, martes, día 18 de outubro, @s traballador@s de Extel farán outra folga de 24 horas para manifestar o seu rexeitamento do ERE presentado pola empresa que pretende suprimir 355 postos de traballo (205 na Coruña).

Coincidindo con este paro, @s traballador@s rodearán a Torre de Hércules a partir das 12:00 horas.

Este ERE está totalmente inxustificado, dado que as chamadas do 1004. servizo de antención ao cliente de Movistar, non van desaparecer dun día para outro, senón que, seguramente serán desviadas a lugares onde as condicións laborais son aínda máis precarias. O argumento da empresa no que se indica que desde o día 1 de outubro descendería o número de chamadas non é certo; seguen a producirse centos delas que non poden ser atendidas debido a que a empresa non ten renovado a 330 traballador@s en algúns dos centros do que Adecco ten en todo o estado.

Sección Sindical da CGT en Extel – A Coruña