Extel, empresa do grupo Adecco e subcontrata de Telefónica-Movistar presentou unha Modificación Substancial Colectiva de Condicións de Traballo.

O pasado 11 de maio, iniciouse o período de consultas polo que Extel pretende aplicar unha modificación substancial colectiva que afecta a 857 traballadoras e traballadores en todo o estado, sendo na Coruña 334 afectadas e afectados.
Segundo manifesta a empresa, a causa que motiva esta medida, é a comunicación por parte de Telefónica do cambio de horario comercial de atención ao cliente, que pasará a ser de 9:00 a 22:00 horas, de luns a domingo.
Centos de traballadoras e traballadores verán modificados os seus horarios e xornadas, nun sector, o de telemárquetin, caracterizado pola precariedade laboral.
Para a CGT esta medida obedece unicamente a un intento da empresa de destruír traballo estable, que levará implícito o impedimento de conciliación da vida laboral e familiar para aquelas traballadoras e traballadores que se vexan na necesidade de aceptar os novos horarios e quendas expostas.
Ante este ataque á clase traballadora, a CGT, xunto con CIG, convoca unha folga de 24 horas para o vindeiro xoves 18 de maio e unha concentración ás 12:00 horas ante as portas do centro de traballo, no edificio Proa (R/ Enrique Mariñas s/n), en Matogrande.

Sección Sindical da CGT en Extel-A Coruña

A CGT da Coruña convoca concentración, mañá martes, ás 20:00 horas, diante do centro de traballo que a empresa Atento ten na rúa Juan Flórez da Coruña, Esta concentración, está motivada pola sanción de 60 días de emprego e soldo ao compañeiro Alfredo Jorge (Fredie), de Madrid.

Con esta sanción, Atento volve a usar a política do medo contra os que se resisten a tragar co sen "bo facer" laboral. Con este ataque desta empresa experta en precariedade condena ao traballador aínda máis á miseria, provocando que non se podan aumir as facturas mási básicas (aluguer, mantenza, luz, auga, gas, etc.).

Este novo ataque á CGT non vai quedar impune nin vai cambiar nada na acción do noso sindicato, e, por suposto, non nos vai calar.

60 DÍAS SEN COBRAR, TERRORISMO EMPRESARIAL!

TODOS SOMOS FREDIE!

O traballadores de Unipost convocan unha concentración o proximo venres 28 de abril, ás 12:30 horas, no Obelisco da Coruña, para protestar pola decisión da empresa de retrasar aínda máis o pagamento da nómina do mes de marzo, sumado ao impago das dúas últimas pagas extraordinarias, que aínda debe.

A CGT da Coruña fai un chamamento para apoiar esta concentración e as xuntas reivindicacións dos traballadores, sometidos a unha situación propias da escravitude: ter que traballar sen recibir nada polo seu traballo.

UNIPOST, PAGA O QUE DEBES!

Os traballadores e traballadoras de Unipost Galicia están convocados a unha Asemblea que terá lugar o vindeiro venres, 28 de abril, ás 19 horas, no local sindical da CGT da Coruña, na rúa de Simón Bolivar 89.

Entre outros asuntos, serán presentadas e debatidas as propostas para enfrontar os impagos e fraccionamentos das nóminas, así como a IV Marcha Laranxa, que terá lugar o 12 de maio en Ourense.

Neste Primeiro de Maio, a CGT da Coruña convoca manifestación que sairá da praza de Pontevedra ás 12:30 horas, manifestación que percorrerá o centro da cidade e rematará no Campo da Leña. A manifestación celebrarase conxuntamente cos sindicatos CUT, STEGA, SF e SE.

A situación dos traballadores non fai máis que empeorar, a pesar das «boísima situación económica» que ten o país, segundo o goberno. Salarios de miseria e condicións laborais de escravitude son situacións cotiás que non podemos seguir aturando.

Por iso hai que seguir nas rúas, para amosar a nosa protesta, para reclamar dignidade, para dicirlles aos poderosos que non imos continuar tragando as súas imposicións e que imos acabar con este sistema capitalista inxusto e insolidario.

Comité Local da CGT da Coruña

A CGT convoca concentracións, ata novo aviso, todos os martes, ás 13:00 horas, diante do centro de traballo que a empresa Atento ten na rúa Juan Flórez da Coruña, Esta concentración, que se repite en todos os centros de Atento de España, está motivada pola sanción de 60 días de emprego e soldo ao compañeiro Alfredo Jorge (Fredie), de Madrid.

Con esta sanción, Atento volve a usar a política do medo contra os que se resisten a tragar co sen «bo facer» laboral. Con este ataque desta empresa experta en precariedade condena ao traballador aínda máis á miseria, provocando que non se podan aumir as facturas mási básicas (aluguer, mantenza, luz, auga, gas, etc.).

Este novo ataque á CGT non vai quedar impune nin vai cambiar nada na acción do noso sindicato, e, por suposto, non nos vai calar.

60 DÍAS SEN COBRAR, TERRORISMO EMPRESARIAL!

Comité Local da CGT da Coruña

O pasado día 6, a empresa volve intentar reprimir a acción sindical da CGT. esta vez a vítima é un compañeiro de Xetafe, Alfredo Jorge. Acúsanno dun sinsentido, de facer chamadas ao seu móvil desde o AVAYA, non atendendo así as chamadas que se reciben no servizo.

Temos moi craro que molestamos moito á empresa. Como antes foron Montse, Pilar, Sabela, Rubén, Juan e Abel, agora tócalle a Alfredo.

En contra da represión do compañeiro, convócase concentración mañá, martes, ás 13:00 horas, diante do centro de traballo de Atento na Coruña.

NINGUNHA AGRESIÓN SEN RESPOSTA!

BASTA XA DE REPRESIÓN!

RETIRADA DO EXPEDIENTE SANCIONADOR!

Comité Local da Coruña

Ante os despedimentos que se veñen producindo no BBVA, a CGT convoca, xunto co resto de sindicatos, unha concentración que terá lugar diante da sede territorial do BBVA na Coruña (Cantón Pequeno, 10-12), o xoves, día 23, entre as 10:00 e as 11:00 horas.

A SOLIDARIEDADE É A NOSA MELLOR ARMA!

BASTA DE DESPEDIMENTOS NO BBVA!