Onte, 29 de xullo, ás 20:00 horas, militantes da CGT de Pontevedra realizaron na céntrica Praza da Peregrina, un Punto informativo, con exposición de tres paneis explicativos e reparto de panfletos, para ofrecer unha resposta, sindical e colectiva, ás intencións do goberno de desmantelar o sistema público de pensións e de modificar tanto os requisitos como os sistema de cálculo das pensións futuras, así como a desaparición do custo da vida como factor a ter en conta para a súa revalorización.
Decenas de persoas achegaronse ó Punto Informativo para debatir cos militantes da CGT de Pontevedra sobre a información aportada nos paneis e, así mesmo, cerca dun millar de transeuntes recibiron en man a documentación preparada polo Sindicato, animando a mobilización. Esta mesma acción repetirase, a principios de setembro, en outros barrios de Pontevedra e na comarca de Arousa. Polo reparto do traballo e da riqueza,
¡A loita da CGT contra a política económica e social do goberno continúa!
CGT Pontevedra-Arousa
O día 29 de xullo, luns, ás 12:00 horas a CGT da Coruña convoca a todos os traballadores e á cidadanía en xeral a unha concentración diante do Centro de Atención e Información da Seguridade Social sito na rúa Félix Estrada Catoira esquina rúa Fernando Rey (preto da igrexa de san Pedro de Mezonzo), para respostar ás intencións do goberno de desmantelar o sistema público de pensións e de modificar tanto os requisitos como os sistema de cálculo das pensións futuras, así como a desaparición do custo da vida como factor a ter en conta para a súa revalorización.
A CGT ten convocado manifestación en Madrid para o vindeiro día 29 de xuño, que sairá ás 12 horas da Estación de Atocha e rematará na Porta do Sol. As mobilizacións, que ata agora se viñan plantexando descentralizadamente, pretenden non só a defensa dos empregos ferroviarios, ante os ERE"s anunciados en RENFE e ADIF, os recortes en Cremonini, polo futuro dos traballadores e traballadoras de Contratas Ferroviarias, Servizos Auxiliares, Comfersa, etc…, as habilitacións para o persoal da extinta FEVE, senón tamén a protesta pola inminente liberalización do ferrocarril, as supresións de trens de media distancia, o peche de liñas, a fragmentación de ADIF e RENFE.