A CGT da Coruña fai un chamado a toda a súa afiliación e ao conxunto da cidadanía a participar o vindeiro domingo 21 de xuño na «Marea Branca» convocada para as 12:30 horas no Obelisco da Coruña. Baixo o lema «A sanidade non se vende, deféndese!» esta mobilización está convocada pola Coordinadora Antiprivatización da Sanidade Pública, da que fai parte a CGT da Coruña, por unha sanidade pública, gratuíta, universal e de calidade: contra o peche de 1015 camas hospitalarias, contra a privatización da sanidade, polo dereito a vacinas e medicinas para todos e todas, …
Manifestación dos traballadores de Correos en Compostela
O próximo sábado, día 20, a CGT, conxuntamente coa CIG, convoca unha manifestación en protesta pola situación dos traballadores de Correos. A mobilización comezará ás 11 da mañá na Porta do Camiño e rematará no edificio de Correos na rúa do Franco.
- Menos carteir@s, menos contratación, máis recortes, máis precariedade laboral.
- Queren acabar con nós!
- Temos que impedilo!
- Sen carteir@s non hai Correos
- Pola cobertura de todas as prazas
- Polo cumprimento do servizo público universal
- Por unhas condicións de traballo dignas no CTA
Sindicato Federal de Correos da CGT – A Coruña
A CGT convoca un paro de 24 horas nos centros de Extel e Atento en Coruña
O venres 5 de xuño os traballadores de Extel – en toda España- e de Atento en Coruña están chamados a un paro de 24 horas.
Coincidindo coa xornada de folga, a CGT xunto coa CIG convocou unha manifestación que partirá ás 12 horas dende Extel, -empresa situada en Matogrande- e percorrerá as rúas da cidade para rematar en Atento – na rúa Juan Flórez-.
Esta folga é a continuación dos paros parciais que dende hai máis dun ano están a levar a cabo os traballadores e traballadoras de ambas as dúas contratas que prestan servizo para Movistar para esixir o cesamento das deplorables condicións laborais que padecen: presión excesiva, acoso, sancións, despedimentos constantes, cambios de horarios e de departamentos, exhaustivo control do traballo, seguimentos e gravacións indiscriminadas; ás que se suman a precariedade xeneralizada no sector do telemarketing, con salarios moi baixos, unha inestabilidade laboral constante e onde a maioría dos contratos son impostos a tempo parcial, con xornadas laborais de moi poucas horas que non permiten chegar a fin de mes.
Con esta xornada de loita os traballadores e traballadoras pretenden rematar coa explotación laboral imperante e dar a coñecer que, mentres as empresas para as que traballan (Movistar, Atento e Extel) seguen engordando os seus beneficios, a súa situación laboral cada vez se agrava máis.
Acto no monolito dedicado ás vítimas da represión na Folga Xeral da Coruña de 1901
O vindeiro domingo, día 31de maio, ás 12:30 horas, no cemiterio de San Amaro da Coruña, terá lugar a tradicional ofrenda floral que cada ano ven organizando a CGT da Coruña en lembranza dos obreiros e obreiras asasinados, vítimas da represión, durante a folga xeral (a coñecida como folga dos "consumeros") que tivo lugar na cidade da Coruña os días 30 e 31 de maio e día 1 de xuño de 1901.
A homenaxe terá lugar no monolito que foi levantado polas sociedades obreiras coruñesas e sufragado por subscrición popular no ano 1906.
Ao seu término, farase outra ofrenda ante o conxunto escultórico situado na Avenida de Navarra en lembranza de tódolos represaliados polo franquismo.
Mais información sobre os sucesos de 1901: A folga de 1901, no blog Memoria Libertaria na Galiza
A CGT de Galicia edita «El crimen de Chicago»
A CGT de Galicia decidiu editar, o pasado Primeiro de Maio, a coñecida obra do pensador anarquista galego Ricardo Mella, «El crimen de Chicago», na que relata os acontecementos ocurridos naquela cidade americana en maio de 1886, nos que milleiros de traballadores foron á folga en demanda da xornad de oito horas e que desembocaron na cruel represión burguesa que levou á condea a morte de cinco traballadores e á cadea a outros tres nun infame xuízo. O libro recolle tamén os dircursos dos «Mártires de Chicago» e correspondencia da época. Read More
Crónica na manifestación do Primeiro de maio
Perto dun milleiro de persoas secundaron hoxe a manifestación convocada pola CGT, unitariamente coa CUT, STEG, SF e SE, e que tivo a saída, pouco despóis das 12:30, na praza de Pontevedra da Coruña.
A manifestación, a máis concurrida dos últimos anos malia o mal tempo, percorreu as rúas máis céntricas da cidade, estivo moi animada durante todo o seu transcurso, sendo os berros máis coreados «Obreiro despedido, patrón colgado», «Unión, acción, autoxestión», «O pobo ten dereito a pan, traballo e teito», «Violencia é non chegar a fin de mes», «A loita é o único camiño», «Queremos traballar, non mendigar»… e outras alusivas á situación actual.
Ademáis da pancarta de cabeceira, houbo outras de diferentes organización e colectivos -maioritariamente implicados nas Marchas da Dignidade-; entre elas a da CGT, que rezaba «Contra a represión sindical e social».
O manifesto final foi leido por unha compañeira despedida no último ataque patronal en Atento na Coruña.
A militancia confederal reuníuse nun animado xantar de confraternización no local sindical.
CGT da Coruña
A CGT convoca paros en Atento e Extel
O próximo martes 5 de maio, os traballadores de Atento a nivel estatal e de Extel en Coruña e Zaragoza, están chamados a un paro dunha hora por quenda (de 00:00 a 1:00, de 12:00 a 13:00 e de 19:00 a 20:00 horas), para esixir que se poña fin ás deplorables condicións laborais ás que están sometidos: sancións, cambios correspondentes a capricho da empresa (sen tan sequera respectar os dereitos de conciliación das persoas con redución de xornada por motivos familiares), exhaustivo control do traballo con constantes auditorías e gravacións indiscriminadas, xornadas moi pequenas, uns salarios moi baixos, todo iso unido a unha constante inestabilidade laboral, só no último mes producíronse 17 despedimentos no centro de Atento na Coruña. Read More
Manifestación do Primeiro de Maio
O próximo Primeiro de Maio, a CGT da Coruña volverá percorrer as rúas da cidade na súa reafirmación de pertenza á clase obreira. Lonxe de fiar a solución á nosa situación de explotación e opresión ás ilusións electoralistas, a CGT reafírmase na necesidade de seguírmonos a mobilizar para combater ese sistema inxusto e voraz e poder construir a sociedade xusta e igualitaria que merecemos.
A manifestación, na que participarán outras organizacións, partirá, á 12:30 horas, da Praza de Pontevedra e rematará na Praza do Humor.
Concentración contra o TTIP
O próximo sábado, 18 de abril, terá lugar unha concentración en oposición ao Tratado Trasatlántico de Comercio e Investimento (TTIP) que están pactando secretamente Estados Unidos e a Unión Europea. O acto farase na Praza de Lugo a partir das 12:00 horas.
A CGT da Coruña apoia esta iniciativa e convoca aos afiliados e simpatizantes, e cidadanía en xeral, a que se sumen a esta Xornada de Acción Global que se fai en centos de cidades de todo o mundo.
O Comité Local da CGT da Coruña
Movilizaciones en Atento – Coruña por el cierre del servicio de información 11822
Ante el cierre del servicio de información telefónica 11822 y el despido de 17 compañeros, el Comité de Empresa de Atento Coruña -del que forma parte la CGT– ha convocado paros de una hora mañana día 15 de 0:00 a 01:00, de 12:00 a 13:00 y de 19:00 a 20:00 horas. Durante los paros de los turnos de mañana y de tarde se harán concentraciones a las 12 y a las 19 horas delante del centro de trabajo de la calle Juan Flórez para exigir la paralización de los despidos y el regreso de los compañeros a sus puestos de trabajo.
Además, el próximo lunes 20 de abril continuarán las movilizaciones con un paro de 24 horas que también, por motivos similares, está convocado en el centro de trabajo de Atento en Bilbao. En nuestra ciudad los trabajadores de Atento saldremos en manifestación a las 20 horas, con salida y fin en Juan Flórez 80-82, exigiendo la readmisión de los compañeros despedidos y el cese de las agresiones de Atento y Movistar a los trabajadores. Read More