Unhas oitocentas persoas percorreron as rúas da Coruña na manifestación do Primeiro de Maio convocada, entre outras organizacións, pola CGT e pola CUT.
A manifestación estivo moi animada durante o percorrido e déronse berros contra a Europa do Capital e contra o capitalismo, entre outras consignas máis coñecidas, que foron reiteradas a coro masivamente.
Este ano o percorrido non rematou onde era habitual, senón no Campo da Leña (oficialmente, praza de Eapaña), na que se leu o manifesto conxunto. Unha vez lido o manifesto, no mesmo Campo da Leña, a CGT organizou un concerto no que participou o grupo «Os Tres Trebóns», que amenizou musicalmente o ambiente durante unha hora.
Como todos os anos, no local sindical celebrouse un xantar de confraternización.
Comité Local da CGT da Coruña
Continúa a loita en defensa da sanidade pública cunha nova Marea Branca, xa a 11ª, o vindeiro domingo 17 de abril, ás 12:30. Fronte as metiras dos gobernantes (o ministro Montoro culpabilizando aos doentes), fronte as listas de agarda, a escaseza de material e medios, ante a empleo de prótesis e materiais de inferior calidade aos empregados ata o de agora, co fin de aforrar custos, e que está a provocar dor e sufrimento as e os doentes, chega unha nova Marea Branca, reclamando a derrogación das leis 15/1997 de novas formas de xestión da sanidade, a 16/2012 de medidas de sostenibilidade do sistema, o artigo 135 da Constitución que pon a débeda por diante das necesidades básicas da cidadanía e o artigo 90 da lei Xeral de Sanidade que posibilita a concertación con centros privados.
A CGT da Coruña celebrará o próximo luns, día 4 de abril, ás 19:00 horas, nos seus locais, Asemblea Xeral de afiliados, na que se tratará, como único punto, a Orde do Dia do Congreso Confederal Extraordinario da CGT que terá lugar en Pamplona entre os días 15 e 17 do próximo mes de abril.
O Comité Local da CGT da Coruña acordou apoiar a Concentración convocada mañá, mércores, 16 de marzo, ás 20:00 horas, no Obelisco, co obxectivo de manifestar a nosa solidariedade coas persoas que fuxen da guerra e que están sendo brutal e criminalmente tratados polas Autoridades da Unión Europea nas fronteiras orientais y no Mediterráneo, o que provoca ducias de mortes diarias e un sofrimento atroz a centos de milleiros de personas. En particular, denunciamos a reunión que estes días, 17 e 18 de marzo, terán en Bruxelas os Xefes de Estado e de Goberno da Unión Europea para ratificar o indecente pacto que suscribiron co goberno de Turquía o pasado 14 de marzo.
O vindeiro domingo 13 de Marzo ás 12:30, terá lugar unha nova Marea Branca en defensa dunha sanidade pública e de calidade, rexeitando as listas de espera, o peche de camas e plantas enteiras dos hospitais, reclamando o acceso ás vacinas e medicacións para todos os doentes. Súmase tamén a denuncia da precariedade na atención xeriátrica.
O vindeiro domingo 21 de febreiro, ás 12:30 horas está convocada unha nova Marea Branca que desta vez poñerá o acento nos incrementos das listas de agarda e nos procesos de privatización da sanidade a través de tratados internacionais como o TISA. Como en anteriores ocasión, a CGT da Coruña chama a continuar a mobilización en defensa da sanidade pública, participando nesta nova edición da Marea Branca que terá lugar nas rúas de Santiago, Pontevedra e A Coruña (Obelisco).
A CGT da Coruña chama a continuar a mobilización en defensa da sanidade pública, participando o vindeiro domingo 17 de xaneiro, ás 12:30 horas, a unha nova edición da Marea Branca que terá lugar nas rúas de Santiago, Pontevedra e A Coruña (Obelisco).