Hoxe polo serán volveronse concentrar varios centos de traballadores e traballadoras diante da sé da empresa de telemarketing Atento en protesta polo 179 despedidos. Volveuse a cortar o tráfico na rúa de Juan Florez, ainda que desta vez non houbo carga policial ao permanecer aberto un dos catro carriles ao tráfico.
Carga policial contra a concentración de traballadores en protesta polos despidos en ATENTO
O Comité de Empresa de Atento convocara para hoxe ás 11 da mañá unha concentración diante da sé da empresa para protestar polos 179 despidos no servicio 1004 que comunicara a empresa onte. Varios centos de traballadores e traballadoras secundaron a convocatoria cortando o tráfico na céntrica rúa de Juan Florez, reclamando a readmisión inmediata dos compañeiros e compañeiras despedidas. Unha forte presencia policial tentou retirar aos traballadores e reabrir o tráfico, ante a resistencia pasiva dos concentrados que ao grito de «mais traballo, e menos policía» ou «Atento despide, Telefónica culpable» permanecían concentrados. Nese momento comenzou unha carga policial con empuxóns, golpes, porrazos, … que remataron con varios dos concentrados fortemente magullados e algúns con feridas abertas.
Convocatoria Urxente: Nova Concentración polos 179 despidos en Atento
Está convocada unha nova concentración contra os 179 despidos en Atento Coruña, para hoxe ás 20:00, diante da sé de Atento, na rúa de Juan Florez.
ACUDIDE
ATENTO despide a 179 traballadores e traballadoras na Coruña
Hoxe, a empresa de telemarketing Atento despediu a 179 traballadores do servicio 1004 no seu centro de traballo da Coruña. Trátase dun paso mais de Atento, empresa do grupo Telefónica, a sumar ós despidos de 90 traballadores en Valencia e 29 traballadores mais en Córdoba. Todos eles son as principais víctimas da política deslocalizadora de Atento, que está a levar a carga de traballo cara paises latinoamericanos con menores salarios e condiciones laborais. Por esa razón, esta misma tarde ás 20 horas tivo lugar unha concentración de centos de traballadores e traballadoras diante da sé de Atento que cortou o tráfico no centro da cidade e que permaneceu durante case 2 horas.
Convocatoria Urxente: Concentración diante da empresa ATENTO, ás 11 da mañá
O Comité de Empresa de Atento na Coruña convocou de forma urxente unha concentración, ás 11 horas, diante da entrada da empresa na rúa de Juan Florez, para protestar polo despido de 179 traballadores e traballadoras do servicio 1004.
Varios centos de traballadores e traballadoras se concentran diante de Atento en protesta polos despidos
No día de hoxe, tanto pola mañá como polo serán, varios centos de traballadores e traballadoras de Atento concentráronse diante da sede da empresa na Coruña para protestar polos recentes despidos.
A CGT da Coruña, no Portiño
A CGT da Coruña apoia o acto convocado pola Comisión pola Recuperación da Memoria Histórica para recorda-la fuga do Portiño, feito que tivo lugar hai 70 anos.
O acto terá lugar no peirao do Portiño o venres, día 9, ás 19:30 horas e forma parte dos actos que a Comisión para a recuperación da memoria arrebatada polo fascismo.
A CGT coruñesa asinou, con outras organización, unha taboa de peticións para presentar no concello da Coruña, na que se pide, entre outras cousas a eliminación do noménclator franquista, así como a retirada dos homenaxes e nomeamentos que ó dictador Franco lle fixo o concello fascista.
CGT da Coruña.
Concentraciones en Atento – Coruña
Ante os despidos que se veñen producindo na empresa Atento no seu centro de traballo da Coruña, o comité de empresa convoca a tódolos traballadoras e traballadores a facer concentracións diante da empresa, sita na rúa Juan Flórez da Coruña.
Estas concentracións están apoiadas firmememte pola CGT, e terán lugar o próximo luns, día 12, ás 12 do mediodía e ás 8 do serán.
Sección Sindical de CGT-Atento.
A pesar das dificultades, a CGT obtén bos resultados nas eleccións sindicais en RENFE – Operadora e ADIF
Onte se celebraron as primeiras eleccións sindicais nas dúas empresas en que se dividiu a antiga RENFE, ADIF e RENFE – Operadora.
A pesar das dificultades derivadas da propia segregación de RENFE en dúas empresas, a existencia de distintos sindicatos corporativos, …, os compañeiros e compañeiras ferroviarios de CGT conseguiron manter os seus anteriores resultados, conservando os delegados que xa tiñan en ambalasdúas empresas.
Xornadas pola Recuperación da Memoria Histórica Libertaria na Coruña
Entre os días 3 e 12 de Abril, a Exposición «Memoria Libertaria» estará na Coruña, na Sala de Exposicións da Fundación R.Iglesias, e con ese motivo celebraremos unhas Xornadas pola Recuperación da Memoria Histórica Libertaria, con charlas, música, …
A exposición consta de varios paneis que lembran a Revolución Libertaria de 1936 en tódolos eidos: educación, colectivizacións, …Folleto – Xornadas pola Recuperación da Memoria Histórica Libertaria
Cartel – Xornadas pola Recuperación da Memoria Histórica LibertariaMais información na web Memoria Libertaria
ou no Blog das Xornadas: Memoria Libertaria na Galiza