Hoxe tiveron lugar as eleccións sindicais na empresa de telemarketing Atento, na Coruña. Nestas eleccións se renovaba totalmente o comité de empresa que pasa de estar conformado por 21 delegados e delegadas, a quedar en 17.

Tralo escrutinio, os resultados son os seguintes: a CGT é a segunda candidatura con maior número de votos, aumentando ata os 106, e mantendo os catro delegados/as cos que xa contaba no comité de empresa.

A lista máis votada, con 166 votos, é a de UGT ainda que perde votos e catro dos dez delegados que tiña. Quedan con tres delegados cada unha, as candidaturas de CCOO (que sube un delegado) e CIG (que perde dous delegados). Entra no novo comité, cun único delegado, a candidatura de USO.

Con estes resultados, a CGT recibe un maior respaldo por parte dos traballadores e traballadoras, o que conlevará un maior peso da CGT no Comité. Estos resultados reflicten o bo traballo realizado pola Sección Sindical nos últimos anos.

Parabéns aos compañeiros e compañeiras da sección sindical da CGT en Atento.

CGT A Coruña

Logo de finalizado o piquete confederal que, partindo da Praza da Leña, percorreu as rúas mais céntricas da cidade, comenzou a Manifestación convocada pola CGT conxuntamente coa CUT. Dous milleiros de persoas conformaron unha combativa e ruidosa manifestación con berros a favor da Folga Xeral e contra as medidas antiobreiras do goberno. Ao chegar a Praza de Ourense, a manifestación confluiu coa manifestación convocada polos sindicatos chamados maioritarios, continuando o mesmo percorrido ata chegar ao Obelisco, onde se deu lectura aos manifestos das organizacións convocantes e rematou a manifestación cunha grande traca, percusión, e berros reclamando unha nova Folga Xeral.

Nos momentos de redactar esta crónica está rematando, diante da sé do PP, a actividade dun novo piquete que percorreu as rúas comerciais do centro da cidade dende o Obelisco, sen terse rexistrado ningún incidente.

CGT da Coruña

Dende as nove da noite e durante a madrugada houbo gran actividade de piquetes con presenza de traballadores da CGT recorrendo empresas e polígonos. Na empresa Zara Logística, no polígono de Sabón, un grupo de máis de douscentos traballadores se ten concentrado nas entradas coincidindo cós cambios de quenda de traballo. O seguimento da folga en Zara Logística está a ser prácticamente total en tódolas quendas. Houbo unha grande presencia policial incluindo unn helicoptero policial sobrevoando en todo momento a entrada da factoría e vixilando a presencia dos piquetes. Houbo pequenos incidentes, con algún golpe e identificacións por parte de guardia civil.

En CESPA, a empresa concesionaria do servizo de recollida de lixo, un grande piquete con presencia confederal impediu a salida dos camións e a recollida da cidade quedou paralizada. Read More