CGT Galicia
http://www.cgtgalicia.org/xornada-de-loita-17-s-folga-no-sector-ferroviario-e-manifestacion-na-coruna/
Export date: Fri Mar 29 8:22:56 2024 / +0000 GMT

Xornada de loita 17-S: Folga no sector ferroviario e manifestación na Coruña


A CGT ten acordado intensificar as mobilizacións que se veñen producindo contra os recortes e as reformas antiobreiras do Goberno, promovendo unha mobilización social xeralizada e contundente, mediante Xornadas de Loita que nos conduzan á convocatoria dunha Folga Xeral con capacidade real de afectar os intereses económicos da élite dirixente, capaz de enfrontar a ofensiva de recortes e reformas contra os nosos dereitos por parte do goberno e maila patronal.

A CGT da Coruña, no marco da Xornada de Loita do vindeiro 17 de setembro, chama a toda a súa afiliación e militancia, así como ao conxunto da clase obreira coruñesa a participar na manifestación en defensa do ferrocarril público e social, en coincidencia coa folga no sector ferroviario que teñen convocado, de xeito unitario, todalas organizacións sindicais con representación nos Comités de Empresa de ADIF, Renfe e Feve.

A Manifestación partirá da Estación de Mercadorías de San Diego, ás 19:30 horas, e rematará na Estación de San Cristobal.
Post date: 2012-09-10 22:09:37
Post date GMT: 2012-09-10 21:09:37

Post modified date: 2012-09-11 17:48:17
Post modified date GMT: 2012-09-11 16:48:17

Export date: Fri Mar 29 8:22:56 2024 / +0000 GMT
This page was exported from CGT Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com