CGT Galicia
http://www.cgtgalicia.org/cronica-da-xornada-de-folga-xeral-27-x-i/
Export date: Thu Mar 28 22:32:07 2024 / +0000 GMT

Crónica da xornada de Folga Xeral 29M (I)


Diferentes grupos de piquetes informativos da CGT se puxeron en marcha dende última hora da tarde e concentráronse en varias empresas e polígonos industriais da cidade.

Na empresa Eurocen, do sector do telemarketing, os traballadores e traballadoras consiguen que non se impartan os cursos de formación previstos para o día da Folga Xeral. Tra-la presión colectiva, a empresa ten anunciado que os cursos non se levarán a cabo mañá.

Na empresa Zara Logística, no polígono de Sabón, un grupo de máis dun cento de traballadores se ten concentrado nas entradas coincidindo cós cambios de quenda de traballo. O seguimento da folga en Zara Logística está a ser prácticamente total en tódolas quendas que tiñan a entrada ás 22, 23 e 00 horas. Un helicoptero policial sobrevoou en todo momento a entrada da factoría, vixiando a presencia do piquete. Non houbo incidentes xa que case ningún traballador optou por non secundar a folga.

   

Outro piquete de militantes de CGT concentrouse  pouco antes da medianoite fronte a entrada da empresa de telemarketing Atento, na zona centro da cidade. Membros das asambleas locais do 15M tamén participaron no piquete. En total, medio cento de piquetes concentradas na entrada da empresa. Logo de se retirar a maior parte do piquete, a empresa tentou que regresaran algúns traballadores e traballadoras que á medianoite comezaran a xornada de folga, pero a intervención dos membros do comité de folga impediu que sairan coa súa.

   

En CEPSA, a empresa concesionaria do servizo de recollida, do lixo tiveron lugar incidentes entre esquirois e piquetes que tiñan bloqueada a saída de camións das cocheiras. Finalmente os poucos camións en servizos mínimos que lograran sair gracias á escolta policial, volveron a entrar.
Post date: 2012-03-29 01:14:42
Post date GMT: 2012-03-29 00:14:42

Post modified date: 2012-03-29 01:19:47
Post modified date GMT: 2012-03-29 00:19:47

Export date: Thu Mar 28 22:32:07 2024 / +0000 GMT
This page was exported from CGT Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com