CGT Vigo será punto de información para regularización de migrantes

O sindicato de Oficios Varios da CGT en Vigo será punto de información e tramitación no proceso de regularización de persoas migrantes.

Con motivo da aprobación do proceso de regularización extraordinaria aprobada polo Goberno do Estado Español, o sindicato de Oficios Varios de Vigo será unha entidade de información e tramitación para facilitar o acceso ao procedemento, de forma gratuíta e sen ningún tipo de contraprestación, a todas aquelas persoas que o precisen.

As canles de contacto e facilitación serán:

1. Presencial: todos os sábados de 11.00 a 13.00 no local do sindicato (Teixugueiras, 24 entrechán, 36212, Vigo)
2. Telemática: por medio da posta a disposición dun correo electrónico onde as persoas poidan directamente remitir a documentación escaneada co fin de tramitarlles a solicitude: regularizacion.vigo@cgtgalicia.org ¹

Inda que esta reforma queda moi limitada no tempo e nos requisitos, parécenos fundamental amosar a nosa solidariedade, apoio e compromiso coas compañeiras migrantes que veñen de sufrir o racismo institucional que representa a Lei de estranxeiría, que mercantiliza as súas vidas e as priva dos dereitos máis fundamentais. É por iso que poñemos a disposición de calqueira persoa que o precise, os medios que dende esta organización sindical poidamos ofrecer.

Achegamos o folleto informativo preparado para a ocasión:

1. mailto:regularizacion.viogo@cgtgalicia.org
2. http://www.cgtgalicia.org/wp/wp-content/uploads/20 26/04/folleto.pdf