CGT na loita pola vivenda digna en Vigo

Este sábado, o Sindicato de Oficios Varios de CGT en Vigo estivo presente na manifestación convocada pola Alianza Pola Vivenda de Vigo baixo o lema "A vivenda cústanos a vida. Baixemos os prezos".

CGT SOV Vigo acudiu cunha pancarta co lema “Sen vivenda digna non hai paz social” en protesta contra a especulación inmobiliaria que converte un dereito básico nun negocio para uns poucos.

A vivenda é un ben de primeira necesidade, non un produto de luxo. Exiximos políticas públicas que garantan acceso a un fogar digno para todes, sen exclusións nin abusos. A loita segue!