A Confederación Xeral do Traballo (CGT), inmersa na defensa das persoas traballadoras e demais sectores populares, partícipe en conflictos laborais e sociais nas empresas, nos servizos públicos e na rúa, apoia e chama á participación no evento 15-O Mobilización Internacional “Unid@s por un cambio global”

MANIFESTACIÓN EN VIGO

SÁBADO 15 de Outubro SAÍDA PZA. ESPAÑA ÁS 18:00h

Este mércores 21 de setembro ás 19:00 na sé da Federación Local de Sindicatos de Vigo

Contaremos ca presencia de Luis Romón, Secretario de Organización do Secretariado Permanente da CGT do estado e de Jacinto Medrano, membro do Gabinete Xurídico Confederal.

En dita conferencia abordarase a reforma laboral e darase a coñecer o contido da campaña Confederal deste outono.

Saída ás 20:00 dende a praza de fernando o católico

Tras a profundización dos recortes, reformas e ataques contra os e as traballadoras ao longo deste verán, que contrasta coa falta de vontade de dar unha resposta real e necesaria a estes ataques por parte do sindicalismo institucionalizado, reafirmámonos no convencemento de que chegou o momento de saír xuntos á rúa a dicir Basta !, pondo en marcha, sen

máis demora, o proceso cara a unha folga xeral con capacidade de enfrontar a actual ofensiva capitalista e avanzar na conquista de novos dereitos sociais.

A xornada de mobilización do 29S é o primeiro paso dun calendario de mobilizacións que queremos concretar, xunto ás organizacións que se incorporen ao proceso, ao redor dunha xornada de loita para mediados de outubro e manifestacións estatais no mes de novembro, co fin de centrar nas reivindicacións obreiras da reparto do traballo e da riqueza, a defensa dos servizos públicos e os dereitos sociais, desde a perspectiva dun cambio radical do sistema económico, o debate social e político.

A este fin, o próximo 21 de setembro celebraremos unha conferencia no local sindical, será ás 19:00. En dita conferencia abordarase a reforma laboral e darase a coñecer o contido da campaña Confederal deste outono. Contaremos ca presencia de Luis Romón, Secretario de Organización do Secretariado Permanente da CGT do estado e de Jacinto Medrano, membro do Gabinete Xurídico Confederal.
Chamamos aos traballadores e traballadoras, en activo ou en paro, aos estudantes, aos afectados e afectadas polos recortes dos servizos públicos, aos movementos sociais, a quen desde as asembleas en prazas e barrios comparten a necesidade da mobilización cara a unha folga xeral, a facer súa e participar nesta convocatoria, a saír á rúa o 29S, a difundila nos centros de traballo e nos barrios e pobos, para facela efectiva e real nos distintos territorios e localidades.

29S – A loita está na rúa – Cara á Folga XERAL

Unha reclamación de cantidades da compañeira desemboca no despedimento, vulnerando o dereito fundamental de tutela xudicial efectiva.

María Jesús traballaba na empresa de limpeza Galeserga, subcontrata de Dalphi-metal, esta empresa deixou de pagarlle o seu salario a mediados de2009, ante o cal a compañeira, como é lóxico, reclamou ditas cantidades. O xulgado resolve a favor da traballadora, condenando a ambas empresas a reintegrarlle as cantidades adebedadas e que por xustiza lle corresponden. Previamente, ante a situación de falta de solvencia de Galeserga, a traballadora é subrogada á empresa Star, aló polo mes de xaneiro de 2010.

A empresa Star, do ex-dono de Limpezas A Guía, famosa e gran coñecida de Inspección de Traballo, comeza unha campaña de apercibimentos mediante burofax contra a traballadora o mesmo día que se vai de baixa, e ao reincorporarse de novo, tras ter que esgotar as vacacións, comunícaselle un despido por baixo rendemento. Dende CGT entendemos que en realidade se trata dunha clara persecución e represión por ter reclamado ante os tribunais e, aínda por riba, gañar dita batalla ás empresas.

Esiximos a inmediata readmisión da compañeira despedida.

Concentración xoves 28 de xullo 10:00 am diante da empresa DALPHI METAL TRW (Camiño do Caramuxo nº35, Vigo)

Sindicato de Limpeza e Mantemento de Vigo

CONFEDERACIÓN XERAL DO TRABALLO

Desde a Sección Sindical de CXT queremos transmitir o noso rexeitamento total ao ERE suspensivo que mañá se asinará.

Desde o principio da negociación a postura de CXT foi moi clara: non existían motivos reais para a presentación do ERE de extinción de 151 contratos indefinidos presentado pola empresa. Durante todo o período de consultas demostramos con documentación e feitos obxectivos que a empresa segue contratando campañas noutros centros, campañas que non veñen a Vigo polo simple feito de que se viñesen non habería motivación para o ERE xa que a causa argumentada pola empresa para

 o mesmo é o excedente de persoal xustificado pola falta de novas campañas en Vigo. Chegamos a demostrar mesmo que na campaña de Vodafone na que xustificaban unha alta porcentaxe dese excedente de indefinidos, en Madrid, tendo a mesma campaña séguese contratando persoal e facendo indefinidos e mesmo se están aumentando horas aos traballadores da mesma. Unha vez tirados por terra todos os argumentos da empresa e tendo coñecemento de que o informe de Inspección sobre o ERE extintivo ía ser desfavorable e que non había motivación para o mesmo, esta Sección considerou que se debería romper o período de consultas xa que case con toda seguridade a Autoridade Laboral rexeitaríao. Algunhas seccións mostráronse contrarias a esta postura e quixeron seguir negociando até chegar á proposta de ERE temporal que hoxe se está presentando nas Asembleas de traballadores/as.

Consideramos que a firma deste ERE supón a apertura dunha porta perigosa, xa que supón aceptar que a empresa ten un problema e senta un precedente para a aplicación dun próximo ERE extintivo, e non queremos ser cómplices de algo así.

 Por todo o anteriormente exposto CXT NON VAI ASINAR ESTE ERE. Recoñecemos que este ERE temporal supón unha mellor opción que calquera outro que supoña a extinción de contratos, pero é pan para hoxe e fame para mañá e por iso a nosa conciencia e o noso compromiso sindical impídenos asinalo. Durante o período de negociación, entendendo que a acción sindical é unha arma fundamental dos traballadores, chegáronse a expor mobilizacións. A decisión maioritaria do Comité (non desta Sección) foi non facelas. Nós entendemos que motivos sobran non xa só polo ERE, senón pola continua destrución de emprego en Vigo xa sexa por Artigos 17, fins de obra ou despedimentos disciplinarios.

 Queremos seguir demostrando á empresa o noso rexeitamento a esta política de despedimentos indiscriminados e inxustificados.

POR ISO LEMBRAMOS QUE SEGUE EN PÉ A FOLGA DE 24 HORAS CONVOCADA PARA MAÑÁ E PEDÍMOSVOS O VOSO APOIO NAS CONCENTRACIÓNS QUE ESTÁN PREVISTAS DE 12 A 14 HORAS .

DEFENDE OS TEUS DEREITOS, SÚMATE Á FOLGA! AQUÍ NON SOBRA NINGUÉN, QUE NON TENTEN CONVENCERTE DO CONTRARIO!

CONFEDERACIÓN XERAL DO TRABALLO

SECCIÓN SINDICAL DE CXT EN UNÍSONO VIGO

Concentración en Vigo este xoves 21 de xullo, de 13:30 a 14:30 no centro de Bosch da Avenida de Madrid.

Este xoves 21 de Xullo de 2011 de 13:30 a 14:30 haberá concentracións diante das portas que a multinacional alemá Bosch Communication Center ten no estado español. Estaremos protestando simultaneamente nos tres centros de chamadas desta multinacional do telemárketing: Vigo, Madrid e Barcelona.

Moita xente nunca asociaría o logotipo de Bosch á precariedade e á represión sindical nun sector como o telemarketing. Máis ben pensariamos na fabricación de lavadoras, fornos, taladros,

compoñentes electrónicos e servizos técnicos. Pero nos últimos anos vese que é moito máis fácil facer negocio mediante a televenda de produtos como Orange, Vodafone, Jazztel, Ono, Vueling, etc., tanto desde aquí como no centro que a multinacional ten en Bos Aires (Arxentina).

A sociedade española debe saber que sucede cos máis de 1000 empregados dos centros de chamadas nesta empresa, sobre todo cando o estado alemán por boca da súa primeira ministra Ángela Merkel dixo recentemente que os españois gozamos demasiadas vacacións…

Esta empresa despediu á secretaria de saúde laboral da sección sindical de CXT en Vigo, Beatriz Del Amo García. Botouna porque ela esixiu que se cumprira unha sentenza do Tribunal Supremo na que se establece a obriga por parte de todas as empresas de telemarketing (incluída Bosch) de proporcionar unha pausa de descanso visual por cada hora de traballo diante de pantallas de visualización de datos. Bosch, incumprindo esta normativa de seguridade e hixiene está rebentando a vista dos seus traballadores – escravos neste novo colonialismo. E como unha ousada traballadora -escrava deste país, onde mandan os colonos por encima dos tribunais, se atreve a denunciar este crime, resulta despedida.

De igual xeito, a política de relacións laborais de Bosch resulta cando menos pintoresca no contexto dun estado democrático e de dereito: alusións a como debemos vestirnos e comportarnos, presión inhumana mediante o establecemento de ratios de produtividade abusivos, ameazas constantes de despedimento, despedimento simultáneo (o mesmo día e á mesma hora) de persoas da mesma familia, moobing no posto de traballo con castigos exemplares, paternalismo, etc. A falta dos datos exactos estamos seguros de que soamente estamos vendo a punta do iceberg.

Debemos reflexionar e debemos facelo agora, resulta imprescindible. Non podemos consentir este trato cara a ninguén, e menos a quen se preocupa por que se cumpran as leis e sentenzas dos tribunais deste país dentro de empresas que parecen estar por riba dos estados nos que se asentan e dos que extraen pingües beneficios explotando e reprimindo aos traballadores no máis puro estilo colonialista.

Desde xa, facemos un chamamento a toda a cidadanía ao Boicot activo a esta empresa alemá ata que cumpran a lexislación laboral e ata que readmitan a Bea.

Pedimos que toda persoa consciente e sensible DEIXE DE CONSUMIR PRODUTOS BOSCH (Balay, Siemens, Lynx, Gaggenau, Neff, UFESA, Dremel, Skil, Bosch Rexroth, BT Magnet-Technologie, ELM Leblanc, Hawera Probst, HESSER, Junkers, LR Nelson garden) ata que a dirección desta empresa en España se de conta de que non pode pasar por riba dos nosos dereitos e as nosas cabezas tan alegremente.

Deteñamos 268 despedimentos!

A folga será de todo o día pero estaremos concentrados nas portas de unísono de 12.00 a 14.00 horas.

Facemos un chamamento a toda a cidadanía para secundar a concentración pola defensa de centos de postos de traballo que a empresa pretende deslocalizar a América Latina.

Unísono, empresa que se dedica ao telemarketing (atención de chamadas de outras empresas) e que ten clientes tan importantes como Orange, Vodafone, Gas Natural, Iberdrola ou Ing Direct, chegou a dar traballo a máis de mil persoas en Vigo, aproveitándose de subvencións pagadas cos cartos de tod@s. A pesar dos seu cuantiosos e crecentes beneficios, que no ano 2010 aumentaron un 35% con respecto a 2009, levan 600 despedimentos nun ano, e agora presentan un ERE de extinción para despedir a 151 traballadoras/es máis e a total liquidación da campaña de Orange con 117 persoas máis que van á rúa. Corremos o risco de ficar sen centro de traballo.

Nun sector que non fai máis que medrar, non existe xustificación para estes despedimentos, que castigan ademais a sectores de poboación tan precarizados como mocidade e mulleres. A empresa, de acordo cos seus clientes, na súa maioría de servizos telefónicos, maximiza os seus beneficios DESLOCALIZANDO o traballo en países Latinoamericanos, onde sobreexplota traballadores/as con salarios miserables.

É inadmisible que nos utilicen ao seu antollo, que lle saia tan barato, e que os gobernos de Madrid e a Xunta lle permitan estas prácticas. As últimas reformas laborais non fan máis que facilitar e abaratar o despedimento para gran beneficio duns poucos privilexiados.

COMO PODO AXUDAR A DETER ISTO?

• As persoas usuarias de ORANGE e YA.COM, esixindo o dereito de ser atendidas en galego en calquera produto.
• As persoas non usuarias, deixando de contratar os seus servizos de móbil, adsl e telefonía fixa con ORANGE e YA.COM (ambas filiais de France Telecom), como medida de presión e en apoio ás traballadoras e traballadores de Unísono-Vigo.
• Apoiando as mobilizacións convocadas polo Comité de Empresa.

Para que vos fagades unha idea, Valencia pasou de ter 310 traballadores en xaneiro deste ano a 276 en maio. Xixón que era a única cidade que ata agora se librou, perderá 35 postos de traballo a próxima semana, o que supón máis dun 10% do seu cadro de persoal. O caso de Vigo é especialmente sanguento,

empezaron o ano 2011 con 926 traballadores e só 5 meses despois só quédanlles 593 dos que hai que descontar 151 indefinidos (VODAFONE E FRANCE TELECOM) que irán á rúa antes do 24 de xullo pola aplicación dun ERE, ademais, case outros tantos serán despedidos polas finalizacións de VODAFONE ADSL e FRANCE TELECOM VOZ E DATOS, total que ao finalizar este mes perderían o seu emprego dúas terceiras partes dos traballadores de Vigo.

En Madrid pasa máis do mesmo. Aos fins de obra nas campañas de TRAVEL CLUB, VODAFONE CANLE e ZENDIS hai que engadir os despedimentos por artigo 17 en GAS NATURAL, IBERDROLA e FRANCE TELECOM. pasamos de ter uns 4.250 traballadores en xaneiro de 2011 a ser agora mesmo pouco máis de 3.500, o que supón que perdemos 750 postos de traballo nun amén. A ninguén se lle oculta tampouco que estes despedimentos veñen propiciados, ademais, pola deslocalización que a propia Unísono está realizando para moitos dos seus servizos, trasladándoos a un prezo menor aos centros de Chile e Colombia.

Con todo, Unísono tivo resultados record durante o exercicio do ano pasado, obtendo beneficios limpos de po e palla por importe de 5.267.000 € (uns 1.000.000.000 das antigas pesetas) e case duplicando o que gañaron o ano 2009. Xa que logo, a empresa non vive un momento de crise económica. En absoluto. Máis ben, decidiron aproveitar o ambiente xeneral de “estamos en crise” para perpetrar profundos cambios respecto do persoal co único fin de gañar aínda máis, e facelo aínda máis rápido. Mentres nunhas provincias a empresa fai indefinidos “a dedo” noutras decide a quen deixa no paro, mentres se contrata a xente da rúa para novos ou vellos servizos.

A Federación Local de Sindicatos de Vigo da CGT comunica o seu apoio aos activistas inxustamente detidos/as e criminalizados/as por defender aos animais.

Na mañá do 22 de Xuño do 2011, as forzas da orde e seguridade do estado entraron nas casas de 12 activistas do Estado español, nas comunidades autónomas de Madrid, Asturias, Euskadi e Galicia. Doce activistas que colaboran ou colaboraron nas organizacións en defensa dos animais, fundación Equanimal e a asociación Igualdade Animal. Tras varios días nos calabozos da Garda Civil e tras as declaracións ante o xuíz, tres deles permanecen en prisión preventiva mentres o resto atópase en liberdade condicional con cargos.

A pesar de que as accións que fixeron estes/as activistas sempre foron pacíficas, axentes da Garda Civil fixeron un despregamento propio dunha operación antiterrorista, cortando as rúas lindeiras aos domicilios dos activistas, entrando fortemente armados e con pasamontañas nos domicilios particulares dalgúns destes e ata entrando nas casas das nais de dúas activistas. Todo iso para realizar un rexistro no que requisaron decenas de computadores, discos duros, cámaras e diverso material que utilizan para o seu traballo diario.

Tras o rexistro foron detidos e levados en furgóns policiais a Santiago de Compostela, Pontevedra e A Coruña, onde pasaron tres días incomunicados/as nos calabozos de devanditas cidades e en folga de fame como protesta polas detencións.

Aos activistas impútanselles varios delitos, entre eles os relacionados coas soltas masivas de visóns. Accións coas que os imputados e as imputadas non teñen ningunha relación.

Tamén son acusados de asociación ilícita, a pesar de que Igualdade Animal e Equanimal son dúas organizacións legalmente constituídas, cuxo traballo basease en dar a coñecer á sociedade a horrible situación que padecen os animais en diversos ámbitos, sempre mostrando quen son e porqué o fan. Accións ás que ata invitaron a xornalistas que lles acompañaron e que posteriormente obtiveron unha ampla repercusión nos medios de comunicación, tanto a nivel estatal como internacional. A pesar diso, o xuíz estimou que tres dos activistas debían ingresar en prisión preventiva, mentres que os nove restantes quedaron en liberdade con cargos á espera do xuízo.

Os medios de comunicación, á súa vez, de forma case xeneralizada, e a pesar de non ter ningunha proba, vulneraron os dereitos dos acusados e acusadas ignorando a presunción de inocencia, acusándolles de “ecoterroristas” e violentos e ata afirmando que estas organizacións ensinaban a fabricar explosivos desde as súas páxinas web. Algo absolutamente falso e indignante.

Estas detencións son unha clara mostra do proceso de represión e criminalización baixo o que se atopa o Movemento de Dereitos Animais. Un proceso que nos incumbe a todas e a todos por igual, xa que é unha mostra do que pode ocorrer cando o traballo de calquera persoa ou organización prexudica os intereses de fortes e influentes negocios, como sucede no caso da industria peleteira.

Por todo o exposto, esiximos que os tres activistas en prisión preventiva sexan postos en inmediata liberdade así como o cesamento deste proceso inxusto polo que se trata de reprimir ao Movemento de Dereitos Animais.

Contactos de medios:         Javier Moreno Tel. 691 054 172
Contacto internacional:   Sharon Núñez  Tel. 674 216 012

mediossolidaridadpresos@gmail.com

A Secretaria de saúde laboral da sección sindical de CGT na empresa de telemarketing “Bosch communication center” en Vigo, Beatriz del Amo García, foi despedida o día 10 de xuño pola empresa mediante despido disciplinario.

Dende CGT entendemos que o despedimento se produce en represalia directa á actividade sindical que dita traballadora estaba a exercer na empresa.

A actividade sindical de Beatriz foise intensificando nos últimos tempos ante a inaplicación da empresa da sentencia de 4 de Marzo do Tribunal Supremo sobre pausas en pantallas de visualización de datos. Segundo esta sentencia, Bosch está a vulnerar e comprometer a saúde visual do seu cadro de persoal ao eliminar unilateralmente aquelas pausas que establecen as normativas de seguridade e hixiene no traballo no referente ao traballo fronte a pantallas de ordenador no sector do Telemarketing. Beatriz del Amo, como responsable de saúde laboral na empresa accionou os mecanismos correspondentes para restablecer a legalidade ao respecto, e avisou, días antes á empresa de que de non mudar de actitude efectuaría as correspondentes denuncias ante inspección de traballo. A resposta da empresa chegou en forma de despido disciplinario aos 15 días de entregarlle este escrito.

Dende CGT non podemos tolerar esta vulneración de dereitos fundamentais, onde se castiga a quen esixe o cumprimento de dereitos relacionados ca saúde e benestar de arredor de mil empregados en Bosch Communication Center Vigo. Porque o castigo cara a  nosa secretaria de saúde laboral non é máis que a mera tentativa de amedrentar á sección sindical de CGT en Bosch e por ende, a tod@s @s traballadores/as da empresa, cousa que este sindicato xamais vai consentir.

Quen ataca a un membro da CGT ataca a toda a CGT.