CGT de Galicia » Ferrol

Primeiro de Maio da CGT da Coruña

Federación Local Obrera A Coruña — Sun, 18 Apr 2010 16:38:46 +0000

Este Primeiro de Maio, a CGT volverá a saír a manifestarse polas rúas da Coruña, nesta ocasión co lema “CADA DESPIDO É UNHA AGRESIÓN. NINGUNHA AGRESIÓN SEN RESPOSTA”.

Para a CGT a situación que está a vivir a clase traballadora é insostible. O despido libre, a existencia de máis de catro millóns de parados e a ameaza dunha nova reforma laboral e do sistema de pensións esixen que os traballadores amosemos firmemente o noso rexeitamento á situación e a que, ás nosas costas, se siga negociando e xogando cos nosos intereses.

Por isto, convocámoste a que participes na manifestación que sairá ás 12 do mediodía da Praza de Pontevedra da Coruña e que rematará na Praza do Humor.

ESTE ANO NON PODEMOS FALTAR NINGÚN

BASTA XA DE DESPIDOS SALVAXES E SINDICATOS DOMESTICADOS

Xantar de confraternidade
Como outro anos, estamos organizando un xantar de confraternidade despois da manifestación. Os que estean interesados deberán anotarse antes do día 27 deste mes de abril. Calcúlase que o prezo estará sobre 12 euros. A anotación será no propio local sindical, por teléfono ou a través do correo electrónico.

Paros en Correos e Manifestación contra o apagón postal

Federación Local Obrera A Coruña — Tue, 06 Apr 2010 09:20:16 +0000

O vindeiro venres, 9 de abril, os traballadores e traballadoras de Correos están convocados a secundar a manifestación e mailos paros convocados pola CGT xunto con outras organizacións sindicais, contra o apagón postal e pola viabilidade de Correos.

A manifestación sairá ás 12:30 horas dende a Xefatura Provincial de Correos na Coruña e o percorrido rematará diante da Delegación do Goberno.

A fin de facilitar a participación de todos, haberá buses que partirán dende Ferrol e Compostela, para os que é preciso anotarse no seguinte número de teléfono: 690.649.971

O paro parcial de catro horas está convocado do seguinte xeito:

Carteirías e Oficinas: de 11 a 15 horas.
Oficinas de Centro Comerciais: de 12 a 16 horas.
CTA: quenda de mañá: de 11 a 15; quenda de tarde: de 15 a 19; 1ª quenda de noite: de 1 a 5; 2ª quenda de noite: de 3 a 7

A participación de todas e todos é fundamental na defensa de Correos como servizo público.

Continuación da Asamblea da CGT da Coruña

Federación Local Obrera A Coruña — Mon, 08 Feb 2010 16:12:47 +0000

A Asamblea do SOV da CGT da Coruña reunida o pasado venres, 5 de febreiro, non puido rematar o debate de tódolos puntos da Orde do Día nun tempo razoable , polo que decidiu autoconvocarse para continuar o debate dos puntos que ficaron sen tratar nunha nova sesión que terá lugar o vindeiro mércores, 10 de febreiro, a partir das 19 horas.

Asamblea da CGT da Coruña

Federación Local Obrera A Coruña — Fri, 29 Jan 2010 18:39:09 +0000

O vindeiro venres, día 5 de febreiro, a CGT da Coruña celebrará Asamblea Xeral de afiliados para adoptar os acordos definitivos do sindicato para o Pleno de Sindicatos da CGT de Galicia que se celebrará en Pontevedra, os días 20 e 21 de febreiro.

Ademais, a orde do día da asamblea recolle a elección de delegados do sindicato para ese Pleno, a adecuación dos Estatutos da CGT da Coruña aos xerais da confederación e a ratificación, se procede, do Secretariado Permanente do sindicato.

Como é costume, prégase a máxima asistencia e puntualidade. A CGT facémola entre todos, e entre todos debemos tomar as decisións que a todos nos competen.

Manifestación dos traballadores de Correos

Federación Local Obrera A Coruña — Wed, 10 Jun 2009 16:36:17 +0000

Este domingo, 14 de xuño, ás 12 horas, comezará a manifestación dos traballadores de Correos de toda Galicia polas rúas de Santiago de Compostela. A manifestación está convocada por todos os sindicatos, entre eles a CGT.

O percorrido da manifestación é o seguinte: saída desde a Alameda, continuando polas rúas de Doctor Teixeiro, República do Salvador, Hórreo, Orfas, a Praza do Toural, a rúa do Vilar e Praterías.

Por un servizo de Correos público, social e universal! Non faltes á cita.

A CGT mantén a súa representación no comité de empresa provincial de Telefónica na Coruña.

Federación Local Obrera A Coruña — Thu, 29 Mar 2007 19:25:27 +0000

Nas eleizóns sindicais celebradas o pasado 29 de marzo, a candidatura de CGT mantivo a representación coa que xa contaba no comité provincial de Telefónica da Coruña, cun delegado, a pesares da reducción de plantilla que se veu producindo e a pesares tamén da irrupción de candidaturas específicas de Telefónica.

Pódense consultar tódolos datos por provincias na páxina web do Sindicato Federal de Telefónica de CGT.

Constituida a Sección Sindical de CGT no INE da Coruña

Federación Local Obrera A Coruña — Fri, 02 Feb 2007 20:46:25 +0000

O venres dous de febreiro tivo lugar a Asamblea de constitución da sección sindical de CGT na Delegación Provincial da Coruña do Instituto Nacional de Estadística.

Os traballadores e traballadoras, tanto funcionarios/as como laborais, do Instituto Nacional de Estadística afiliados ao Sindicato de Oficios Varios de CGT da Coruña constituiron esta Sección Sindical como ferramenta básica da acción sindical na empresa.

Asi mesmo, nomearon como representante da sección sindical ao compañeiro D.García.

A recén nada sección sindical se encadrará dentro da sección de administracións públicas do sindicato como o resto dos compañeiros e compañeiras traballadores da administración central, autonómica e local.

Ademais os compañeiros e compañeiras desta nova sección sindical se coordinarán co resto de seccións e afiliados de CGT no INE na defensa dos seus dereitos, como a folga desenvolvida por CGT neste Instituto en Valencia o pasado mes de xuño.