Acto en memoria das vítimas da represión na Folga Xeral de 1901 na Coruña

O vindeiro domingo, día 1 de xuño, ás 12:30 horas, no cemiterio de santo Amaro da Coruña, terá lugar a tradicional ofrenda floral que cada ano ven organizando a CGT da Coruña en lembranza dos obreiros e obreiras asasinadas, vítimas da represión da folga xeral (a coñecida como folga dos «consumeiros») que tivo lugar na cidade da Coruña os días 30 e 31 de maio e día 1 de xuño de 1901.

A homenaxe terá lugar no monolito que foi levantado por iniciativa das sociedades obreiras coruñesas e sufragado por subscrición popular no ano 1906.

Ao seu remate, farase outra ofrenda ante o conxunto escultórico situado na Avenida de Navarra en lembranza de todas as vítimas da represión franquista.

Máis información sobre os sucesos da Folga de maio de 1901, premendo nas seguintes ligazóns:

Boletín 1 – “A Folga de 1901 – Sucesos do 30 e 31 de maio na Coruña” ¹
Boletín 2 – “Tras os sucesos de Maio de 1901: Represión, Solidariedade e (Re)Organización Obreira ²"

1. https://tinyurl.com/yqa5y5mr
2. https://tinyurl.com/yr6vdpfb