|
CGT Galicia http://www.cgtgalicia.org/a-xunta-xa-non-ten-escusa-alfageme-solucion/ Export date: Sat Mar 22 19:09:11 2025 / +0000 GMT |
A Xunta xa non ten escusa: ¡Alfageme solución!Unha vez coñecido a principios desta semana o Fallo da Sentenza da Audiencia Provincial de Pontevedra polo que se desestiman todas e cada unha das pretensións formuladas no Recurso interposto por Uwais Ingeniería, suposta testaferra de Alfageme, contra a eficacia dos avais prestados no seu día pola Xunta de Galicia aos créditos concedidos polo Banco Popular e NCG Banco os novos empresarios de Alfageme (a inmobiliaria Promalar), a CGT de Arousa reitera e esixe a reunión urxente coa Consellería de Economía e representantes das traballadoras e traballadores da Empresa, solictada xa a semana pasada, para desbloquear á venta das súas plantas da conserveira en Vilaxoán e Ribadumia. A reunión faise imprescindible porque o tempo apremia e a Xunta xa non ten a "escusa" que leva utilizando dende hai meses para eludir as súas responsabilidades no apoio político e económico do proxecto de Alfageme que levou a rúa a centos de traballadoras e traballadores. Por isa razón, é xa o momento de que se liberen os avais que desbloqueen a compra das conserveiras de Vilaxoán e Ribadumia polo Consorcio Conservero, e así poñer en marcha as dúas factorías e reiniciar a actividade conserveira con todo o seu persoal nas condicións conqueridas pola CGT de respetar todos os seus dereitos económicos, laboráis e sociais. CGT-Arousa |
|
Post date: 2012-07-17 13:06:29 Post date GMT: 2012-07-17 12:06:29 Post modified date: 2012-07-17 13:08:42 Post modified date GMT: 2012-07-17 12:08:42 |
|
Export date: Sat Mar 22 19:09:11 2025 / +0000 GMT This page was exported from CGT Galicia [ http://www.cgtgalicia.org/wp ] Export of Post and Page has been powered by [ Universal Post Manager ] plugin from www.ProfProjects.com |
