CGT Galicia
http://www.cgtgalicia.org/a-cgt-denuncia-enchufismo-en-correos/
Export date: Wed Dec 3 17:02:19 2025 / +0000 GMT

A CGT denuncia enchufismo en Correos


Logo CGT Correos buzonA CGT en Correos ven de presentar denuncia á Inspección de Traballo pola contratación por parte da empresa pública Correos S.A.E de persoas sen estar nas listas de contratación e sen ter superado ningún tipo de proceso selectivo neste verán para traballar no Reparto e en Atención ao Cliente. A CGT tivo constancia destes contratos irregulares efectuados en Carballo, A Coruña e, especialmente, no pavillón postal que Correos ten perto do Aeroporto de Lavacolla.

A CGT entende que nunha provincia con máis de 80000 persoas na procura de emprego, se Correos precisara a persoas para traballar debería ter acudido aos servizos públicos de emprego ou facer reabrir as bolsas de contratación eventual de xeito transparente e público a toda a cidadanía tal como lle indica o convenio colectivo en vigor.

Desde o punto de vista da CGT Correos cometeu unha grave infracción na elaboración de contratos públicos ao non publicar en ningures as bases para a contratación, os méritos cuantificábeis nin ningún outro dos requisitos imprescindibles.

Mais información no blog da Sección Sindical da CGT en Correos na Coruña 1
Links:
  1. http://cgtcorreosacorunha-hayalternativa.blogspot. com.es/2015/08/volve-o-enchufismo-numero-especial- do.html
Post date: 2015-08-31 18:08:23
Post date GMT: 2015-08-31 17:08:23

Post modified date: 2015-08-31 18:08:23
Post modified date GMT: 2015-08-31 17:08:23

Export date: Wed Dec 3 17:02:19 2025 / +0000 GMT
This page was exported from CGT Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com