CGT de Galicia
http://www.cgtgalicia.org/2019/09/a-coruna-manifestacion-contra-a-violencia-machista/
Export date: Fri Dec 6 20:10:51 2019 / +0000 GMT

[A Coruña] Manifestación contra a violencia machista




Este venres, día 20, ás 20:30 horas, está convocada unha manifestación contra a violencia machista que partirá do Obelisco da Coruña e rematará na Delegación do Goberno.

A CGT da Coruña acordou sumarse á manifestación convocada. Para a CGT a situación de violencia e morte que están sufrindo moitas mulleres é intolerable e hai que alzar a voz denunciando esta realidade.

As estatísticas demostran que o número de mulleres asasinadas non está a diminuir de xeito apreciable, a pesar das lexislacións específicas e dos medios que, en teoría, se teñen postos para combatir esta lacra. Para a CGT, non se pode separar o que está acontecendo da existencia dunha sociedade xerarquizada, por moito que se fale de igualdade, na que unhas persoas son consideradas superiores a outras e poden decidir sobre as súas existencias. Por iso, é imprescindible a destrución da sociedade actual, patriarcal, racista, capitalista, xerarquizada e insolidaria, e a súa sustitución por unha sociedade libre, no que o apoio mutuo, a liberdade, a igualdade e a diversidade sexan os alicerces que a conformen.

Comité Local da Coruña da CGT

Post date: 2019-09-18 17:36:16
Post date GMT: 2019-09-18 16:36:16

Post modified date: 2019-09-18 17:49:38
Post modified date GMT: 2019-09-18 16:49:38

Export date: Fri Dec 6 20:10:51 2019 / +0000 GMT
This page was exported from CGT de Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com