CGT de Galicia
http://www.cgtgalicia.org/2014/07/concentracions-paros-e-manifestacions-contra-o-ere-en-atento-na-coruna/
Export date: Fri Dec 4 19:51:03 2020 / +0000 GMT

Concentracións, paros e manifestación contra o ERE en Atento na Coruña


imaxe_0'0Os traballadores e traballadoras de Atento seguen a loitar contra un ERE que supón o despedimento de máis de 800 persoas nos centros de traballo de toda España. Na Coruña trátase do despido de 49 persoas, nunha empresa que ten millonarios beneficios, reprime e maltrata aos empregados e empregadas, e mantén unhas condicións de traballo e salariais de miseria.

O persoal da Coruña está loitando contra esta situación desde hai meses e ven promovendo mobilizacións nos últimos tempos, tanto concentracións como manifestacións, paros por quendas e de 24 horas, etc.

Esta semana é crucial, porque se está a esgotar o prazo forzoso de negociación. A CGT rexeita este ERE por ser fraudulento, por facerse con argumentos falsos e sen causa ningunha. Por isto, a CGT convoca a todos os traballadores e traballadoras, e a toda a clase obreira coruñesa, a dúas concentracións diante da sede da empresa na rúa Juan Flórez da Coruña, ás 12:00 e ás 18:00 horas de mañá, día 22, martes.

O próximo xoves, día 24, a CGT convoca un paro de 24 horas para enfrontarse a esta agresión da empresa e unha manifestación que sairá ás 12:00 horas desde o cento de traballo.
Post date: 2014-07-21 19:32:19
Post date GMT: 2014-07-21 18:32:19

Post modified date: 2014-07-21 19:33:40
Post modified date GMT: 2014-07-21 18:33:40

Export date: Fri Dec 4 19:51:03 2020 / +0000 GMT
This page was exported from CGT de Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com