Desaloxado o público no xuízo contra PSA Citroën por despedimento do delegado da Sección Sindical de CGT en Citröen. A representación legal de CGT solicita o despedimento nulo por represión sindical

 

Este venres 25 de marzo celebrábase o xuízo contra PSA Citroën España polo despedimento do delegado da Sección Sindical de CGT na citada empresa. Dez minutos antes da hora fixada para o comezo do xuízo a sala do Social número 4 estaba chea de compañeiros do despedido que querían mostrarlle a súa solidariedade.

 O problema xurdíu cando a xuíz titular, antes incluso de sentarse na sala, e polo tanto, antes de dar inicio ao xuízo propiamente dito, ordea o desaolxo do público. Certamente os xuices teñen a potestade de ante desordes ou posibles desordes na sala mandar desaloxala, pero esta circunstancia non se producíu en ningún momento o pasado venres. Ao mesmo tempo, hai que lembrar que segundo a Constitución Española este tipo xuízos son públicos polo que unha medida que rexistra este dereito debería ser tomada en casos extremos. Os intentos do representante de CGT para que a xuiza cambiara a súa decisión foron infructuosos e o único que se conseguiu foi tanto ou máis arbitrario que a primeira decisión: que só puderan estar presentes 4 persoas por cada parte, parece que o que lle molestaba a xuiza foi a numerosa preseza de compañeiros do despedido.

Inmediatamente despois dos feitos representantes deste sindicato tiveron unha entrevista co Xuíz Decano do Vigo para amosarlle o malestar do Sindicato e do público en xeral. O Decano reconoceu que era unha medida un tanto drástica por producirse antes incluso de que a xuiza chegara a sentarse. Neste sentido o Decano comprometeuse a falar coa xuiza para ver que sucedera.

Ao mesmo tempo, un importante número de persoas efectuaron inmediatamente reclamacións contra a actitude da xuiza ante o Consello Xeral do Poder Xudicial.

Para a CGT estes feitos supoñen un ataque aos dereitos de todos os cidadáns que non poden ser permitidos.

Comparte esta noticia...
Share on Facebook
Facebook
Tweet about this on Twitter
Twitter
Share on LinkedIn
Linkedin
Print this page
Print
Email this to someone
email