O pasado martes 2 de febreiro a Cruz Vermella presentou en ERE definitivo, que vai supor a destrución de 70 postos de traballo e o peche do Hospital que esta ONG ten na cidade de Vigo.

Dende o primeiro momento o Sindicato de Oficios Varios de Vigo da CGT se ten volcado totalmente neste conflito. Participando activamente en todas as accións de protesta levadas a cabo, dende concentracións ata a actual recollida de sinaturas de apoio, así como nas reunións ca empresa.

O SOV de Vigo, da Confederación Xeral do traballo, oponse totalmente a esta medida, que non so vai significar o despedimento de 70 mulleres e homes, motivo mais que suficiente por si só, senón que vai significar o peche dunha infrastructura sanitaria imprescindible na comarca de Vigo.

A falla de camas hospitalarias na nosa comarca é un feito coñecido e recoñecido. E no caso de enfermos crónicos ou que precisen longas estadías hospitalizados, como son os pacientes atendidos no Hospital da Cruz Vermella, esta carencia é aínda mellor.

Atopámonos pois ante unha agresión, non so os traballadores/as e enfermos do hospital, atopámonos ante unha agresión a toda a cidadanía de Vigo a da súa area de influencia. Se o peche se leva acabo, vai desaparecer un servizo imprescindible para todos nos, cidadan@s de Vigo.

Neste ERE, todos somos afectados.

Comparte esta noticia...
Share on Facebook
Facebook
Tweet about this on Twitter
Twitter
Share on LinkedIn
Linkedin
Print this page
Print
Email this to someone
email