A empresa DEMSU, con enderezo no P.I. A Portela-Avda. do Rebullón -Mos, leva xa varios meses sen pagar os seus traballadores e traballadoras o seu salario no prazo establecido polo convenio do metal de Pontevedra. Esta práctica estase a dar en moitas empresas do sector dende xa antes da folga polo convenio e esta a ocasionar serios trastornos os traballadores e traballadoras; xa que o cobrar o seu salario a mediados ou finais de mes deixa ao descuberto as súas capacidades económicas fronte os seus gastos e os de as súas familias.
fotodemsuweb
Na empresa DEMSU esta situación foi denunciada ante a inspección de traballo pola sección sindical da CGT, polo delegado de persoal e os propios traballadores e traballadoras sen que polo de agora a inspección fixera calquera actuación para por freo a esta ilegalidade.

Quizais por esta impunidade a empresa decidiu o pasado 8 de Xullo iniciar un ERE de suspensión de emprego a 8 traballadores ,por seis meses, e a facer efectivo a partires do 1 de Setembro coa escusa da crise e a cualificación de «EMPRESA EN SECTOR DE RIESGO» polas entidades financeiras.

Para a CGT este ERE é inxusto e represivo xa que por un lado entre os traballadores «nominados» están todos os afiliados a CGT, que a empresa ten coñecemento, mais todos os traballadores que nalgún momento reclamaron ou exerceron os seus dereitos lexítimos. Por outro lado moito nos tememos que a posta en marcha de este ERE sexa un primeiro paso cara a un posterior despedimento barato destes traballadores.

Dende a CGT, por suposto, non imos a quedar calados ante este novo ataque da dirección de unha empresa que xa ten un avultado curriculum de irregularidades.

Comparte esta noticia...
Share on Facebook
Facebook
Tweet about this on Twitter
Twitter
Share on LinkedIn
Linkedin
Print this page
Print
Email this to someone
email