CGT de Galicia
http://www.cgtgalicia.org/2008/06/metal-crece-a-conflictividade-laboral-en-demsu/
Export date: Wed Sep 30 5:18:13 2020 / +0000 GMT

METAL.-Crece a conflictividade laboral en DEMSU


Os traballadores e traballadoras de DEMSU estamos a sufrir unha nova ofensiva por parte da dirección.


Como diciamos no anterior comunicado a reunión entre empresa e representantes dos traballadores coa mediación do inspector de traballo era unha grande oportunidade para empezar a arranxar as xa moi deterioradas relacións entre dirección e traballadores e traballadoras. Tras dúas reunións a empresa non tivo máis remedio que aceptar as reivindicacións dos traballadores, que non eran tal senón un recoñecemento duns dereitos que temos de por si como o indiscutible dereito á participación dos traballadores establecidos nas leis como é a negociación da formación e das vacacións, o fin da sobreexplotación dos traballadores temporais, a debida atención ó representante dos traballadores, o a súa obriga máis importante, pagar o salario. Mais non querían e tivo que ser o inspector de traballo o que lles fixera entrar en razón.


O resto das reivindicacións foron rexeitadas do xeito máis tirano.Chamóusenos paranoicos, esquizofrénicos ou hipócritas entre gritos e coa máis absoluta prepotencia. Case todo elo foi consentido polo inspector de traballo Manuel Pérez Álvarez, que tras comprobar tanto abuso non quixo sancionar a empresa.


Como consecuencia de ditas reunións a empresa descargou unha ofensiva indiscriminada contra tódolos traballadores e traballadoras da empresa eliminando toda mellora salarial para así afundirnos nunha situación de precariedade e explotación aínda maior. Por si fora pouco incumpre sistematicamente o aceptado nas reunións ignorando e provocando ós representantes dos traballadores, tomando decisións unilaterais e antiobreiras, intentando enfrontar a uns traballadores cos outros co vello truco da chantaxe e do chanchullo ou retrasando o pago do salario ata mediados de mes querendo así asfixiarnos a nos e as nosas familias.


De todos xeitos a principal reclamación dos traballadores e traballadoras era a readmisión de Fernando, o compañeiro despedido. Esta reivindicación tivo que ser tratada nas dúas reunións como tamén no SMAC máis foi imposible toda negociación pois a empresa pretendía como condición para comezar unha negociación a humillación pública do despedido, polo que quedounos ben clariño que tiñamos que seguir coas mobilizacións de apoio o compañeiro despedido.


Os traballadores e traballadoras de DEMSU sabemos que estamos nun momento difícil e que só a mobilización e a solidariedade obreira sacaranos desta. Seguiremos adiante ata que as nosas xustas reivindicacións sexan un feito e o compañeiro sexa readmitido. E por todo esto que solicitamos a vosa solidariedade e vos animamos a facerlle fronte a tanta inxustiza, impunidade e abusos facendo chegar o vosa repulsa directamente a DEMSU vía:



e-mail: cad@demsu.com 1(aquí outra vez o de o link para o de a repulsa)
teléfono: 986288179
fax: 986288478

Links:
  1. mailto:cad@demsu.com
Post date: 2008-06-18 11:20:45
Post date GMT: 2008-06-18 10:20:45

Post modified date: 2008-06-18 11:32:49
Post modified date GMT: 2008-06-18 10:32:49

Export date: Wed Sep 30 5:18:13 2020 / +0000 GMT
This page was exported from CGT de Galicia [ http://www.cgtgalicia.org/wp ]
Export of Post and Page has been powered by [ Universal Post Manager ] plugin from www.ProfProjects.com