A CGT da Coruña está a distribuir o material editado pola organización e que se refire á precariedade na contratación laboral. Pegatinas e folletos xa se están repartindo nos centros de traballo, así como xa se están a colocar os cartaces nos taboleiros de anuncios.

Desde a CGT reivindicamos unhas políticas laborais e sociais igualitarias e un reparto do traballo e a riqueza de xeito que se satisfagan as necesidades do conxunto da poboación.

Ser novo e con formación e máis unha condea que unha situación ideal. O 66% da mocidade ten un contrato temporal cun salario baixo, 19 millóns de traballadores cobran menos de 1000 euros ao mes e 3 millóns cobran menos de 530.

A temporalidade afecta ao 47% dos traballadores e a flexibilización das condicións de traballo e o fraude na contratación fan aumentar os contratos mercantiles, a subcontratación e a figura do falso autónomo. Mulleres e inmigrantes están especialmente expostos á precariedade.

Ademais non podemos esquecer que todos os días morren máis de catro persoas polo incumplimento sistemático da lexislación en riscos laborais e pola precariedade das condicións nas que se traballa, sen que o Estado e a patronal fagan nada para evitalo.

Porque non somos lixo, organízate e loita!

SOV da Coruña