Nota de Prensa do Comité de Empresa de ATENTO:

«A Coruña, 4 de abril de 2007

Tras o pleno celebrado hoxe polo Comité de Empresa, e dado que segue sen producirse a readmisión dos despedidos, chegamos ó acordo de apoiar a convocatoria de folga de 24 horas do próximo luns, 16 de abril. Coincidindo coa xornada de folga, e ante a pasividade das institucións, está comunicada oficialmente unha concentración de traballadores ese mesmo día, esixindo a readmisión dos despedidos diante da sé da Xunta de Galicia, en Santiago de Compostela, ás 11:30 horas.

Así mesmo, con data de hoxe solicitamos unha reunión urxente co Conselleiro de Traballo, Ricardo Varela, e con Fernando Blanco, Conselleiro de Innovación e Industria, reclamando solucións ao conflicto de Atento e esixindo que actúen co rigor e a competencia que lles confire a lei ata a consecución da readmisión dos compañeiros e compañeiras despedidos.

Están previstas asembleas de traballadores o vindeiro mércores, 11 de abril, ás 11 da mañá e ás 7 da tarde. O lugar de celebración está pendente de confirmar. As asembleas servirán para coordinar e organizar a xornada de folga e a concentración diante da Xunta, así como actuacións futuras.
EN DEFENSA DO EMPREGO,
NIN UN DESPIDO MÁIS !!!

DESPEDIDOS READMISIÓN !!!»

Comparte esta noticia...
Share on Facebook
Facebook
Tweet about this on Twitter
Twitter
Share on LinkedIn
Linkedin
Print this page
Print
Email this to someone
email